Jo̩n 8:29 - O̩TAKADA O̩LA O̩JO̩ 1970

²⁹ E̩ne̩ ki kpe̩ mi wa la dʼubi-mi; i tʼomi kate no̩ n; todabu kʼomi ache e̩wñ ki rʼowñ e̩do̩ e̩gba du.

Jo̩n 8:29 ပူးပေါင်းရင်းမြစ်များ

Jo̩n 6:38

Todu u gwo̩ru kwʼefojale wa todu kʼu chʼe̩wñ ki dʼumi onugo e̩do̩ n, chai e̩wñ ki dʼe̩ne̩ ki kpe̩ mi wa e̩do̩.

Jo̩n 16:32

Me̩ go, auwa awa, i la lewa me̩; todu kʼame̩ akpatuka kʼe̩ne̩ne̩ne̩ne̩ ki tef e-wñ tak ume̩ atʼumi kate no̩; i la chʼomi kate n, todabu kʼAta dʼugbo mi.

Jo̩n 4:34

Jisus ka ñwu ma kakini, Uje̩wñ-mi de̩: todu kʼu che e̩wñ ki dʼe̩ne̩ ki kpe̩ mi wa e̩do̩, kʼu la fʼuko̩lo̩-wñ chekpa.

Jo̩n 15:10

Iche̩wñ ku me̩ dejutʼo̩la uko̩-mi ame̩ agugu ef ufe̩do̩-mi: alu kʼomi dejutʼo̩la uko̩ Ata-mi le̩, kʼu la gugu ef ufe̩do̩-wñ.

Jo̩n 5:30

U neke gʼe̩do̩la-mi ache e̩wñ du n; alu kʼu nagbo̩, alu le̩ nakajo̩, ajo̩ e-mi la chʼo̩kpakpa, todabu kʼu ma feju e̩wñ ki du mi onugo e̩do̩ n, chai e̩wñ ki dʼe̩ne̩ ki kpe̩ mi wa e̩do̩.

Aizaya 42:1

Go adu-mi, e-kʼu nagbʼo̩ ne̩ dago, e̩ne̩ kʼu chi kʼonugo-mi nʼuyo̩ ef uwñ le̩ de̩; omi dʼAfu-mi bʼo ma, i adʼajo̩ o̩kpakpa eka dufu ñw abo uche̩ichi.

Jo̩n 8:16

Omi chaka kajo̩, ajo̩ e-kʼomi aka chʼajo̩ ogbolo, todabu ki ma chʼomi kate de̩-i n, ama i chʼomi kpai Ata ki kpe̩ mi wa.

1 Jo̩n 2:1

Amo̩ma-mi, o̩la e̩wñ-i nako̩ rʼume̩ todu kʼame̩ ki we edure; i la che̩wñ kʼe̩ne̩ʼka dure, a chenʼE̩nugbe̩do̩ ugbo Ata, owñ che Jisus Kraist, E̩no̩kpakpa le̩;

2 Timoti 4:17

Ondu muda dago kpenyu mi, oñ i dʼukpahiu ñwu mi todu kʼama ki fʼo̩la akoya le̩ ta kpa lef umi, kʼabo uche̩ichi chaka ki gbʼo̩. Oñ i mʼumi gba kwef alu idu le̩.

Jo̩n 14:31

ama todu kʼile̩ ki ma ka kʼomi afe̩do̩ Ata, alu kʼAta tuko̩ ñwu mi, abe̩le̩ nache. Me̩ kwane̩ kʼa kwʼemi alo.

Jo̩n 17:4

Omi mʼojima du ñw e̩ ane̩-ile̩ me̩; abu kʼu fʼuko̩lo̩ kʼe̩ du ñwu mi kʼu che le̩ che kpa;

Matiu 17:5

Abu kʼi nʼo̩la le̩ aka ta, go, akpa kʼi afane̩ debono ma; me̩ la go, omuko̩la kwef akpa le̩ kakini, Owñ-i chʼO̩ma ufe̩do̩-mi kʼu fʼuyo̩-mi li ef uwñ; me̩ gbʼo̩la-wñ.

Matiu 3:17

Me̩ la go, omuko̩laʼka ka kwʼefojale kakini, Owñ-i chʼO̩ma ufe̩do̩-mi e-kʼu fʼuyo̩-mi li ef uwñ.

Aizaya 42:6

Omi Jihofa, fʼe̩ do̩ ef o̩kpakpa, nagwo̩nyʼuwe̩ o̩wo̩, nadejutʼe̩; oñ nadʼuwe̩ chʼalo amone̩, kʼe̩ chʼugane̩ abo uche̩ichi,

Abo Hibru 4:15

todu a chene̩ agboji amatama, i chʼe-kʼi ma neke kwaliwo ñw a ef e̩gbo-wa n in; chai e-ku ma fʼu jama iʼo̩na du dab awa, adure dʼo̩ n.

Aizaya 42:21

I nyo̩ Jihofa eju tod o̩kpakpa-wñ, kʼi je̩ ñw uko̩-o̩la ki nana nyʼo̩gba ki ño̩ nʼojima.

Abo Hibru 7:26

Todu agboji amatama e̩go̩ e-le̩ chʼeju-wñ ñw a, owñ chʼe̩ne̩ ki fe̩, ali e̩bie̩ne̩ dʼef uwñ n, i de̩ jali, i che̩date̩ bʼame̩nadure te̩, oñ i mud e̩ne̩ ki dʼatate̩ tʼefojale efojale le;

2 Timoti 4:22

Ondu ki dʼugbo afu-we̩. Ufe̩do̩-e̩nyo̩ ki dʼugbo-we̩.

Matiu 3:15

Ama Jisus dohi ñw u kakini, E̩ je̩ abe̩le̩ ta; todu abe̩le̩ i cheju-wñ kʼa fʼe̩wñ o̩kpakpa du chekpa. Tak i je̩.

1 Jo̩n 3:22

oñ e̩wñ du kʼa abiʼu a agba ugbo-wñ, todabu kʼa ade uko̩-wñ, kʼa la ache e̩wñ ki rʼowñ eju.