Jo̩shua 10:6 - O̩TAKADA O̩LA O̩JO̩ 1970

⁶ Tak abo Gibeo̩n kpʼone̩ nyʼugbo Jo̩shua uru Gilgal le̩, ma kakini, E̩ ki bo̩wo̩lo̩ ugbo ate̩ko amadu-we̩-i n; mute̩gu wʼugbo wa piopio, kʼe̩ mʼuwa gba; todu amonu Amo̩r du ku ma dodo ane̩ uwo le̩ kʼo̩la-ma jeju nyʼuwa.

Jo̩shua 10:6 ပူးပေါင်းရင်းမြစ်များ

Jo̩shua 9:6

Taku ma nyʼuru Gilgal ugbo Jo̩shua, oñ ma ka ñw u kpai aboke̩le̩ Israe̩l kakini, A kwʼane̩ o̩najiji wa; todule̩ me̩ kpʼalo kpai awa ke.

Jo̩shua 5:10

Oñ abo Israe̩l kworu Gilgal le̩; ma la fʼElaloji je̩ ane̩ o̩jo̩ e̩ke̩gwe̩le̩ ochu le̩ ef egbili Je̩riko.

Luku 1:39

Oñ Me̩ri kwane̩ iko le, i la hiane̩ alo tʼane̩ uwo nyʼewo Judaʼka;

Aizaya 33:22

Todu Jihofa chʼakajo̩-wa, Jihofa chʼe̩ne̩ ki adʼo̩da ñw a, Jihofa chʼonu-wa; owñ le̩ ajadu wa.

Eli Eko̩ DʼO̩jo̩ 125:2

Alu kʼuwo uwo le Je̩rusale̩m daka, abe̩le̩ Jihofa lʼabo-wñ daka, akwʼe̩gba-i gbogbo tʼogbegbele̩.

2 Amonu 4:24

Tak i dʼofidi nʼubi o̩ke̩ke̩te̩, oñ i ka ñw e̩nuko̩lo̩-wñ kakini, Kanyi kʼa lo; ule̩-wñ ki bulo̩ ñwu mi n, chai e̩gba kʼu ka ñw e̩.

Jo̩shua 21:11

Oñ ma mu Kiriat-arba, oj ane̩ uwo Juda, manyu ane̩ ije̩ ki lʼowñ daka ko ñwu ma. Arba le̩ chʼata Anak le̩, (owñ che He̩bro̩n).

Jo̩shua 9:15

Taku Jo̩shua fʼure̩do̩ che kpai ama, oñ i fʼalo kpe̩ kpai ama, kʼi je̩ ñwu ma deju; amidachi abo o̩gbadu le̩ go̩ ñwu ma.

O̩lo̩da Eduwa Onukeji 1:15

Abe̩le̩ u mʼabo ku ma dʼoji dufu o̩lo̩pu o̩lo̩pu-me̩ ko, abo ku ma nʼibe kpai amenuwohi, oñ u mʼuma ko che amagboji-me̩, amagboji one̩ icham nyʼo̩gwo̩ko̩ icham nyʼo̩gwo̩ko̩, kpai amagboji one̩ ogume̩lu ogume̩lu, kpai amagboji one̩ ooje ooje, kpai amagboji one̩ me̩gwa e̩gwa, kpai amako̩takada ef abo o̩lo̩pu o̩lo̩pu-me̩ du.

Ekaluka 13:29

Abo Amale̩k dodo oj ane̩ o̩wo̩ o̩pata o̩gane̩; abo He̩t kpai abo Je̩bius kpai abo Amo̩r dodo oj ane̩ uwo o̩mo̩; oñ abo Kenan la dodo o̩la ohimini, kpai adabu Jo̩rdan jo̩.

Jo̩shua 10:5

Tak amonu abo Amo̩r me̩lu le̩, owñ chʼonu Je̩rusale̩m kpai onu He̩bro̩n kpai onu Jarmut kpai onu Lakish kpai onu Eglo̩n, kʼo̩la-ma jeju jo̩, tak ama kpai abogu-ma chaka mute̩gu ku ma ru le Gibeo̩n daka, oñ ma kʼogu bʼo̩.

Jo̩shua 10:7

Abe̩le̩ Jo̩shua kwo Gilgal mute̩gu le, owñ, kpai abogu du ku ma jʼugbo-wñ kpai amagbiti ku ma nʼuwohi chaka.

Jo̩shua 9:8

Taku ma ka ñwu Jo̩shua kakini, Amadu-we̩ a che. Taki Jo̩shua ka ñwu ma kakini, Abo ugbo me̩ che ta? Ugbo me̩ kwo wa?