Jo̩shua 24:25 - O̩TAKADA O̩LA O̩JO̩ 1970

²⁵ Abe̩le̩ Jo̩shua fʼalo kpe̩ kpai amone̩ le̩ o̩jo̩ le̩, oñ i fʼe̩wñ uhio̩me̩ kpai o̩da ajo̩ du te̩ ñwu ma She̩ke̩m.

Jo̩shua 24:25 ပူးပေါင်းရင်းမြစ်များ

Akwodufu 15:25

Tak i raku do̩ Jihofa; oñ Jihofa dʼoliʼka ñʼo̩, tak i mʼe-le̩ du ro̩ tef omi le̩, oñ omi le̩ chane̩ erinyo̩. O̩mo̩ i fʼo̩me̩ʼka hi ñwu ma, i la mʼoji ajo̩ʼka dute̩ ñwu ma, i laño̩ jʼuma ma o̩mo̩ ge̩,

Nihe̩maya 9:38

I chaka dʼabe̩le̩ du, alo ogbolo oñ a akpe̩-i, a la akʼo nyʼo̩takada; oñ amagboji-wa, kpʼabo Lifai-wa kpai amatama-wa jo̩ abu kʼa hiʼuko̩-i.

2 Iko Iko E̩wn 23:16

Taku Jiho̩yada kpʼalo, owñ kpʼamone̩ le̩ chaka kpʼonu, kʼama ki chʼamone̩ Jihofa.

2 Amonu 11:17

Taku Jiho̩yada fʼalo kpe̩ agbagba Jihofa kpʼonu kpʼamone̩ le̩, kʼama ki chʼamone̩ Jihofa; kpʼagbagba onu kpʼamone̩ le̩ ge̩.

2 Iko Iko E̩wn 29:10

Oñ i dʼe̩do̩-mi kʼu kpʼalo kpai Jihofa, O̩jo̩ e-Israe̩l, kʼuwe̩do̩-wñ ki kpuna-i ki rida bʼuwa te̩.

2 Iko Iko E̩wn 15:15

Tak abo Juda du yo̩ ego ku ma go le̩; todabu kʼe̩do̩-ma chaka tʼego ku ma go̩ le̩, oñ ma tene owñ kpʼe̩do̩-ma chaka. Ma fʼowñ li, taku Jihofa dʼuñmi ñwu ma ale ma daka.

2 Iko Iko E̩wn 15:12

Taku ma fʼalu jo̩ oñ ma kpalo ka ku ma anʼe̩do̩-ma kpʼonugo-ma chaka atene Jihofa O̩jo̩ amata-ma,

Jo̩shua 24:26

Taku Jo̩shua fʼorubutu o̩la-i ko̩ nyʼubuku uko̩-o̩la e-O̩jo; tak i mʼokuta elile du, oñ i mʼu du dago of oli ok ki me̩ru uña kiafo̩ e-Jihofa o̩me̩.

Jo̩shua 24:1

Taku Jo̩shua fʼabo o̩lo̩pu Israe̩l chaka do̩ wa jeju She̩ke̩m, oñ i fʼabogijo Israe̩l kpai abo ku ma dʼoji dufu efu ma kpai amakajo̩-ma kpai amako̩takada-ma chaka do̩ wa; tak ama le̩ kʼo̩la-ma wajo̩ o̩gba O̩jo̩.

O̩lo̩da Eduwa Onukeji 29:1

E-le̩ chʼo̩la alo ki Jihofa ñwa ñwu Mose̩s kʼi kpe̩ kpai amo̩ma Israe̩l ane̩ Moab, manyʼalo e-kʼi kpe̩ kpai ama Ho̩re̩b le̩.

Akwodufu 24:3

Taku Mose̩s lewa dʼo̩la Jihofa le̩ chaka ka ñw amone̩ le̩ kpai oji ajo̩-wñ kʼi kojo̩ chaka; tak amone̩ le̩ chaka dohi alukate, ma kakini, O̩la du ku Jihofa ka le̩ awa ache.

Abakwane̩ 35:4

Taku ma mʼamo̩jo̩ ononojo ki jʼo̩wo̩-ma kpai elika ki dʼeti-ma ko ñwu Jeko̩b; oñ Jeko̩b mʼu ko maja of oli ok kʼi me̩ru She̩ke̩m le̩.