Jo̩shua 10:12 - O̩TAKADA O̩LA O̩JO̩ 1970

¹² Taki Jo̩shua ko̩la ñwu Jihofa o̩jo̩ ki Jihofa mʼabo Amo̩r ko nyʼabo Israe̩l o̩wo̩ le̩, oñ i ka eju abo Israe̩l kakini, Olu, uwe̩ ki we dago ate̩ Gibeo̩n; kpai uwe̩, ochu, ef o̩go̩ Aijalon.

Jo̩shua 10:12 ပူးပေါင်းရင်းမြစ်များ

Habakuk 3:11

Olu kpʼochu kwodago ka ef odo-ma ugane̩ o̩fa-we̩ ku ma li abu kʼi alule̩, kpʼo̩kwo̩-we̩ ki abʼeju je̩ ñaña.

Aizaya 38:8

Go, naje̩ ñw olubo̩ olu ki da nʼagube Ehazle̩ ki dabiwʼubi e̩re̩ me̩gwa. Abe̩le̩ olu mudabiwʼubi kwʼugbo kʼi le kade e̩re̩ me̩gwa o̩la agube le̩.

Aizaya 60:20

Olu-we̩ ñʼatunyane̩ ge̩ n, ochu-we̩ ñʼawubi ge̩ n; todu Jihofa achʼugane̩ o̩gbegbele̩ ñw e̩, todu o̩jo̩ eku ede̩ ñʼade̩ ñw e̩ ge̩ n.

Aizaya 28:21

Todu Jihofa akwane̩ dab ugbo uwo Pe̩razim, i awe̩do̩ dab ef o̩go̩ Gibeo̩n le̩; todu kʼi chʼuko̩lo̩-wñ, owñ chʼuko̩lo̩ ejaduña-wñ le̩! Kʼe̩wñ kʼi la ache le̩ ki noji, e̩wñ kʼi ache ojoji le̩!

Eli Eko̩ DʼO̩jo̩ 19:4

Iku e̩ñwa-wñ ledufu tʼugbo du ane̩-ile̩-i, uko̩la-ma le tʼukpoji ugbo kʼone̩ dodo kade. I fʼunyabo fa dago ef uwñ tod olu,

Jo̩shua 10:13

Tak olu kwodago, ochu la kwʼe̩gu-wñ n, gbogbo tak abo ichi le̩ fʼache̩ o̩la-ma na ugbo ame̩nebi-ma. I chʼinabali-wñ oñ ma ko̩ rʼef ubuku Jashar le̩ n? Oñ olu dago e̩gu-wñ alumeji ojale, i la hika tunyʼane̩ n, dabe̩ne̩ kʼo̩jo̩ʼka odukulu.

Eli Eko̩ DʼO̩jo̩ 148:3

Olu kpai ochu, ki je̩nyʼowñ, ilawo ki agane̩ le̩ chaka, me̩ je̩nyʼowñ!

Job 9:7

kʼi añwa ñw olu, kʼi ma la akwane̩ n, kʼi la fʼilawo ilawo hiuko̩;

O̩lo̩da Eduwa Onukeji 4:19

tode̩gba kʼuwe̩ achi eju-we̩ nyʼojale kʼe̩ fʼolu abe̩k ochu abe̩k awo awo li, owñ chʼe̩wñ uwewe ojale le̩, ku ma fʼuwe̩ fa ubi kʼe̩ dojikane̩ ñwu ma, kʼe̩ re̩ e̩wñ ki Jihofa O̩jo̩-we̩ kpe̩ ñw amone̩ du kʼi dʼo̩gane̩ ojale-i.

Ze̩karaya 2:13

O̩re̩la du ki nachechi jo̩ o̩gba Jihofa; todu i mʼolu ji kwo bʼef unyi ugugu-wñ kiafo̩ te̩ me̩.

Habakuk 2:20

Jihofa muda dʼef unyi-wñ kiafo̩; ile̩ du ki nachechi jo̩ o̩gba-wñ.

Eli Eko̩ DʼO̩jo̩ 74:16

O̩ro̩ka uwe̩ ne̩, uwe̩ ño̩ ne̩ odu ge̩; uwe̩ fʼe̩mu kpai olu ñwo̩che te̩.

Jo̩shua 19:42

kpai Shaala-bin kpai Aija-lo̩n kpai Itla

O̩lo̩da Eduwa Onukeji 17:3

kʼi la nyʼare̩ amo̩jo̩ omune̩, kʼi dojikane̩ ñwu ma, abe̩k olu abe̩k ochu abe̩k e̩wñ ki jo̩ ojale wewe-i, e-kʼomi ma ñwa ñwu ma ku ma che n,

Emo̩s 8:9

Oñ i awatu iko kʼa ka-i, Ondu Jihofa aka-i, Omi aje̩ ñw olu ki tunyʼane̩ o̩ro̩ka, oñ naje̩ ñw ane̩ ki chubi e̩gba o̩ro̩ka gbaa.

Amakajo̩ 12:12

Tak Elon e̩ne̩ Ze̩biulo̩n le̩ leku, oñ ma mʼu du ji Aijalo̩n oj ane̩ Ze̩biulo̩n le̩.

Amakajo̩ 5:20

Ma kwʼojale wa ajo̩gu, awo, awo kwʼo̩na o̩na-ma wa kogu bo̩ Sisera.

1 Samiue̩l 14:31

Ma la fʼabo Filistia kpa o̩jo̩ le̩ akwo Mikmash gbogbo wa kad Aija-lo̩n. Uhia la fʼamone̩ le̩ hia tabale;

2 Samiue̩l 2:12

Oñ Abina o̩ma Ne̩r le̩ kpai amadu Ishbo̩she̩t, o̩ma So̩l, kwo Mahanaim nyi Gibeo̩n.

2 Amonu 20:11

Tak Aizaya akache̩ le̩ raku do̩ Jihofa; oñ i dʼolubo̩ dabi ubi e̩re̩ me̩gwa, ugbo kʼi agwo̩ru ubo̩ Ehaz le le̩.

Je̩re̩maya 28:1

O̩do̩ le̩ gbage̩de̩, e̩gba ku Ze̩de̩kaya onu Juda ma jʼo̩fe̩ ta n, ochu e̩ke̩lu ki nʼoji o̩do̩ me̩ta, Hananaya, o̩ma Azur, akache̩ kʼi chʼabo Gibeo̩n le̩, ko̩la ñwu mi ef unyi Jihofa eju amatama kpʼamone̩ le̩ chaka kakini,

Emo̩s 2:9

U la fʼe̩ne̩ Amo̩r le̩ chile̩che̩ rʼo̩gbama, o̩gba-wñ dabe̩ne̩ kʼo̩gba oli sida, i la gbiti dab oli ok; i chaka dʼabe̩le̩ omi fʼe̩ro-wñ ate̩ kpʼili-wñ o̩gane̩ chile̩che̩.

Jo̩shua 21:24

kpai Aijalon manyʼane̩ ije̩ ki lʼo daka kpai Gat-Rimon manyʼane̩ ije̩ ki lʼo daka: owñ chʼewo me̩le̩.

1 Samiue̩l 12:18

Abe̩le̩ Samiue̩l kwado̩ Jihofa; taku Jihofa je̩ ñw akpabana ko̩la kʼomi ojale ki lo̩ o̩jo̩ le̩. Oñ amone̩ le̩ chaka railo Jihofa kpai Samiue̩l tabale̩.

2 Amonu 20:9

Tak Aizaya kakini, E̩wñ ki achʼujiwe kʼi akwʼugbo Jihofa ñw e̩ ka ku Jihofa ache e̩wñ kʼi ka le̩ de̩ kakini; olubo̩ ki te̩ nyʼo̩gba e̩re̩ me̩gwa abe̩k i te̩ tʼubi e̩re̩ me̩gwa?

2 Amonu 20:10

Taku He̩ze̩kaya dohi kakini, Kʼolubo̩ ki te̩ nyʼo̩gba e̩re̩ me̩gwa e-le̩ gbegbe n; o̩da, ama olubo̩ ki nate̩ tʼubi e̩re̩ me̩gwa.

1 Iko Iko E̩wñ 8:13

kpai Be̩raya kpai Shema ku ma chʼabo ku ma dʼoji dufu ef amata abo ku ma dodo Aijalo̩n, ku ma fʼabo ku ma dodo Gat ne.

2 Iko Iko E̩wn 11:10

kpai Zo̩ra kpʼAijalo̩n kpai He̩bro̩n, ki jʼoj ane̩ Juda kpai Be̩njamin ko̩. Ewo, ewo ki nʼaku, i che.