Luku 19:14 - O̩TAKADA O̩LA O̩JO̩ 1970

¹⁴ Abane̩-wñ muda chulaka-wñ oñ ma fʼabogijo kpe̩ tʼo̩ ubi, ma kakini, I dʼuwa e̩do̩ kʼe̩ne̩-i ki chʼonu-wa n.

Luku 19:14 ပူးပေါင်းရင်းမြစ်များ

1 Samiue̩l 8:7

Oñ Jihofa ka ñwu Samiue̩l kakini, Netirʼamone̩ le̩ ef e̩wñ du ku ma ka ñw e̩; todu i chʼuwe̩ ma ko̩-i n, chai omi ma ko̩, kʼomi ki we echʼonu-ma.

Jo̩n 15:18

Iche̩wñ kʼile̩-i achulaka me̩, me̩ ma ka kʼulaka e-mi oñ i che o̩gba e-me̩.

Luku 19:27

Ama ame̩ne̩bi-mi ki ma dʼuma e̩do̩ kʼomi ki chʼonu-ma-i n, me̩ mu ko wʼemi, ku me̩ mʼuma kokpa eju-mi.

Jo̩n 1:11

I wʼugbo e̩wñ e-wñ; abo e-wñ la gbʼo̩ n.

Ze̩karaya 11:8

Tak u fʼamadidala me̩ta le̩ ko̩da rinyo̩ ochu ʼka. Todu uhia-ma fʼonugo-mi hia, onugo-ma laño̩ hihie̩ne̩ mi ge̩.

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

Luku 14:32

Iñmi-wñ ma wo̩ n abu kʼe̩ne̩ ekeji le̩ chejiji rʼu ta, i akpʼabogijo uche̩ natene e̩wñ kʼi adu hi o̩ iñmi wane̩ kʼure̩do̩ ki de̩.

Luku 19:13

I la fʼamadu-wñ me̩gwa do̩wa, oñ i mʼipamu me̩gwa ko ñwu ma, tak i ka ñwu ma kakini, Me̩ nadʼu chinyama gbogbo tak u wa.

Luku 19:15

Oñ i leatu, ef edabiwa-wñ, abu kʼi mʼojane̩ le̩ gba, i ka kʼama ki fʼamadu kʼi kʼo̩ko̩ ñwu ma le̩ do̩ wʼugbo-wñ, todu kʼi ma ile e̩wñ ku ma je̩ ef inyama ku ma che.

2 Samiue̩l 23:7

E̩ne̩ ki muda ado̩wo̩kado ma ki nadu e̩wñ ebije tunyʼo̩wo̩, kpai oli o̩kwo̩, ma la anʼuna gu ma jo kwʼe̩gu-ma hioko.