Jo̩shua 3:10 - O̩TAKADA O̩LA O̩JO̩ 1970

¹⁰ Taki Jo̩shua kakini, Alu ku me̩ ale ku me̩ ama ka kʼO̩jo̩ ki deju dʼefu-me̩ le̩ de̩, ka ki nʼugbo du ki achi n, owñ le̩ afʼabo Kenan kpai abo He̩t kpai abo Hifai kpai abo Pe̩re̩z kpai abo Girgash kpai abo Amo̩r kpai abo Je̩bius ne dufu bʼume̩ o̩gba te̩.

Jo̩shua 3:10 ပူးပေါင်းရင်းမြစ်များ

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Akwodufu 33:2

Omi la akpʼonuche̩ tʼuwe̩ o̩gba, oñ u nane abo Kenan kpai abo Amo̩r kpai abo He̩t kpai abo Pe̩re̩z kpai abo Hifai kpai abo Je̩bius bʼo̩mo̩ te̩.

Abo Hibru 10:31

Eñwa tef o̩wo̩ O̩jo̩ ki deju abailo.

1 Samiue̩l 17:26

Taku Defid ko̩la ñw aboke̩le̩ ku ma dago kpenyʼu kakini, E̩wñ ma ache ñw e̩ne̩ kʼi mʼe̩ne̩ Filistia-i du kpa, kʼi laño̩ mʼina du bʼoji abo Israe̩l te̩ ta? Todu e̩ne̩ e̩pi odukulu e-Filistia-i, e̩ne̩ owñ che kʼi abʼabogu e-O̩jo̩ ki deju ina ta?

Je̩re̩maya 10:10

Jihofa muda chʼO̩jo̩ ogbolo; owñ chʼO̩jo̩ ki deju, kʼi la chʼonu ogbegbele̩. Eju-wñ kpa ane̩ ile̩ aga, abo uche̩ichi neke bʼe̩do̩fulu-wñ jo̩ n.

2 Amonu 19:4

Ikani Jihofa O̩jo̩-we̩ agbo̩ o̩la du ki kwʼalu Rabshake̩, e-kʼonu Asiria odu-wñ kpe̩ wa kʼi afo̩ko̩ O̩jo̩ e-ki deju, kʼi adejurʼo̩la ki Jihofa O̩jo̩-we̩ gbo̩ le̩; todule̩ e̩ ki mʼadua-we̩ du dago tod e̩bo̩bo̩ amone̩ ki bo̩.

Jo̩shua 22:31

Taku Finehas, o̩ma E̩le̩aza atama le̩, ka ñw abo Rube̩n kpai abo Gad kpai abo Manasa kakini, Eñini-i a chema ka ki Jihofa dʼalumeji-wa, todabu ku me̩ ma jʼada Jihofa-i n; ame̩ mʼabo Israe̩l gba bʼo̩wo̩ Jihofa te̩ fai me̩.

O̩lo̩da Eduwa Onukeji 31:17

Tak uwe̩do̩-mi amutajo abʼuma ma O̩jo̩ le̩, oñ nahi uma tinyo̩, naño̩ dʼeju-mi maja bʼuma te̩, oñ e̩wñ o̩mo̩ ako ma mi, e̩wñ e̩bie̩ne̩ kpai o̩pe̩cha wewe ake̩re̩bʼuma, todabe̩le̩ ma aka o̩jo̩ le̩ kakini, I chʼutodabu kʼO̩jo̩-wa ma dʼefu-wa n oñ e̩wñ e̩bie̩ne̩ ke̩re̩bʼuwa-i n?

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

1 Te̩s 1:9

Todu ama onugo dʼo̩la-wa ka e̩go̩ alu kʼegudu kʼa gudu wʼugbo me̩ de̩, kpai alu ku me̩ rida tʼugbo O̩jo̩ bʼode te̩ ku me̩ chʼadu ñw O̩jo̩ kʼi deju kpʼe-ogbolo;

Hosiya 1:10

I chaka dʼabe̩le̩ aluka amo̩ma Israe̩l awewe dab e̩lanyi ohimini, e-ki ma jʼañwa n, kʼi ma la jʼakaluka n; oñ i awatu ka kʼugbo ku ma ka ñw ma kakini, Ama chʼabo-mi n, ma aka ñw ma kakini, Amo̩ma O̩jo̩ ki deju.

Eli Eko̩ DʼO̩jo̩ 9:16

Ma fu Jihofa ma lugbo ajo̩ kʼi aka; uko̩lo̩ kʼame̩ne̩bibi che mud oku ki fʼama onugo mu. Higaion. Sila.

O̩lo̩da Eduwa Onukeji 5:26

Todu e̩ne̩ do̩mo̩ ef o̩re̩la du, kʼi gbo̩ omuko̩la O̩jo̩ kʼi deju-i kʼi dʼalumeji una ako̩la alu kʼa gbo̩-i, kʼe̩ne̩ le̩ deju mama me̩?

Matiu 16:16

Taku Saimo̩n Pita dohi kakini, Uwe̩ chʼiKraisti, O̩ma e-O̩jo̩ kʼi deju.

Aizaya 7:14

I dʼabe̩le̩ mak Ondu onugo adʼujiwe ñw e̩. Go, igbe̩le̩ kʼi ma mʼe̩ne̩ke̩le̩ n le̩ adefu, i la abi o̩ma e̩ne̩ke̩le̩, oñ i adʼodu-wñ ko̩ Imaniue̩l.

1 Amonu 22:28

Taku Maikaya kakini, Iche̩wñ ki anʼugbo kʼuwe̩ adabiwa kpʼure̩do̩ re kilikili maku Jihofa ko̩la ugbo-mi ge̩ n de̩. Tak i kakini, Me̩ gbo̩, ame̩ amone̩-i o̩chaka-me̩.

Jo̩shua 21:45

O̩la e̩nyo̩ du ki Jihofa ka tane̩ ñw abo unyi Israe̩l le̩, okate-wñ chi n; o̩chaka-wñ lewa che̩.

Akwodufu 17:7

Oñ i do̩ odu ugbo kide̩ ko̩ Masa kpai Me̩riba, tod e̩kobo̩ kʼamo̩ma Israe̩l kobʼo̩ kpai todabu ku ma chʼajama Jihofa, owñ chʼe-ku ma kakini, Jihofa dʼefu-wa? abe̩k i dʼefu-wa n?

Jo̩n 6:69

A la mʼe̩do̩ kono me̩, a la chema ka kʼuwe̩ chʼE̩ne̩ Kiafo̩ e-O̩jo̩.

O̩lo̩da Eduwa Onukeji 7:21

E̩ ki chokpo ma n; todu Jihofa O̩jo̩-we̩ dʼalumeji-we̩, O̩jo̩ inaina kʼi abailo i che.

Jo̩shua 3:9

Taki Jo̩shua ka ñw abo Israe̩l chaka kakini, Me̩ lewa ku me̩ gbʼo̩la Jihofa O̩jo̩-me̩.

Jo̩shua 9:1

Oñ i lewatu, e̩gba kʼamonu du ku ma jʼudaba Jo̩rdan ane̩ uwo-wñ kpai ane̩ o̩go̩-wñ o̩la Ohimini Elile o̩gba Le̩bano̩n le̩ gbʼinabali-wñ, owñ chʼabo He̩t kpai abo Amo̩r kpai abo Kenan kpai abo Pe̩re̩z kpai abo Hifai kpai abo Je̩bius le̩;

1 Samiue̩l 26:6

Taku Defid mʼohi du ñw Ahi-me̩le̩k, e̩ne̩ abo He̩t le̩, kpai Abishai, o̩ma Ze̩ruaya kʼi chʼo̩maye Jo̩ab, kakini, E̩ne̩ alebʼumi nyʼugbo So̩l ef uru o̩mo̩? Tak Abishai kakini, Nale bʼuwe̩.

Eli Eko̩ DʼO̩jo̩ 42:2

Alugbe̩ O̩jo̩ akpa onugo-mi, owñ chʼO̩jo̩ kʼi deju. E̩gba oñ omi awa li eju O̩jo̩?

Abakwane̩ 15:21

kpai abo Amo̩r, kpai abo Kenan, kpai abo Girgash, kpai abo Je̩bius le̩.

Ekaluka 13:29

Abo Amale̩k dodo oj ane̩ o̩wo̩ o̩pata o̩gane̩; abo He̩t kpai abo Je̩bius kpai abo Amo̩r dodo oj ane̩ uwo o̩mo̩; oñ abo Kenan la dodo o̩la ohimini, kpai adabu Jo̩rdan jo̩.

Jo̩shua 11:3

tugbo abo Kenan o̩wo̩ olodudu kpai o̩wo̩ olane̩ kpai abo Amo̩r kpai abo He̩t kpai abo Pe̩re̩z kpai abo Je̩bius oj ane̩ uwo le̩ kpai abo Hifai ku ma jo̩ e̩re̩ He̩rmo̩n oj ane̩ Mizpa.

Jo̩shua 12:8

ane̩ uwo kpai ane̩ o̩go̩ kpai oj ane̩ Araba kpai ane̩ ate̩gu uwo kpai ane̩ ef aje̩tachi kpai o̩pata o̩wo̩ o̩gane̩; ane̩ abo He̩t kpai abo Amo̩r kpai abo Kenan kpai abo Pe̩re̩z kpai abo Hifai kpai abo Je̩bius):

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.

1 Iko Iko E̩wñ 1:14

kpai e̩ne̩ Je̩bius kpai e̩ne̩ Amo̩r kpai e̩ne̩ Girgash