Luku 16:11 - O̩TAKADA O̩LA O̩JO̩ 1970

¹¹ Todule̩ iche̩wñ kʼame̩ ma chʼamachubi one̩ ef e̩wñ-ene̩ e-uji n, e̩ne̩ ake̩do̩no me̩ kʼi akʼe̩wñ ogbolo ñwu me̩?

Luku 16:11 ပူးပေါင်းရင်းမြစ်များ

Luku 12:33

Me̩ kʼane̩-me̩ ta, ku me̩ kʼo chʼele ejumomi; me̩ nachʼalita ki ma jʼagbo n ñw o̩la-me̩, kʼi chʼe̩wñ akoko ki ma atakpa rʼo̩wo̩ n efojale, ugbo kʼajoji du ma te̩me̩ru n, kʼojudu ma la akʼo chile̩che̩ n.

Jeme̩s 2:5

Me̩ gbo̩, amo̩maye-mi kʼomi afe̩do̩ me̩, i chʼame̩nale ile̩-i oñ O̩jo̩ chi ku ma mud amanana ef e̩do̩ ekono n? kpʼamaje̩ e̩wñ ogu ojane̩-wñ kʼi kʼo̩la-wñ tane̩ ñw ame̩nufe̩do̩-wñ ni

Abo E̩fe̩sus 3:8

Omi ki nya tʼabo kiafo̩ du le, oñ ma du ufe̩de̩nyo̩ kide̩ ñw u, kʼu fʼuche̩nyo̩ unana Kraist e-kʼo̩kpa-wñ ma je̩ ate̩ n le̩ je̩ rʼabo uche̩ichi;

Luku 18:22

Oñ abu ku Jisus gbo̩, i ka ñw u kakini, E̩wñʼka bo̩ ñw e̩ ta, mʼe̩wñ du kʼe̩ ne̩ ko ta, kʼe̩ mʼu ko kpe̩ ñw ame̩nale, oñ uwe̩ anʼe̩wñ akoko efojale: tak e̩ lewa, tʼumi ubi.

Luku 16:9

Omi la aka ñwu me̩ kakini, Me̩ nanʼe̩wñ uji ene̩ le̩ chʼamonuku ñw o̩la-me̩; todu kʼe̩gba du kʼi ña kʼama ki mʼume̩ gba tef ebu e-ogbegbele̩.

O̩la E̩bite 3:18

Nadʼibe ñw e̩ kʼe̩ la ajamalia kʼuna gwe̩ ugbo mi, todu kʼuwe̩ ki chʼanana; kpʼe̩wñ o̩la efufu, todu kʼuwe̩ ki ko bʼo̩la ma, kʼanyo̩ ago ofo-we̩ ki we etejugede; kpʼogu eju, kʼe̩ dʼu kurʼeju-we̩, todu kʼuwe̩ ki gane̩.

Matiu 6:24

I nʼe̩ne̩ du kʼi neke chuko̩lo̩ adu ñw odu meji n; todu i ma chaka chulaka oka kʼi fe̩do̩ ekeji n, mak i amanyʼoka o̩la kʼi la adʼekeji rʼo̩che̩ke̩ne̩. Ame̩ neke chʼadu ñw O̩jo̩, ku me̩ laño̩ chʼadu ñw o̩ko̩ n.

Luku 16:12

I la che̩wñ ku me̩ ma chʼamachubi one̩ ef e̩wñ e̩nomune̩ n, e̩ne̩ adʼe̩wñ ñwu me̩ ku me̩ ne̩ chʼe̩-me̩?