Jo̩n 8:51 - O̩TAKADA O̩LA O̩JO̩ 1970

⁵¹ Ami, ami, naka ñwu me̩, iche̩wñ kʼone̩ dejutʼo̩la e-mi, i nʼugbo du kʼeju-wñ adʼuku ogbegbele̩ n.

Jo̩n 8:51 ပူးပေါင်းရင်းမြစ်များ

Jo̩n 5:24

Ami, ami, naka ñwu me̩ kakini, E̩ne̩ ki agbʼo̩la-mi kʼi laño̩ ke̩do̩nola e̩ne̩ ki kpe̩ mi wa fʼiñmi ogbegbele̩ ne̩ me̩, i ñʼawʼef ajo̩ ge̩ n, i muda kwʼef uku lale tef iñmi me̩.

Jo̩n 15:20

Me̩ nadibekadʼo̩la kʼomi ka ñwu me̩ kakini, Adu tʼodu-wñ le n. Iche̩wñ ku ma doli mi, maku ma ñʼadoli me̩ ge̩; iche̩wñ ku ma dejutʼo̩la-mi, maku ma ñʼadejutʼe-me̩ ge̩.

Jo̩n 6:50

E-kide̩ chʼuje̩wñ ki agwo̩ru kwʼefojale wa, todu kʼone̩ ki buje̩, kʼi la we eku.

Luku 2:26

Afu Kiafo̩ la juka ñw u ka kʼi ali uku o̩gba tak i li Kraist e-Ondu n.

Abo Hibru 11:5

E̩do̩ ekono chʼe̩wñ ku ma mʼIno̩k du kʼi we eli uku; ma la li owñ n, todabu kʼO̩jo̩ mʼowñ du le. Todu ma gbʼo̩ ibenu o̩gba taku ma mʼowñ du le ka kʼi chenyo̩ O̩jo̩ eju.

Eli Eko̩ DʼO̩jo̩ 89:48

Ugbo one̩ ki adeju kʼi ma ñʼali uku n de̩? Sila. I aje̩ ñw onugo-wñ fʼo̩jegu o̩wo̩?

Jo̩n 8:55

me̩ la te̩te̩mʼo̩ n, omi muda chemʼo̩; i la che̩wñ kʼu ka kʼu mʼo̩ n, u ma chʼe̩nolemi dab ame̩; ama u chemʼo̩, u la adejutʼo̩la-wñ.

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Matiu 16:28

Ami, naka ñwu me̩ kakini, Iche̩ka jʼef abo ku ma dago emi-i ki ma nʼugbo du ku ma ñʼama alu kʼuku de̩ n, gbogbo wʼe̩gba ku ma li abu kʼO̩ma One̩ awa ef o̩da ojane̩-wñ.

Jo̩n 8:52

AmaJu le̩ ka ñw u kakini, Fai a chema ka kʼe̩ chenʼebili. Ebraham leku, amakache̩ la leku, tak uwe̩ kakini, Iche̩wñ kʼone̩ dejutʼo̩la-mi i nʼugbo du kʼuku akadʼo ogbegbele̩ n.

Jo̩n 14:23

Jisus la dohi ka ñw u kakini, Iche̩wñ kʼe̩ne̩ du afe̩do̩ mi i adejutʼo̩la-mi, tak Ata-mi afe̩do̩ wñ, oñ a awʼugbo-wñ, kʼa fʼugugu che ugbo-wñ.

Jo̩n 17:6

U mʼodu-we̩ du tejugede ñw amone̩ kʼe̩ ko ñwu mi kwef abile̩. Abo-we̩ ma che; tak e̩ mʼuma ko ñwu mi, ma la dejutʼo̩la-we̩ me̩.

Abo Hibru 2:9

A muda jʼagʼe̩ne̩ ku ma fʼu hiwane̩ tʼamonuche̩ le iko pe̩ le̩, todu, lugbo ufe̩de̩nyo̩ O̩jo̩, kʼi dʼuku kad alu tod e̩ne̩ du, owñ che Jisus, todu iwo uku kʼi li, ojima kpʼubumo chʼuloko oji-wñ.