Jo̩n 7:18 - O̩TAKADA O̩LA O̩JO̩ 1970

¹⁸ E̩ne̩ ki agʼe̩do̩la-wñ ako̩la afeju kʼowñ onugo ki nʼojima, ama e̩ne̩ ki feju kʼe̩ne̩ ki kpʼo̩ uche̩ ki nʼojima, owñ le̩ chʼe̩ne̩ ochochi, uji du la dʼef uwñ n.

Jo̩n 7:18 ပူးပေါင်းရင်းမြစ်များ

Jo̩n 5:41

Nagba ojima kwʼugbo one̩ n.

1 Te̩s 2:6

A la tene ojima ugbo amone̩ n, i chaka chʼugbo me̩, i chaka chʼugbo abo omune̩, abu kʼa ma neke woji nʼume̩ ukpe̩ kʼa chʼame̩nukpuche̩ Kraisti.

Jo̩n 12:28

Ata-mi, dʼojima ñw odu-we̩. Todule̩ omuko̩la kwʼefojale wa kakini, U mʼojima du ñw u me̩, naño̩ dabi dʼojima ñw u ge̩.

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

Matiu 6:9

Todule̩, abu ku me̩ achadua le de̩ kakini: Ata-wa ki dʼefojale, Odu-we̩ ki nafo̩.

Ita, Ita 25:27

I nyo̩ kʼone̩ ki je̩ iño̩ ololo n, abe̩le̩ one̩ ki tene ojima ñw o̩la-wñ i chʼojima de̩ n.

Ekaluka 11:29

Mose̩s muda ka ñw u kakini, Uwe̩ jʼogu ñwu mi? O, amone̩ Jihofa chaka ma chʼamakache̩ i ma nyo̩, ku Jihofa ki dʼAfu-wñ nʼuma oji!

Jo̩n 11:4

Ama abu ku Jisus gbʼo̩ i kakini, E̩gbo o̩la kide̩ i chʼe-uku n, ama tod ojima O̩jo̩, todu kʼO̩ma O̩jo̩ ki nʼojima lef uwñ.

Jo̩n 8:54

Jisus dohi kakini, Iche̩wñ kʼomi dojima ñw o̩la-mi, ojima-mi le̩ chʼe̩wñ du n; Ata-mi chʼe̩ne̩ ki adojima ñwu mi, owñ chʼe̩ne̩ ku me̩ ka kʼowñ chʼO̩jo̩-me̩ le̩;

Jo̩n 12:43

todu ma fe̩do̩ ojima e-one̩ tʼojima e-O̩jo̩ le.

1 Jo̩n 2:29

Iche̩wñ ku me̩ ma ka kʼowñ chʼe̩no̩kpakpa, mak ame̩ chema ka kʼe̩ne̩ du kʼi chʼache e̩wñ o̩kpakpa, owñ le̩ chʼe̩te̩-wñ ku ma fʼu bi.