Luku 16:19 - O̩TAKADA O̩LA O̩JO̩ 1970

¹⁹ Oñ e̩ne̩ʼka do̩mo̩ ki chʼanana; i la anyi e̩wñ odufa kpai ukpo line̩n ki nyo̩, i la do̩mo̩ achile̩ o̩jo̩ñwa o̩jo̩ñwa.

Luku 16:19 ပူးပေါင်းရင်းမြစ်များ

Izikie̩l 16:49

Go, e̩wñ ki chʼudu kʼo̩maye-we̩ onobule̩ So̩do̩m fe̩ de̩, kakini, Uba kpʼuje̩wñ ekʼefu kpʼekwojo̩ añmi ofo; e-le̩ dʼef uwñ kpʼamo̩ma-wñ; i la dʼukpahiu ñw o̩wo̩ e̩no̩bata kpʼe̩nale n.

Izikie̩l 27:7

Lemo̩-we̩ chʼukpo line̩n ku ma hi reju taku ma chiya nyʼu ku ma ne̩ kwʼIjipti wa, todu kʼi chʼagaliga ñw e̩; ukpo kʼe̩ du nʼala chʼodufa kpʼodu-fa ekpikpa ki kwʼala ala E̩lisha.

O̩la E̩bite 18:16

ma akakini, Atogwo, atogwo, ewo inaina-i e-ki dʼukpo line̩n ki nyo̩ kpʼodufa ekpikpa kpʼekpikpabʼo̩la-wñ ma, kʼi laño̩ nʼo̩jamalia kpʼokuta akoko kpai pure̩l cho̩ñwe̩nyʼo̩la-wñ!

O̩la E̩bite 18:7

Alu du kʼi dojima ñw o̩la-wñ kʼi laño̩ gugu ali ura, alu le̩ me̩ nadʼuwa kpʼaido̩ eda ñw owñ. Todabu kʼi aka ef e̩do̩-wñ kakini, Ugugu onu onobule̩ u gugu-i, u la chʼo̩yaukuo̩ko̩ n, i la nʼugbo du kʼeju-mi adʼedaido̩ n.

O̩la E̩bite 17:4

Oñ onobule̩ le̩ dʼe̩wñ odufa ekpikpa kpʼe̩wñ ekpikpa bʼo̩la-wñ ma, oñ i nʼo̩jamalia kpʼokuta akoko kpai pure̩l chʼo̩ñwe̩nyʼo̩la-wñ, i nʼago o̩jamalia ef o̩wo̩-wñ, i cheko̩ ñw e̩wñ ihie̩ne̩, owñ chʼe̩wñ abutabu-wñ ki ma de̩hiolo n le̩;

Luku 16:1

Tak i ño̩ ka ñw amako̩che̩-wñ le̩ kakini, E̩ne̩ʼka do̩mo̩ kʼi chʼanana, e-kʼi chenʼadigede; oñ ma ro̩lo̩ nyʼe̩ne̩ le̩ ugbʼowñ ka kʼi do̩mo̩ ako idu-wñ chihi rinyo̩.

Mark 15:17

Taku ma nyi owñ otogbo odufa ekpikpa, ma la fʼikeke ta ugugu uloko, oñ ma mʼu du dʼo oji.

Izikie̩l 16:13

Abe̩le̩ e̩ kʼo̩jamalia kpʼajifa chʼe̩wñ ijaga o̩la-we̩: e̩wñ kʼe̩ ko bʼo̩la ma, chʼukpo line̩n ku ma hi reju kpʼisiliki kpai ukpo ku ma chiya nyʼu; uwe̩ nʼomu te̩ke̩ te̩ke̩ aje̩, kpai iño̩, kpai ekpo; e̩ la chʼalifia ololo; e̩wñ la ra ñw e̩ gbogbo tak e̩ nʼugugu onu.

E̩sta 8:15

Taku Mo̩rde̩kai kwʼo̩gba onu ledufu, otogbo onu odufa kpai efufu dʼo̩la-wñ, ike̩be̩ o̩jamalia lile dʼoji-wñ, kpai afe̩ line̩n ku ma hi reju kpai odufa ekpikpa. Oñ abewo Shushan kwocho̩ga, ma la ayo̩.

Amakajo̩ 8:26

Uwoji aketi o̩jamalia kʼi bi le̩ che she̩ke̩l o̩jamalia icham nyʼo̩gwo̩ko̩ o̩gume̩lu mebie; manyʼuko̩lo̩ ki dab ochu le̩ kpai e̩wñ ijaga-ma kpai otogbo odufa ekpikpa ki jʼo̩la amonu Midian le̩, kpai ahika ki jʼo̩fa aminyakulumi-ma.

Luku 15:13

Tak i ma nenʼo̩jo̩ wewe n, oñ o̩ma e-imo̩to̩ le̩ fʼo̩chaka ane̩-wñ ño̩ le tʼane̩ o̩najiji, oñ i gugu o̩mo̩ achʼofubo̩, i mʼane̩-wñ ko chihi rinyo̩.

Mark 15:20

Oñ e̩gba ku ma chʼo uke̩ kpa, ma mʼotogbo odufa ekpikpa le̩ gwo̩ kwʼo̩la-wñ, oñ ma mʼe̩wñ o̩la e-wñ ko nyʼo̩la-wñ. Taku ma mʼu du dufu ku ma dʼu kabamoli.

Ita, Ita 31:22

I ahi ukpo ki jukpa ñw o̩la-wñ; e̩wñ o̩la-wñ che line̩n ku ma hi reju kpai e-odufa.

Luku 16:18

E̩ne̩ du kʼi ako̩ o̩ya-wñ kʼi la fʼomune̩ ne̩, o̩ya one̩ i atene le̩; oñ e̩ne̩ kʼi la ane̩ e-ku ma ko̩, o̩ya one̩ i atene-i ge̩.

Luku 16:20

Oñ e̩naleʼka do̩mo̩ kʼodu-wñ ko̩ Lazaro̩s ku ma du dachi alu atakpa-wñ, o̩la-wñ chaka chʼikete,

Ita, Ita 14:24

E̩wñ anana e-amanibe chʼike̩be̩-ma, idada amake̩do̩nʼo̩la-ma chʼida-da.

Aizaya 3:23

kpʼukpo ne̩wu ne̩wu kpʼukpo line̩n ku ma hi reju kpʼalawoni kpʼukpo ubo-jima.