Jo̩shua 3:14 - O̩TAKADA O̩LA O̩JO̩ 1970

¹⁴ Abe̩le̩ e̩gba kʼamone̩ le̩ kwo bʼunyabo-ma te̩ ku ma daba Jo̩rdan, kʼamatama ku ma ne̩ akpati alo le̩ jʼo̩gba amone̩ le̩,

Jo̩shua 3:14 ပူးပေါင်းရင်းမြစ်များ

Abo Hibru 9:4

e̩wñ ki jʼef e-le̩ chʼubo̩ iche̩bo̩ ajamalia ku ma kʼe̩wñ ki akpo jʼoji-wñ kpʼakpati e-alo ekpe̩ kʼajamalia chewenyʼo̩la-wñ chaka, ef akpati le̩ ucha ajamalia ku mana jʼef uwñ, kpʼo̩kpa Aro̩n ki dikoko, kpʼalo e-alo ekpe̩ le̩ jo̩

Je̩re̩maya 3:16

Oñ i awatʼe̩gba kʼame̩ fʼamo̩ma bi ku me̩ la wewe oj ane̩-i, iko le̩, Jihofa aka-i, ama ñʼaka kakini, Akpati alo Jihofa ge̩ n; ibe-wñ la atʼuma efu n; ma la arewa n; ma la anyʼafejudʼo ge̩ n; ma ñʼache abe̩le̩ du ge̩ n.

Eli Eko̩ DʼO̩jo̩ 132:8

O Jihofa, kwane̩ kʼe̩ nyʼef uña uñmi-we̩, uwe̩ kpai akpati ukpahiu-we̩ le̩.

Jo̩shua 6:6

Abe̩le̩ Jo̩shua, o̩ma Nun le̩, fʼamatama do̩ wa oñ i ka ñwu ma kakini, Me̩ mʼakpati alo le̩ du, tak amatama mebie ki nʼo̩kakachi o̩ga echi mebie rʼo̩gba akpati Jihofa le̩.

Jo̩shua 3:6

Taki Jo̩shua ka ñw amatama le̩ kakini, Mʼakpati alo le̩ du ku me̩ dʼo̩gba amone̩-i daba. Taku ma mʼakpati alo le̩ du, oñ ma tʼamone̩ le̩ o̩gba.

Jo̩shua 3:3

oñ ma ñwa ñw amone̩ le̩ kakini, E̩gba ku me̩ fʼakpati alo e-Jihofa O̩jo̩-me̩ li, abu kʼamatama ku ma chʼabo Lifai le̩ ane̩, e̩gbale̩ me̩ muño̩ bʼuña-me̩-i te̩ ku me̩ tʼo̩ ubi,

O̩lo̩da Eduwa Onukeji 31:26

Mʼubuku uko̩-o̩la-i du, ku me̩ mʼu du tʼakolo akpati alo Jihofa O̩jo̩-me̩ le̩, todu kʼi tʼo̩mo̩ kʼi gbibenu nyʼuwe̩.

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.