Jo̩shua 22:30 - O̩TAKADA O̩LA O̩JO̩ 1970

³⁰ Tak e̩gba ku Finehas atama, kpai amidachi abo o̩gbadu, ama chʼabo ku ma dʼoji dufu ef abo icham nyʼo̩gwo̩ko̩ icham nyʼo̩gwo̩ko̩ e-abo Israe̩l ku ma jʼugbo-wñ le̩ gbo̩ o̩la kʼabo Rube̩n kpai Gad kpai abo Manasa ka le̩, i nyo̩ ma eju nana.

Jo̩shua 22:30 ပူးပေါင်းရင်းမြစ်များ

Jo̩shua 22:33

Oñ e̩wñ le̩ nyo̩ amo̩ma Israe̩l eju; tak abo Israe̩l kwo kele O̩jo̩, ma ño̩ ko̩la ete̩gu tʼuma o̩la akogu bʼuma ku ma fʼane̩ ugbo kʼabo Rube̩n kpai abo Gad dodo kpo̩fo̩ ge̩ n.

E̩wñ kʼAme̩nukpuche̩ Che 11:18

Oñ abu ku ma gbo̩-i ma chechi, ma la dʼojima ñw O̩jo̩ kakini, Mak O̩jo̩ ño̩ mʼibe-erida du ñw abo uche̩ichi ku ma tef iñmi me̩ ge̩!

Ita, Ita 15:1

Ohi edu yo̩o̩ arʼe̩do̩fulu da bʼone̩ te̩, ama o̩la akpe̩do̩bie̩ eka anyi uwe̩do̩ wa.

E̩sta 1:21

Oñ o̩la le̩ nyo̩ onu kpai amagboji eju, tak onu che alu ku Me̩mukan ka;

2 Iko Iko E̩wn 30:4

Oñ e-le̩ nyo̩ onu kpʼabujeju le̩ eju chaka.

1 Samiue̩l 29:6

Tak Akish fu Defid do̩ wa, oñ i ka ñw u kakini, Oji Jihofa, e̩no̩kpakpa e̩ te̩te̩che, edufu-we̩ kpai ewa-we̩ ef ogu kpʼomi chenyo̩ eju-mi; todu u li e̩wñ e̩bie̩ne̩ ef uwe̩ akwʼo̩jo̩ kʼe̩ wʼugbo mi gbogbo tʼeñini-i n. I chaka dʼabe̩le̩ amodu abo Filistia li uwe̩ eju n.

Amakajo̩ 8:3

O̩jo̩ mʼamagboji Midian, Oreb kpai Zee̩b le̩ ko nyʼume̩ o̩wo̩: e̩wñ omi neke che ki dab e-kʼame̩ che le̩? Tak abu kʼi fʼabe̩le̩ ka, e̩do̩-ma nyi ugbo-wñ.

Abakwane̩ 28:8

Abu kʼIso̩ li ka kʼabobule̩ Kenan bie̩ne̩ eju Aise̩k ata-wñ,

Jo̩shua 22:29

O̩jo̩ ki kpo̩na eko̩ Jihofa kʼa ki fʼubo̩ iche̩bo̩ che todu e̩wñ e̩gujo abe̩k e̩wñ i ele abe̩k e̩wñ iche̩bo̩ du, amanyʼubo̩ iche̩bo̩ Jihofa O̩jo̩-wa e-ki dʼo̩gba uña ugugu-wñ le̩ kʼa rida bʼetu Jihofa ubi te̩ eñini-i.

Jo̩shua 22:31

Taku Finehas, o̩ma E̩le̩aza atama le̩, ka ñw abo Rube̩n kpai abo Gad kpai abo Manasa kakini, Eñini-i a chema ka ki Jihofa dʼalumeji-wa, todabu ku me̩ ma jʼada Jihofa-i n; ame̩ mʼabo Israe̩l gba bʼo̩wo̩ Jihofa te̩ fai me̩.