Jo̩shua 2:18 - O̩TAKADA O̩LA O̩JO̩ 1970

¹⁸ Go, e̩gba kʼa lewa oj ane̩-i, uwe̩ ki mʼowu ekpikpa-i du nʼowe ugbo kʼe̩ ko wa le tʼane̩ le̩; tak uwe̩ ki mʼata-we̩ kpai iye-we̩, kpai amo̩maye-we̩, kpai abo unyi ata-we̩ chaka kowa jʼugbo we̩ ef unyi-we̩-i.

Jo̩shua 2:18 ပူးပေါင်းရင်းမြစ်များ

Jo̩shua 6:23

Tak abokolobia ku ma nyʼatu ane̩ le̩, nyʼejefu oñ ma du Rehab, kpai ata-wñ kpai iye-wñ kpai amo̩maye-wñ kpai e̩wñ du kʼi ne̩ dufu; ma ño̩ kʼamefu-wñ chaka dufu ge̩; oñ ma mʼuma ko jʼej o̩do̩da uru abo Israe̩l le̩.

Jo̩shua 2:21

Tak i kakini, I ki dʼalu ku me̩ ka le̩. Oñ i je̩ ñwu ma kwʼo̩mo̩, oñ ma le ma; tak i mʼowu ekpikpa le̩ du ji mʼowe le̩.

Abo Hibru 9:19

Todu abu ku Mose̩s fʼuko̩-wñ du ka jane̩ ñw amone̩ le̩ du teju o̩lo̩da, i nʼe̩bie̩ amo̩mokuno̩ kpʼamewo ko̩ manyʼomiofo kpʼedudu ala ekpikpa, kpai hiso̩p oñ i tafio̩ ubuku kpʼamone̩ le̩ du,

E̩wñ kʼAme̩nukpuche̩ Che 10:33

Todule̩ ababale̩ u fʼone̩ kpe̩ nyʼugbo we̩; ewa kʼe̩ wa-i, chʼo̩me̩me̩le̩. Todule̩ o̩chaka-wa jo̩ o̩gba O̩jo̩ emi kʼa gbo̩ e̩wñ du kʼOndu ñwajo̩ ñw e̩.

Abo Lifai 14:4

e̩gbale̩ atama añwa ñwu ma ku ma mʼudeju ame̩we̩ meji kʼaño̩la-ma fe̩ kowa manyʼoli sidar kpai ukpo ekpikpa kpai hiso̩p tod e̩ne̩ ku ma che ku ma gwʼo̩ o̩la rinyo̩ le̩;

2 Timoti 1:16

Ondu ki li abʼunyi One̩sifo̩rus ejumomi, todabu kʼowñ je̩ ñw o̩la-mi ruko o̩gbe̩, i la chanyo̩ igbaligba ku ma konyʼumi ago n,

E̩wñ kʼAme̩nukpuche̩ Che 11:14

e̩ne̩ le̩ akʼuko̩la ku ma ane̩ jadu we̩ efu-wñ ñwʼe̩, owñ chʼuwe̩ kpʼabunyi-we̩ chaka.

E̩wñ kʼAme̩nukpuche̩ Che 10:27

Tak abu kʼi abʼo̩ choluka i mugudu tʼejefu, oñ i li abu kʼamone̩ wewe wa jo̩.

Luku 19:9

Oñ Jisus ka ñw u kakini, Ujadu lewate̩ ñw unyi kide̩ eñini-i me̩, todukpe̩ kʼowñ-i ño̩ chʼo̩ma Ebraham.

Ekaluka 19:6

tak atama le̩ amʼolisida kpai hiso̩p kpai e̩wñ odufa ekpikpa ko, kʼi ko rikpolo nyʼalumeji ugbo kʼagbadufu ole okuno̩ ajo le̩.

Ekaluka 4:8

taku ma akʼukpo ekpikpa odufa nadala bʼoji e-le̩ ma, oñ ma adʼaño̩ e̩la omi bʼoji e-le̩ ma, taku ma akʼoli ugbo̩lo̩-wñ tunyʼu.

Abakwane̩ 12:2

Tak u nadʼuwe̩ che abo uche̩ichi elile, oñ nade̩nyo̩ ñw e̩, nache odu-we̩ ki nana, uwe̩ ki la mud e̩nyo̩ ñw amone̩.

Abakwane̩ 7:1

Taki Jihofa ka ñwu Noa kakini, Uwe̩ kpai abo unyi-we̩ du ki nyʼef o̩ko̩, todu uwe̩ oñ omi li ka kʼe̩ chʼe̩no̩kpakpa o̩gba-mi ef abo o̩gba kide̩.

E̩sta 8:6

Todu abʼu nale kʼu na-je̩do̩ ugbo e̩wñ e̩bie̩ne̩ ki awa abʼabo-mi ma-i? Ab u nale kʼu naje̩do̩ ku ma fʼamefu-mi chile̩che̩ rinyo̩?

Eli So̩lo̩mo̩n 4:3

Uko-we̩ dab owu ekpikpa, alu-we̩ la chʼuto̩. Ibakpiti-we̩ dab e̩bu po̩me̩grane̩t efu ukpo ubojima-we̩ le̩.

Akwodufu 12:13

E̩bie̩ le̩ la achʼujiwe ñwu me̩ o̩la unyi unyi ugbo ku me̩ jo̩ le̩; oñ e̩gba kʼu fʼe̩bie̩ le̩ li nalʼume̩ oji lale tak e̩wñ e̩bie̩ne̩ du abʼume̩ ma kʼi kpa me̩ bie̩ e̩gba kʼu fʼabo oj ane̩ Ijipti-i gwoda n.

Jo̩shua 6:25

Ama Jo̩shua fu Rehab ajo̩ko̩ le̩ kpai abo unyi ata-wñ kpai e̩wñ du kʼi ne̩ jadu ku ma deju; oñ onobule̩ le̩ gugu alumeji abo Israe̩l gbogbo tʼojolu eñini, todabu kʼi kʼamonuche̩ ki Jo̩shua kpe̩ atʼane̩ Je̩riko le̩ maja.