Luku 12:56 - O̩TAKADA O̩LA O̩JO̩ 1970

⁵⁶ Ame̩, ame̩nayechi! Ame̩ chema alu ku me̩ añwa eju ane̩-ile̩-i kpʼefojale go; ama abile kʼame̩ ma ma alu ku me̩ añwa iko-i go n?

Luku 12:56 ပူးပေါင်းရင်းမြစ်များ

Matiu 16:3

ojale la kpa gaa odudu, me̩ kakini, Ane̩ nyo̩ eñini n, gʼakpa ki jukpa te̩. Me̩ la meju eñwa eju ojale go, me̩ neke mejuma ujiwe adiko adiko n?

Matiu 11:25

Adiko le̩ Jisus mʼomu-wñ da kakini, Nagogbodʼuwe̩, Ata-mi, Ondu efojale kpʼane̩-ile̩, todabu kʼuwe̩ kʼe̩wñ-i maja bʼamanibe kpʼame̩nugbeju te̩, kʼe̩ la mʼu bite̩ ñw amo̩me̩kpa.

1 Iko Iko E̩wñ 12:32

Abo Isakar ku ma ma iko iko-wñ ku ma ma alu ki dukpe̩ kʼabo Israe̩l ache, abo ku ma dʼoji dufu ef uma chʼo̩gwo̩ko̩; amo̩maye-ma du agbʼo̩la-ma gbo̩.

Abo Galatia 4:4

ama e̩gba kʼiko-wñ jo̩, O̩jo̩ fʼO̩ma-wñ kpuche̩ dufu, onobule̩ bi, i la bi tef o̩lo̩da,

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Hagai 2:7

oñ nami abo uche̩ichi du ejo tak e̩wñ ube̩do̩ e-abo uche̩ichi du awa; tak omi akʼojima jʼef unyi-i e̩ko̩, Jihofa ki nʼe̩wñ du ka-i.

Malakai 3:1

Go, nakpʼonuche̩-mi wa, kʼi ñwʼo̩na che o̩gba-mi; tak Ondu kʼame̩ atene owñ le̩ awʼunyi-wñ achigili. Onuche̩ e-alo kʼame̩ ayo̩ ñw u le̩, me̩ go, owñ awa, Jihofa ki nʼe̩wñ du ka-i.

Matiu 6:2

Todule̩ e̩gba kʼe̩ dʼe̩wñ chʼele ejumomi, e̩ ki fʼo̩kakachi o̩gba-we̩, alu kʼame̩nayechi ache ef unyi ujeju kpʼej o̩na, todu kʼamone̩ ki dʼojima ñwu ma n. Ami, naka ñwu me̩ kakini, Ma mʼuro̩me̩-ma gba kpa me̩.