Jo̩n 7:14 - O̩TAKADA O̩LA O̩JO̩ 1970

¹⁴ E̩gba ku ma fʼujeju ucholo je̩ wʼukpeji, Jisus mute̩gu nyʼunyi O̩jo̩, oñ i nako̩ ma e̩wñ.

Jo̩n 7:14 ပူးပေါင်းရင်းမြစ်များ

Jo̩n 7:28

Todule̩ abu ku Jisus nako̩ ma e̩wñ ef unyi O̩jo̩, i domudago kakini, Tʼomi, tʼugbo kʼu kwo, me̩ chema; u la gʼe̩do̩la mi wa n, e̩ne̩ ki kpe̩ mi wa e-ku me̩ ma mʼo̩ n le̩ chʼe̩ne̩ ogbolo.

Luku 19:47

I la do̩mo̩ ako̩ ma e̩wñ ef unyi O̩jo̩ o̩jo̩ñwa o̩jo̩ñwa. Ama amagboji amatama kpai amako̩takada kpai abo ku ma to̩gba ef amone̩ le̩ feju ku ma kpʼo̩ tinyo̩:

Jo̩n 18:20

Jisus dohi ñw u kakini, Omi te̩tako̩la ejugede ñw abile̩; omi ko̩ ma ef unyi ujeju kpai ef unyi O̩jo̩ ugbo kʼamaJu chaka wa jeju e̩gba du, u la ko̩la e̩wñ du maja n.

Jo̩n 8:2

Odudu odudu i ño̩ dabi wʼef unyi O̩jo̩ ge̩, tak amone̩ du wʼugbo-wñ, oñ i kwoguguane̩ ako̩ ma e̩wñ.

Jo̩n 7:37

E̩gba o̩jo̩ otitala e-ki chʼo̩jo̩ lile e-ujeju ucholo le̩, Jisus kwodago, i domudago kakini, Iche̩wñ kʼolugbe̩ akpʼe̩ne̩ du kʼi nawʼugbo mi añmʼomi.

Jo̩n 7:2

Ujeju ucholo amaJu e-ebu-emu la me̩rane̩.

Jo̩n 5:14

Anubi e-le̩ Jisus fʼu li ef unyi O̩jo̩, oñ i ka ñw u kakini, Go, e̩ mudabi tiko me̩; e̩ ki ño̩ dure ge̩ n, tode̩gba kʼe̩wñ ki bie̩ne̩ tule ake̩re̩bʼe̩.

Matiu 26:55

Adiko le̩ Jisus ka ñw o̩wo̩ amone̩ le̩ kakini, Dabe̩ne̩ ku me̩ ko bʼadinya oñ me̩ nʼugbada kpai ugbolo wa ku me̩ mu mi? U te̩te̩ gugu ef unyi O̩jo̩ o̩jo̩ñwa o̩jo̩ñwa akʼone̩ e̩wñ, me̩ la gwo̩nyu mi n.

Matiu 21:12

Taku Jisus mugudu tef unyi O̩jo̩, oñ i fʼabo du ku ma ta e̩wñ kpʼabo ku ma la e̩wñ ne kwef unyi O̩jo̩ dufu. Oñ i fʼitebulu abo ku ma kpailo̩ o̩ko̩ ke̩che̩ nʼane̩, kpʼe̩wñ ugugu abo ku ma ta amikede.

Malakai 3:1

Go, nakpʼonuche̩-mi wa, kʼi ñwʼo̩na che o̩gba-mi; tak Ondu kʼame̩ atene owñ le̩ awʼunyi-wñ achigili. Onuche̩ e-alo kʼame̩ ayo̩ ñw u le̩, me̩ go, owñ awa, Jihofa ki nʼe̩wñ du ka-i.

Ekaluka 29:17

Oñ e-o̩jo̩ ekeji-wñ chʼo̩mokuno̩ o̩ko̩ me̩gweji kpai okolo meji kpai amala me̩gwe̩le̩ ku ma chʼo̩mʼo̩do̩ʼka ku ma muifu,

Ekaluka 29:20

Oñ e-ojo e̩ke̩ta-wñ chʼo̩kokuno̩ me̩gwaka kpai okolo meji kpai amala me̩gwe̩le̩ ku ma chʼomʼo̩do̩ʼka ku ma mufu,

Jo̩n 8:20

Uko̩la-i i ka ef unyi o̩ko̩, abu kʼi do̩mo̩ ako̩ amone̩ e̩wñ ef unyi O̩jo̩; e̩ne̩ du la mʼu n todabu kʼiko-wñ ma wa ta n.