5 E̩gba kʼu dʼef ile̩ u chʼugane̩ ile̩.
Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.
Omi kʼu chʼugane̩, u lewa ef ile̩ me̩, todu kʼe̩ne̩ du ki ake̩do̩nʼomi ki we egugu ef e̩chubi.
Todu abu kʼOndu tuko̩ ñw a de̩ kakini, U mʼe̩ dute̩ kʼe̩ chʼugane̩ ñw abo uche̩ichi, kʼuwe̩ ki do̩mo̩ tod ujadu gbogbo wʼukade ane̩-ile̩.
Lef e-le̩ i kakini, Kwane̩, uwe̩ kʼuwe̩ alolu le̩, kʼe̩ kwane̩ kwef abo ki ku, taku Kraist ata dufu bʼe̩ ma.
kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.
Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.
amone̩ du ku ma te̩te̩ gugu ef e̩chubi le̩ fʼugane̩ lile li me̩; ugane̩ la mutadufu ñw abo ku ma te̩te̩gugu oj ane̩ uku kpʼef e̩bo-wñ.
Abe̩ku Kraisti ali o̩pe̩cha kʼowñ ki dʼuche̩ ugane̩ kpogo ñw amone̩-i kpʼabo uche̩ichi ejodudu kwef udajikwane̩ e-abo ki ku.
Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.
oñ i kakini, Todu kʼuwe̩ ki chʼadu-mi kʼe̩ kʼabo̩lo̩pu o̩lo̩pu Jeko̩b kwane̩, kʼe̩ kʼabo Israe̩l ku ma fejutʼo̩ le̩ dabi tʼe̩gu-ma, chʼe̩wñ fuye̩ tʼuwe̩ le; naño̩ dʼuwe̩ chʼugane̩ ñw abo uche̩ichi, kʼuwe̩ ki chʼujadu-mi gbogbo tʼukpoji ane̩ ile̩.
owñ chʼugane̩ ki abi e̩wñ te̩ ñw abo uche̩ichi, owñ ño̩ chʼojima abo Israe̩l amone̩-we̩.
Ame̩ chʼugane̩ ile̩. Ewo ki dʼoj uwo jʼamaja n.
