Luku 18:7 - O̩TAKADA O̩LA O̩JO̩ 1970

⁷ Oñ i ma nʼugbo du kʼO̩jo̩ anʼache̩ abo-wñ kʼi tutane̩ ku ma jʼakwadʼo̩ o̩ro̩ka kpai odu n? E̩do̩ i muda aje̩ ugbo ma le̩.

Luku 18:7 ပူးပေါင်းရင်းမြစ်များ

2 Pita 3:9

I cheka kʼOndu afo̩kpane̩ ugbo o̩la kʼi katane̩ alu kʼefo̩kpane̩ de̩ eju abo iche̩ka n; e̩do̩ i muda aje̩ ugbo me̩, i neku kʼe̩ne̩ du ki lenyo̩ n, chai kʼo̩chaka amone̩ ki tu eribeda.

Luku 11:13

Todule̩ iche̩wñ kʼame̩ ku me̩ chʼame̩ne̩bibi chema alu ku me̩ adʼe̩wñ ki nyo̩ che amo̩ma-me̩ ele, onu monu oñ Ata ki dʼefojale adʼAfu Kiafo̩ che abo ku ma bi owñ ele tule taa?

1 Timoti 5:5

Oñ e̩ne̩ kʼi chʼo̩yaukuo̩ko̩ ogbolo kʼi ma la nʼone̩ n, mʼibe-wñ konʼO̩jo̩ me̩, i la dʼef o̩ko̩ e̩gbabʼo̩ kpʼadua echo odu kpai o̩ro̩ka.

O̩la E̩bite 6:10

oñ ma nʼomuko̩la lile akwa kakini, Gbogbo nyʼe̩gba, O Ondu Onu kiafo̩ kpʼe-ogbolo, oñ e̩ ma kajo̩ kʼe̩ fʼache̩ e̩bie̩-wa na oji abo ku ma dodo ane̩ ile̩ n?

2 Abo Te̩se̩lonaika 1:6

abu kʼi chʼe̩wñ o̩kpakpa ugbo O̩jo̩ kʼi dʼo̩bata rʼo̩me̩ ñw abo ku ma dʼo̩bata ñwu me̩,

Luku 2:37

tak i chʼo̩yaukuo̩ko̩ gbogbo tak o̩do̩-wñ chʼo̩gbo̩ me̩le̩ nyoke me̩le̩), i kwo bʼunyi O̩jo̩ te̩ n; alueji kpai o̩ko̩ e̩gbabʼo̩ oñ i nʼache O̩jo̩ tʼodu tʼo̩ro̩ka.

Matiu 7:11

Todule̩ iche̩wñ kʼame̩ ku me̩ chʼame̩ne̩bibi chema e̩wñ e̩nyo̩ edu ñw amo̩ma-me̩, Ata-me̩ kʼi dʼefojale adʼe̩wñ ki nyo̩ ñw abo ku ma bi owñ tule n?

Eli Eko̩ DʼO̩jo̩ 88:1

O Jihofa, O̩jo̩ ujadu-mi, u te̩taraku odu kpai o̩ro̩ka o̩gba-we̩.

Habakuk 2:3

Todu ane̩ kʼe̩ go le̩ chʼutod iko-wñ ki che̩date̩ ta; i nahiane̩ alo rʼo̩wo̩ oji-wñ ekpa— i la arena n. Dagba i che̩du eju-we̩, e̩ nede-wñ ta; todu i awa tila, i achiñelebu n.

O̩la E̩bite 18:20

Me̩ nagwoguyo̩ rʼowñ oji, uwe̩ efojale kpʼame̩ abo kiafo̩ kpʼame̩ ame̩nukpuche̩ kpʼame̩ amakache̩, todabu kʼO̩jo̩ fʼajo̩ e-me̩ ka nʼowñ oji.

1 Te̩s 3:10

Odu kpʼo̩ro̩ka a abiebi ololo ololo todu kʼa li eju-me̩, kʼa fʼe̩wñ ki nyaru ef e̩do̩ ekono-me̩ hiu tʼeju-wñ.

Abo Ko̩lo̩se 3:12

Todule̩, abu ku me̩ chʼabo kʼO̩jo̩ chi me̩, ku me̩ chʼabo kiafo, kʼi te̩tafe̩do̩ me̩, me̩ ki ko e̩do̩ ki ali one̩ eju kpai umo̩la kpai o̩la-ehiwane̩ kpai o̩chikimi kpai e̩do̩-eje̩ nyʼo̩la;

Abo Rom 8:33

E̩ne̩ agwʼajo̩ nʼabo kʼO̩jo̩ chi ma tane̩? O̩jo̩ chʼe̩ne̩ ki adale:

O̩la E̩bite 7:15

Lef e-kide̩ oñ ma jʼo̩gba ede O̩jo̩, ma la che e̩wñ ucholo ñw u o̩ro̩ka kpʼodu ef unyi-wñ ejefu le, oñ e̩ne̩ ki gugu oj ede le̩ afʼunyabo-wñ fa bʼuma oji ma.

Taito̩s 1:1

Po̩l, adu O̩jo̩ kʼi ño̩ chʼe̩nukpuche̩ Jisus Kraist, lʼo̩na e̩do̩-ekono e-abo kʼO̩jo̩ chi ma tane̩ kpai ochochi le̩ ema ogbolo lʼo̩na ekpe̩do̩rʼO̩jo̩,

2 Timoti 1:3

Egwa nagwa O̩jo̩ e-kʼu nache akwʼe̩gba amo̩ra-mi, kʼakone̩ o̩la kʼi dʼefu-mi ma dʼe̩wñ gunyʼumi n, alu kʼomi ma kpe̩ke erewa e̩wñ ugbo we̩ ef egbo̩ko̩ kʼu nagbo̩ko̩bʼO̩jo̩ odu kpai o̩ro̩ka n;

Eli Eko̩ DʼO̩jo̩ 9:8

i añwʼile̩ go ef o̩kpakpa, i akpʼoji ajo̩ amone̩ tʼeju-wñ.

Akwodufu 22:23

Iche̩wñ kʼe̩ fʼuma dema re ku ma la raku do̩ mi, nagbo̩ aku-ma chuu;

Aizaya 40:27

O Jeko̩b, e̩wñ chi kʼe̩ ka, O Israe̩l, e̩wñ chi kʼe̩ kakini, O̩na-mi kʼu nale maja ñw Jihofa, ajo̩ o̩kpakpa-mi kʼama ma ka lalegu O̩jo̩-mi du me̩?

Matiu 24:22

I la che̩wñ ku ma ma bʼo̩jo̩ le̩ wane̩ n, ma ma jadu o̩re̩la du n. Ama todu abo ku ma chi ma tane̩, ma abʼo̩jo̩ le̩ wane̩.

Matiu 24:24

Todu amiKraisti olemi akwane̩, kpai amakache̩ olemi, ma la akʼujiwe lile kpai e̩wñ uno̩ jo̩; todabe̩le̩, i ma jʼache ma ma ko abo ku ma chi ma tane̩ le̩ la ge̩.

Luku 21:28

Ama echane̩ kʼe̩wñ-i achane̩ ewache, me̩ kʼeju rʼate̩, me̩ ki la hi oji-me̩ dago; todabu kʼugba me̩ tane̩ me̩ro̩-wo̩.

2 Timoti 2:10

Todule̩ oñ nafe̩do̩lichi ugbo e̩wñ du tod abo ku ma chi ma tane̩ le̩, todu kʼo̩wo̩-ma ki ño̩ tʼujadu e-ki dʼefu Kraist Jisus manyʼojima ogbegbele̩.

1 Pita 1:1

Pita, e̩nukpuche̩ Jisusi Kraisti, tʼugbo amilowa ku ma che̩kpatuka jʼane̩ Po̩nto̩s kpai Galatia kpai Kapadosia kpai Esia kpai Be̩tunia.