Luku 12:33 - O̩TAKADA O̩LA O̩JO̩ 1970

³³ Me̩ kʼane̩-me̩ ta, ku me̩ kʼo chʼele ejumomi; me̩ nachʼalita ki ma jʼagbo n ñw o̩la-me̩, kʼi chʼe̩wñ akoko ki ma atakpa rʼo̩wo̩ n efojale, ugbo kʼajoji du ma te̩me̩ru n, kʼojudu ma la akʼo chile̩che̩ n.

Luku 12:33 ပူးပေါင်းရင်းမြစ်များ

Matiu 19:21

Taku Jisus ka ñw u kakini, Iche̩wñ ki dʼuwe̩ e̩do̩ kʼe̩ mufu, e̩ nyʼamʼane̩-we̩ ko ta, kʼe̩ mʼu ko ñw ame̩nale, tak uwe̩ anʼe̩wñ akoko efojale; tak e̩ lewa tʼumi ubi.

Luku 18:22

Oñ abu ku Jisus gbo̩, i ka ñw u kakini, E̩wñʼka bo̩ ñw e̩ ta, mʼe̩wñ du kʼe̩ ne̩ ko ta, kʼe̩ mʼu ko kpe̩ ñw ame̩nale, oñ uwe̩ anʼe̩wñ akoko efojale: tak e̩ lewa, tʼumi ubi.

E̩wñ kʼAme̩nukpuche̩ Che 2:45

taku ma mʼane̩-ma kpai idu-ma ko ta, oñ ma fʼu kpe̩rʼo̩chaka amone̩, alu kʼeku-wñ aku e̩ne̩ du.

Luku 16:9

Omi la aka ñwu me̩ kakini, Me̩ nanʼe̩wñ uji ene̩ le̩ chʼamonuku ñw o̩la-me̩; todu kʼe̩gba du kʼi ña kʼama ki mʼume̩ gba tef ebu e-ogbegbele̩.

Luku 12:21

Abe̩le̩ e̩ne̩ ki afe̩do̩ e̩wñ akoko tane̩ ñw o̩la-wñ kʼi ma la chʼanana ñw O̩jo̩ n de̩.

Hagai 1:6

Ame̩ fʼe̩wñ gbe̩ tuu, me̩ kʼe̩wñ ree wʼunyi; me̩ je̩ e̩wñ, i muda bʼume̩ jo̩ n; me̩ ñmʼomi, efu-me̩ la ko̩ n; me̩ kʼukpo bʼo̩la ma, i muda anʼe̩ne̩ du kʼafu ma kpʼo̩ n in; oñ e̩ne̩ ki achʼuko̩lo̩ ku ma rʼo̩me̩ ñw u agbʼo̩me̩-wñ tef akpulu kʼofe-wñ chʼe̩gudu.

2 Abo Ko̩rint 8:2

kakini, Ef o̩bata ki ñwa ma go nana le̩, uyo̩-ma ololololo kpʼale-ma ki nefu i kwu ma bo̩, oñ ma chʼo̩wo̩ anana ñw one̩.

Jo̩n 12:6

I la ko̩la kide̩ todabu kʼame̩nale chewʼowñ eju n, chai todabu kʼi chʼajoji, kʼi la nʼakpati ku ma kʼe̩wñ nyʼu.

Luku 11:41

Ama me̩ ki kʼe̩wñ ki jʼejefu che ele ejumomi, taku me̩ go ka kʼe̩wñ du de̩hiolo ñwu me̩.

Ita, Ita 13:7

I chenʼe̩ne̩ ki amʼeju anana ki ma la ne̩ e̩wñ du n; i anʼe̩ne̩ ki amʼeju e̩nukpa kʼi la chenʼe̩wñ nana.