Luku 20:37 - O̩TAKADA O̩LA O̩JO̩ 1970

³⁷ I muda chʼe-ku ma ako abo ki ku kwane̩, i chaka che Mose̩s dʼoji e-le̩ dufu ugbo oli ye̩e̩le̩ le̩, abu kʼi kakini, Ondu, O̩jo̩ e-Ebraham, kpai O̩jo̩ e-Aise̩k, kpai O̩jo̩ e-Jeko̩b.

Luku 20:37 ပူးပေါင်းရင်းမြစ်များ

O̩lo̩da Eduwa Onukeji 33:16

kpai e̩wñ akoko ane̩-ile̩-i kpai e̩wñ ki kpe̩ko̩-wñ, kpai ibe e̩nyo̩ e-e̩ne̩ ki gugu ef oli ye̩e̩le̩ le̩. Ki lewa abʼoji Jose̩f ma, kpai abʼakpe̩te̩ oji e-e̩ne̩ ku ma fʼu daru bʼamo̩maye-wñ te̩ le̩.

Akwodufu 3:15

O̩jo̩ ño̩ ka ñwu Mose̩s kakini, Alu kʼuwe̩ aka ñw abo Israe̩l le̩ de̩, ka ki Jihofa, O̩jo̩ e-amata-me̩, O̩jo̩ e-Ebraham kpai O̩jo̩ e-Aise̩k kpai O̩jo̩ e-Jeko̩b kpe̩ mi wʼugbo me̩-i: e-le̩ chʼodu-mi ogbegbele̩, e-le̩ laño̩ chʼurewa-mi tʼo̩gba o̩gba du.

Abakwane̩ 32:9

Oñ Jeko̩b kakini, O̩jo̩ e-ata-mi Ebraham, kpai O̩jo̩ e-ata-mi Aise̩k, uwe̩ Jihofa kʼe̩ ka ñwu mi kakini, Mudabi tʼane̩-we̩, ugbo amefu-we̩, tak u nachʼe̩nyo̩ ñw e̩,

Abakwane̩ 28:21

todu kʼu ño̩ dabi wʼunyi ata-mi kpai ure̩do̩ ge̩, e̩gbale̩ taku Jihofa amud O̩jo̩-mi,

Abakwane̩ 28:13

Go, Jihofa la dago ugbo oji-wñ ate̩, i kakini, Omi che Jihofa, O̩jo̩ Ebraham, ata-we̩ kpai O̩jo̩ Aise̩k; ane̩ kʼuwe̩ dachi oji-wñ le̩, nadu ñw e̩ kpai ugbe̩-we̩;

Abakwane̩ 17:7

Nadu alo-mi dago agbagba omi kpai uwe̩ kpai ugbe̩-we̩ ubi-we̩ ge̩ gbogbo tʼo̩gba o̩gba-ma du kʼi chʼalo e-ogbegbele̩, kʼu nachʼO̩jo̩ ñw e̩ kpai ugbe̩-we̩ ubi-we̩ ge̩.