Jo̩shua 8:33 - O̩TAKADA O̩LA O̩JO̩ 1970

³³ Tak abo Israe̩l, tʼo̩mane̩, tʼilowa, kpai amako̩takada-ma, kpai amakajo̩-ma chaka, kwodago ejemi kpai ejano̩mo̩ akpati le̩ o̩gba amatama ku ma chʼabo Lifai ku ma nʼakpati alo Jihofa, ukpe̩reji-ma jʼo̩gba uwo Gerizim, ukpe̩reji-ma la jʼo̩gba uwo Ebal; alu ki Mose̩s adu Jihofa ñwa ñwu ma e̩gba ejodudu le̩, kʼama ki kadua ñw abo Israe̩l.

Jo̩shua 8:33 ပူးပေါင်းရင်းမြစ်များ

O̩lo̩da Eduwa Onukeji 11:29

Oñ i awatu, e̩gba ki Jihofa O̩jo̩-we̩ adʼuwe̩ wʼoj ane̩ ugbo kʼuwe̩ agudu nyi kʼe̩ gba le̩, mak uwe̩ ki dʼe̩nyo̩ le̩ gugu oj uwo Gerizim, oñ ama le̩ agugu oji uwo Ebal.

O̩lo̩da Eduwa Onukeji 31:12

Kʼamone̩-i wa jeju, tʼaboke̩le̩ tʼabobule̩, tʼabo egini, kpai ilowa-we̩ kʼi dʼef aku aku-we̩, kʼama ki gbo̩, ku ma ko̩che̩ ku ma railo Jihofa O̩jo̩-me̩, ku ma fejutʼo̩ kʼama ki che o̩la uko̩-o̩la-i du,

O̩lo̩da Eduwa Onukeji 31:9

Taku Mose̩s fʼo̩takada uko̩-o̩la-i ko̩, oñ i mʼu ko ñw amatama, amo̩ma Lifai, kʼama ne̩ akpati alo Jihofa kpai abogijo Israe̩l chaka ge̩.

Jo̩shua 24:1

Taku Jo̩shua fʼabo o̩lo̩pu Israe̩l chaka do̩ wa jeju She̩ke̩m, oñ i fʼabogijo Israe̩l kpai abo ku ma dʼoji dufu efu ma kpai amakajo̩-ma kpai amako̩takada-ma chaka do̩ wa; tak ama le̩ kʼo̩la-ma wajo̩ o̩gba O̩jo̩.

Jo̩shua 4:18

Tak i lewatu, e̩gba kʼamatama ku ma ne̩ akpati alo Jihofa le̩ mute̩gu kwʼalumeji Jo̩rdan dufu wa, kʼadabe̩re̩ amatama le̩ kwo tʼane̩ e̩gbe̩, tak omi Jo̩rdan mudabi tʼe̩gu-wñ, oñ i wobi lʼoji otete alu ki che akwoubi le̩.

Jo̩shua 3:3

oñ ma ñwa ñw amone̩ le̩ kakini, E̩gba ku me̩ fʼakpati alo e-Jihofa O̩jo̩-me̩ li, abu kʼamatama ku ma chʼabo Lifai le̩ ane̩, e̩gbale̩ me̩ muño̩ bʼuña-me̩-i te̩ ku me̩ tʼo̩ ubi,

O̩lo̩da Eduwa Onukeji 31:25

taku Mose̩s ñwa ñw abo Lifai, ku ma ne̩ akpati alo Jihofa le̩ kakini,

Ekaluka 15:29

Ame̩ anʼuko̩-o̩la okate tod e̩ne̩ kʼi ache e̩wñ kʼi ma gwejugede n, tod e̩ne̩ kʼi che o̩mane̩ ef abo Israe̩l, kpai tod ilowa kʼi age̩ne̩ efu-ma.

Ekaluka 15:16

Uko̩o̩la-wñ kpai alu ku ma du oji ajo̩-wñ te̩ todu me̩ kpai tod ilowa kʼi ge̩ne̩ efu-me̩ achʼoka.

Akwodufu 12:49

Uko̩ o̩mane̩ kpai e-ilowa ki ge̩ne̩ efu-me̩ achʼoka.

Jo̩shua 23:2

Jo̩shua fʼabo Israe̩l chaka do̩ wa, abogijo-ma kpai abo ku ma dʼoji dufu efu-ma kpai amakajo̩-ma kpai amako̩takada-ma, oñ i ka ñwu ma kakini, Omi chʼogijo, u kwojolugbo nana me̩;

Jo̩shua 6:6

Abe̩le̩ Jo̩shua, o̩ma Nun le̩, fʼamatama do̩ wa oñ i ka ñwu ma kakini, Me̩ mʼakpati alo le̩ du, tak amatama mebie ki nʼo̩kakachi o̩ga echi mebie rʼo̩gba akpati Jihofa le̩.

Jo̩shua 4:10

Todu amatama ku ma nʼakpati le̩ dago alumeji Jo̩rdan, gbogbo tak e̩wñ du ki Jihofa ñwa ñwu Jo̩shua kʼi ka ñw amone̩ le̩ che kpa, teju alu du ki Mose̩s ñwa ñwu Jo̩shua. Tak amone̩ le̩ hio̩wo̩ wane̩ daba;

Jo̩shua 3:14

Abe̩le̩ e̩gba kʼamone̩ le̩ kwo bʼunyabo-ma te̩ ku ma daba Jo̩rdan, kʼamatama ku ma ne̩ akpati alo le̩ jʼo̩gba amone̩ le̩,

Abo Lifai 24:22

Oji ajo̩-wñ ugbo me̩ achʼokate alu ki de̩ ñw ilowa abe̩le̩ i ade̩ ñw o̩mane̩ ge̩; todu omi, Jihofa O̩jo̩-me̩, de̩.

Jo̩shua 3:6

Taki Jo̩shua ka ñw amatama le̩ kakini, Mʼakpati alo le̩ du ku me̩ dʼo̩gba amone̩-i daba. Taku ma mʼakpati alo le̩ du, oñ ma tʼamone̩ le̩ o̩gba.

Jo̩n 4:20

Amata-wa dojikane̩ ñw O̩jo̩ oj uwo kide̩; ame̩ la ka ku Je̩rusale̩m chʼugbo ki dukpe̩ kʼamone̩ adojikane̩ ñw O̩jo̩.

Ekaluka 15:15

Todu ujeju-i, uhio̩me̩ todu me̩ kpai ilowa kʼi ge̩ne̩ efu-me̩ chʼoka, uhio̩me̩ ogbegbele̩ gbogbo nyʼo̩hio̩gu-me̩ i che; alu kʼame̩ de̩, abe̩le̩ ilowa ade̩ eju Jihofa.