Jo̩shua 12:6 - O̩TAKADA O̩LA O̩JO̩ 1970

⁶ Mose̩s, adu Jihofa le̩, kpai abo Israe̩l gwo ma dajane̩; taku Mose̩s adu Jihofa le̩ mʼane̩ le̩ ko ñw abo Rube̩n, kpai abo Gad, kpai ukpe̩reji abo Manasa ku ma ki ne̩.

Jo̩shua 12:6 ပူးပေါင်းရင်းမြစ်များ

Ekaluka 32:33

Taku Mose̩s mʼu ko ñwu ma, owñ chʼamo̩ma Gad kpai amo̩ma Rube̩n kpai ukpe̩reji abo o̩lonu Manasa, o̩ma Jose̩f le̩, oj ane̩ Sihon, onu abo Amo̩r, kpai ojane̩ O̩g, onu Beshan, owñ chʼane̩ le̩ kpai ewo ewo ane̩ le̩ gbogbo wa kad alo̩me̩-wñ, owñ chʼewo ewo ane̩ ki lʼuma daka le̩.

Ekaluka 32:29

Taku Mose̩s ka ñwu ma kakini, Iche̩wñ kʼamo̩ma Gad kpai amo̩ma Rube̩n kʼe̩ne̩ne̩ne̩ne̩-ma fʼo̩logu ji eju Jihofa adaba Jordan kpʼame̩, ku ma la fʼane̩ le̩ dolo te̩ o̩gba-me̩; mak e̩gba le̩ me̩ akʼane̩ Gilead ñwu ma ku ma ne̩;

Ekaluka 32:32

A afʼo̩la ogu ji kʼa daba Jo̩rdan nyʼoj ane̩ Kenan eju Jihofa, oñ e̩wñ ogu-wa kʼa ane̩ ajʼugbo-wa ejemi Jo̩rdan-i.

Jo̩shua 14:3

Todu Mose̩s mʼe̩wñ ogu abo o̩lo̩pu meji kpai ukpe̩reji o̩lo̩pu ki bo̩ le̩ ko ñwu ma ejudaba Jo̩rdan me̩; i muda kʼe̩wñ ogu ñw abo Lifai je̩ kpai ama n.

Jo̩shua 18:7

Abo Lifai nʼukpe̩ du efu-me̩ n, todu uko̩lo̩ atama Jihofa eche chʼe̩wñ ogu e-ma; Gad kpai Rube̩n kpai ukpe̩reji abo o̩lo̩pu Manasa la mʼe̩wñ ogu e-ma gba eju-daba Jo̩rdan o̩wo̩ olodudu le̩, owñ chʼe-ki Mose̩s, adu Jihofa, ko ñwu ma.

Jo̩shua 22:4

Fai Jihofa O̩jo̩-me̩ la mʼuñmi du ñw amo̩maye-me̩ alu kʼi ka ñwu ma; todule̩ me̩ ki mudabi tʼunyabo-me̩, oj ane̩ kʼame̩ ne̩ le̩, owñ chʼe-ki Mose̩s adu Jihofa, du ñwu me̩ ejudaba Jo̩rdan le̩.

1 Amonu 4:19

Gebe̩r o̩ma Uri nʼojane̩ Gilead, owñ chʼane̩ Siho̩n, onu abo Amo̩r, kpai e-O̩g, onu Beshan; ma chi owñ kate dago ojane̩ le̩.