Jo̩n 6:71 - O̩TAKADA O̩LA O̩JO̩ 1970

⁷¹ O̩la Judas, o̩ma Saimo̩n Iskario̩t oñ i ka-i, todu owñ, kʼi chʼe̩ne̩ʼka ef abo-me̩gweji le̩, ache ki mʼowñ du ñw amone̩ mu.

Jo̩n 6:71 ပူးပေါင်းရင်းမြစ်များ

O̩takada ki kwʼo̩wo̩ Jud 1:4

Todu abo iche̩ka mugwo̩ we̩e̩le̩ tʼo̩ me̩. Owñ chʼabo ku ma kʼinabali-ma tane̩ igbegbele tod abi-i eje̩. Abo ku ma ma kpe̩do̩rʼO̩jo̩ n ma che. Ma adʼufe̩de̩nyo̩ O̩jo̩ rida ku ma li uña e̩wñtuñ eche. Ma la nʼaire̩ Jisus Kraisti, kʼowñ kate chʼOndu Onu kpʼOndu-wa, are̩.

E̩wñ kʼAme̩nukpuche̩ Che 2:23

owñ, ku ma mudu te̩ ñwu ma alu kʼuneku O̩jo̩ date̩, kpai alu kʼO̩jo̩ fuma tane̩, ame̩ nʼo̩wo̩ ame̩nugbite̩re̩ fʼu kaba mʼoli, me̩ la fʼu kpa ku:

Jo̩n 13:26

Jisus dohi kakini, Owñ chʼe̩ne̩ kʼomi abʼo̩we̩ o̩je̩ kad obobo kʼu nadʼu ñw u. Todule̩ abu kʼi mʼo̩we̩ o̩je̩ le̩ du kad obobo, i la mʼu du ñwu Judas e-Saimo̩n Iskario̩t.

Eli Eko̩ DʼO̩jo̩ 41:9

Ochochi, onuku-mi o̩lali e-kʼu ke̩do̩nʼo, kʼi la bʼumi jʼuje̩wñ, owñ le̩ fʼe̩re̩ ubi ro̩ ñw mi.

Matiu 10:2

Odu ame̩nukpuche̩ me̩gweji le̩ la de̩: e-ejodudu ko̩ Saimo̩n ku ma do̩ ko̩ Pita, kpʼAnduru o̩maye-wñ; kpai Jeme̩s e-Ze̩be̩di kpai Jo̩n o̩maye-wñ;

Matiu 10:4

Saimo̩n abo Kenan kpai Judas Iskario̩t, e-kʼi mʼowñ du ñwu ma mu le̩.

Mark 14:10

Taku Judas Iskario̩t, kʼi chʼe̩ne̩ʼka ef amame̩gweji le̩, kwʼo̩mo̩ nyʼugbo amagboji amatama, todu kʼi mʼowñ du ñwu ma mu.

Jo̩n 2:2

Ma ño̩ do̩ Jisus kpʼamako̩che̩-wñ wʼugbo iyawo le̩ ge̩.

Jo̩n 6:64

Ama aboʼka jʼef ume̩ ku ma ma ke̩do̩no n. Todu Jisus chema kwʼejodudu abo ki che ku ma ma ke̩do̩no n, kpai e̩ne̩ ki adʼowñ ñw amone̩ mu.

Jo̩n 6:70

Jisus dohi ñwu ma kakini, I chʼomi chi me̩, ame̩ abome̩gweji-i n? E̩ne̩ʼka efu me̩ la chʼabulumone̩.

Jo̩n 12:4

Ama Judas Iskario̩t, e̩ne̩ʼka ef amako̩che̩-wñ e-kʼi ache kʼi mʼowñ du ñw amone̩ mu, kakini,

Jo̩n 13:2

Oñ abu ku ma jo̩ ajʼo̩je̩ o̩kpane̩, e̩gba le̩ Abulumone̩ mʼibe du tʼef e̩do̩ Judas e-Saimo̩n Iskario̩t todu kʼi mʼowñ du ñw amone̩ mu me̩,

Jo̩n 20:24

To̩mas, e̩ne̩ʼka ef abo me̩gweji le̩, e̩ne̩ ku ma do̩ ko̩ Ukpejima le̩, la dʼugbo ma e̩gba ku Jisus wa n.