Luku 17:25 - O̩TAKADA O̩LA O̩JO̩ 1970

²⁵ Ama ejodudu i ali uwa wewe tila, oñ abo̩gba kide̩ afʼowñ ñwago ku ma kʼo̩ dab ijo̩bu.

Luku 17:25 ပူးပေါင်းရင်းမြစ်များ

Matiu 16:21

Akwʼe̩gbale̩ Jisus chane̩ eña amako̩che̩-wñ ka kʼenyi Je̩rusale̩m e-wñ nʼechi n, kʼi ali uwa nana o̩wo̩ abogijo kpʼo̩wo̩ amagboji amatama kpʼamako̩takada, kʼekpa ma akpa, taku ma ñʼadʼu kwane̩ o̩jo̩ e̩ke̩ta-wñ.

Luku 9:22

i kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada ki laño̩ kʼo̩, ku ma ñʼadʼu kpa ge̩, tak o̩jo̩ e̩ke̩ta-wñ ma adʼu dajikwane̩ ge̩.

Mark 8:31

Tak i chane̩ e̩ko̩ ma kakini, O̩ma One̩ ali uwa wewe tila, kʼabogijo kpai amagboji amatama kpai amako̩takada añwʼowñ ka kʼinyo̩ n, ku ma la fʼu kpa, o̩jo̩ me̩ta tak i adajikwane̩.

Jo̩n 1:11

I wʼugbo e̩wñ e-wñ; abo e-wñ la gbʼo̩ n.

Luku 18:33

taku ma ajʼowñ edili, ma la akpʼo̩ tinyo, tak o̩jo̩ e̩ke̩ta-wñ i udajikwane̩ ge̩.

Mark 12:10

I chaka chʼo̩la o̩takada O̩jo̩ kide̩-i, me̩ chʼo̩kalatu mama ta n? kakini, Okuta kʼamakunyi fʼu ñwa ka kʼi nyo̩ n, e-le̩ mud ukpoji alo me̩.

Matiu 21:42

Jisus ka ñwu ma kakini, Okuta kʼamakunyi fʼu ñwa ka kʼi nyo̩ n, e-le̩ mud ukpoji alo me̩. Ugbo Ondu oñ e̩wñ-i kwo, e̩wñ aye i la che eju-wa; ame̩ cho̩kalatu e-le̩ ef O̩takada O̩lo̩jo̩ mama ta n?

Aizaya 53:3

Amone̩ chʼe̩de̩te̩-wñ, ma la tʼo̩ no̩ tinyo̩; e̩niwo̩ i che, kpʼe̩ne̩ ki ma e̩gbo o̩la; i la dab one̩ kʼamone̩ dʼeju-ma maja bʼo̩ te̩, ma chʼe̩de̩te̩-wñ, i la wʼuwa eju n.

Jo̩n 12:38

todu kʼo̩la Aizaya akache̩ le̩ ki che̩, e-ki kakini, Ondu, e̩ne̩ ke̩do̩nʼinabali-wa ke? E̩ne̩ oñ o̩wo̩ Ondu mubite̩ ñw u?

Luku 24:46

Tak i ka ñwu ma kakini, Abe̩le̩ i che̩ko̩tane̩ ka ku Kraist ali uwa kʼi lañʼakwane̩ kwef abo ki ku o̩jo̩ e̩ke̩ta;

Luku 18:31

Tak i mʼamame̩gweji le̩ ko oñ i ka ñwu ma kakini, Me̩ go, a ate̩gu nyi Je̩rusale̩m, tak o̩la O̩ma One̩ du ki che̩ko̩tane̩ lef amakache̩ achekpoji.

Mark 10:33

i kakini, Go, awa anyi Je̩rusale̩m; ma la adʼO̩ma One̩ ñw amagboji amatama kpai amako̩takada mu, ma akpʼo̩ abi kʼi ku, ma adʼu ñw abo uche̩ichi;

Mark 9:31

Todu i nʼe̩wñ ako̩ amako̩che̩-wñ, oñ i ka ñwu ma kakini, Ma adʼO̩ma One̩ tef o̩wo̩ amone̩, taku ma adʼowñ kpa; oñ abu ku ma fʼu kpa, o̩jo̩ me̩ta tak i adajikwane̩.

1 Samiue̩l 10:19

Ame̩ muda ko̩ O̩jo̩-me̩ eñini; owñ onugo la ajadu me̩ kwef e̩bie̩ne̩-me̩ kpai o̩pe̩cha-me̩ chaka; me̩ la ka ñw u kakini, Chai onu oñ e̩ du ñw a. Todule̩ me̩ nakʼo̩la-me̩ wa jo̩ o̩gba Jihofa fai, o̩lo̩pu o̩lo̩pu-me̩, kpai icham nyʼo̩gwo̩ko̩ icham nyʼo̩gwo̩ko̩-me̩.

1 Samiue̩l 8:7

Oñ Jihofa ka ñwu Samiue̩l kakini, Netirʼamone̩ le̩ ef e̩wñ du ku ma ka ñw e̩; todu i chʼuwe̩ ma ko̩-i n, chai omi ma ko̩, kʼomi ki we echʼonu-ma.