Jo̩shua 14:4 - O̩TAKADA O̩LA O̩JO̩ 1970

⁴ Todu abo Jose̩f chʼo̩lo̩pu meji, Manasa kpai Ifraim; ma la dʼukpe̩ du ñw abo Lifai oj ane̩ le̩ n, chai ewo kʼama ki dodo efu-wñ, kpai adogbe adogbe-wñ tod ame̩wño̩re̩-ma kpai ane̩-ma.

Jo̩shua 14:4 ပူးပေါင်းရင်းမြစ်များ

Abakwane̩ 48:5

Fai amo̩ma-we̩ e̩ne̩ke̩le̩ meji, e-ku ma bi ñw e̩ ane̩ Ijipti o̩gba tak u wʼugbo-we̩ Ijipti-i, chʼe-mi; Ifraim kpai Manasa achʼe-mi alu ku Rube̩n kpai Sime̩o̩n de̩.

Abakwane̩ 41:51

Taku Jose̩f dʼodu e-ku ma bi o̩gba ko̩ Manasa, i kakini, todu O̩jo̩ je̩ ñwu mi gbenyo̩ akanya-mi kʼu che kpai abʼunyi ata-mi du.

Abakwane̩ 46:20

Ane̩ Ijipti ma bi Manasa kpai Ifraim ñwu Jose̩f, ama chʼe-kʼAse̩nat o̩ma Potife̩ra kʼi chʼatama On le̩, bi ñw u.

Abakwane̩ 48:1

Oñ i lewatʼubi e̩wñ le̩ ge̩, kʼe̩ne̩ʼka ka ñwu Jose̩f kakini, Go, ata-we̩ acho̩ga; tak i mʼamo̩ma-wñ e̩ne̩ke̩le̩ meji, Manasa kpai Ifraim, ko rubi alo.

Ekaluka 26:28

Amo̩ma e̩ne̩ke̩le̩ Jose̩f akwo̩ra unyi akwo̩ra unyi-ma che: Manasa kpai Ifraim.

2 Iko Iko E̩wn 30:1

Taku He̩ze̩kaya fʼuche̩ kpe̩rʼabo Israe̩l kpʼabo Juda chaka; i ño̩ fʼo̩takada ko̩rʼabo Ifraim kpai Manasa, kʼama ki wʼunyi Jihofa Je̩rusale̩m ku ma fʼElaloji de ñwu Jihofa, O̩jo̩ e-Israe̩l.

Abakwane̩ 41:52

I la dʼodu o̩ma-wñ ekeji ko Ifraim, todu O̩jo̩ je̩ ñwu mi nʼugbe̩ oj ane̩ o̩bata-mi.

Abakwane̩ 48:6

Tak e-kʼuwe̩ adʼato̩ bi ubi-ma achʼe-we̩; oñ ma adʼodu amo̩maye-ma manyu ma ef e̩wñ ogu-ma.

Jo̩shua 16:4

Oñ abo Jose̩f, Manasa kpai Ifraim mʼe̩wñ ogu e-ma gba.