Jo̩shua 4:10 - O̩TAKADA O̩LA O̩JO̩ 1970

¹⁰ Todu amatama ku ma nʼakpati le̩ dago alumeji Jo̩rdan, gbogbo tak e̩wñ du ki Jihofa ñwa ñwu Jo̩shua kʼi ka ñw amone̩ le̩ che kpa, teju alu du ki Mose̩s ñwa ñwu Jo̩shua. Tak amone̩ le̩ hio̩wo̩ wane̩ daba;

Jo̩shua 4:10 ပူးပေါင်းရင်းမြစ်များ

Jo̩shua 3:13

Taki awatu, e̩gba kʼadaba e̩re̩ amatama ku ma nʼakpati Jihofa kʼi chʼOndu ile̩ du, tunyʼomi Jo̩rdan, mak omi Jo̩rdan le̩ amuko̩da meji, owñ chʼomi ki acha kwʼate̩ wa, i la agba dago ugbo okate logoo.

2 Abo Ko̩rint 6:2

todu i kakini, U netirʼuwe̩ iko ku ma gba; u la te̩ko we̩ o̩jo̩ ujadu. Go, fa-i chʼiko ku ma gba; go, fa-i chʼo̩jo̩ ujadu.

Aizaya 28:16

todule̩ abu kʼOndu Jihofa aka de̩ kakini, Go, omi adʼokuta chʼe̩re̩ unyi efu Zayo̩n, ma fʼokuta le̩ ñwago me̩, i chʼokuta akoko, kʼi chʼudane̩ alo unyi kʼe̩re̩-wñ chʼo̩kpaka; e̩ne̩ ki dʼo̩ rʼochochi anaju n.

Ako̩la ñw Ujeju 9:10

E̩wñ du kʼo̩wo̩-we̩ tʼo̩, e̩ nʼukpahiu-we̩ che; todu i nʼuko̩lo̩ du kpʼibe e̩wñ eñwa kpʼe̩wñ ema kpʼibe ef o̩jegu ugbo kʼuwe̩ anyi le̩ n.

Ita, Ita 27:1

E̩ ki je̩nyu ñw o̩la-we̩ ugbo e̩wñ o̩jo̩ o̩na n, todu uwe̩ ma alu kʼo̩jo̩ o̩na añwa n.

Eli Eko̩ DʼO̩jo̩ 119:60

U hio̩wane̩ u la ache̩du n kʼu dejute̩ uko̩ kʼe̩ te̩.

O̩lo̩da Eduwa Onukeji 31:9

Taku Mose̩s fʼo̩takada uko̩-o̩la-i ko̩, oñ i mʼu ko ñw amatama, amo̩ma Lifai, kʼama ne̩ akpati alo Jihofa kpai abogijo Israe̩l chaka ge̩.

Akwodufu 12:39

taku ma ne̩ e̩kpo uje̩wñ ku ma ko kwo Ijipti wa le̩ che akala kʼo̩jo̩wu ma dʼo̩ n, todu ma dʼo̩jo̩wu tʼo̩ ta n, todabu ku ma kʼuma e̩che̩ kwʼIjipti dufu, ma la neke che̩du ubi n, ma la ñw ane̩ uje̩wñ che tane̩ ñw o̩la-ma n.

Jo̩shua 4:9

Taku Jo̩shua mʼokuta me̩gweji ko dago alumeji Jo̩rdan ugbo kʼe̩re̩ amatama ku ma nʼakpati alo le̩ mane̩; i la jʼo̩mo̩ gbogbo tʼeñini.

Jo̩shua 4:11

oñ i lewatu, abu kʼamone̩ le̩ chaka mudaba hioko, tak akpati Jihofa kpai amatama le̩ ño̩ daba eju amone̩ le̩.

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.