Luku 21:1 - O̩TAKADA O̩LA O̩JO̩ 1970

¹ Oñ i mʼeju ko rʼate̩ ali amanana ku ma jʼakʼe̩wñ ele-ma rikpolo tef akpati o̩ko̩.

Luku 21:1 ပူးပေါင်းရင်းမြစ်များ

Jo̩n 8:20

Uko̩la-i i ka ef unyi o̩ko̩, abu kʼi do̩mo̩ ako̩ amone̩ e̩wñ ef unyi O̩jo̩; e̩ne̩ du la mʼu n todabu kʼiko-wñ ma wa ta n.

Matiu 27:6

Tak amagboji amatama mʼajifa le̩ ko, ma kakini, O̩da aje̩ ñw a kʼo jʼef e̩wñ ele O̩jo̩ n, abu kʼi chʼo̩ko̩ e̩bie̩.

2 Iko Iko E̩wn 36:18

Tak i mʼe̩wñ eku unyi O̩jo̩ chaka, tʼe-lile tʼe-ke̩ke̩, kpʼe̩wñ akoko unyi Jihofa, kpʼe̩wñ akoko onu, kpʼe-amagboji-wñ ko, oñ i muko wa Babilo̩n chaka.

Nihe̩maya 13:13

Tak u chi amadigede ku ma nʼo̩da o̩pata o̩pata le̩, ama che Shele̩maya kʼi chʼatama kpai Zedo̩k ako̩takada kpai Pe̩daya kʼi chʼabo Lifai, e̩ne̩ ki rone̩ ma la che Hanan o̩ma Zakur, o̩ma Mata-naya; todu ma fʼabo le̩ lo rʼabo ku ma chubi one̩, uko̩lo̩-ma la chʼe̩wñ ekpe̩ ñwamo̩maye-ma.

2 Amonu 24:13

Tak i mʼe̩wñ akoko unyi Jihofa chaka, kpai e̩wñ unyi onu ko kwʼo̩mo̩, oñ i fʼe̩wñ eku ku ma nʼo̩jamalia che ko̩da rinyo̩ pe̩le̩pe̩le̩, owñ chʼe-ku So̩lo̩mo̩n onu Israe̩l che ef unyi Jihofa, alu ki Jihofa ka le̩.

Jo̩shua 6:19

Ama ajifa-wñ chaka kpai o̩jamalia-wñ chaka kpai e̩wñ eku ebije ikpa kpai ebije, e̩wñ le̩ afo̩ ñw u Jihofa; e-le̩ atʼef akpulu e-Jihofa.

1 Amonu 14:26

oñ i mʼe̩wñ akoko ño̩ bʼunyi Jihofa kpai unyi onu te̩. I mʼe̩wñ du ño̩ le. I ño̩ mʼugbe̩yo̩ o̩jamalia du ki So̩lo̩mo̩n che le̩ ko ge̩.

Jo̩shua 6:24

Taku ma fʼewo gujo rinyo̩ kpai e̩wñ du ki jʼefu-wñ; chai ajifa-wñ kpai o̩jamalia-wñ kpai e̩wñ eku ebijeikpa kpai ebije, ma mʼe-le̩ ko nyʼef akpulu ef unyi Jihofa.

2 Amonu 12:9

Ama Jiho̩yada, atama, mʼakpati du, oñ i mʼuchi-wñ gudu, tak i mʼu du gugu akolo ubo̩ iche̩bo̩, i dʼo̩wo̩ awo̩to̩ abu kʼone̩ agudu nyʼef unyi Jihofa le̩, tak amatama ku ma de alo̩na kʼo̩ko̩ du ku ma ko wʼef unyi Jihofa le̩ nyʼefu-wñ.

Luku 20:47

e-ku ma mʼunyi amo̩yaukuo̩ko̩ ko je̩, tak ukpa ku ma ache chʼechadua jiji. Abo-i ajʼabi ololo tule.