Jo̩n 6:11 - O̩TAKADA O̩LA O̩JO̩ 1970

¹¹ Todule̩ Jisus mʼikpakpa le̩ gba; oñ abu kʼi fʼugwa-wñ gwa, i mʼu ko kpe̩ ñw abo ku ma jʼane̩; abe̩le̩ i ño̩ fʼe̩ja le̩ kpe̩ ñwu ma, alu du ki dʼuma e̩do̩ ge̩.

Jo̩n 6:11 ပူးပေါင်းရင်းမြစ်များ

Jo̩n 6:23

(ama o̩mo̩ko̩ kwo Taibe̩rias wa ame̩ru ugbo ku ma jʼakala abu kʼOndu fʼugwa gwa le̩);

1 Te̩s 5:18

Me̩ fʼugwa-wñ gwa ef e̩wñ du, todu e̩wñ ki dʼO̩jo̩ e̩do̩ efu Kraisti Jisus ñwu me̩ le̩ de̩.

Abo Rom 14:6

E̩ne̩ ki adʼibe tʼo̩jo̩ʼka, mak Ondu i adʼibe tʼo̩ ñw u; oñ e̩ne̩ ki aje̩ e̩wñ, Ondu i aje̩ ñw u, oñ O̩jo̩ i agwʼo̩ ugwa-wñ; e̩ne̩ ki we̩ eje̩, mak Ondu i we eje̩ ñw u, O̩jo̩ i la agwʼo̩ kpo̩.

Matiu 15:36

i mʼakala mebie kpai e̩ja egini le̩ gba, oñ abu kʼi fʼO̩jo̩ gwa i fʼu guche̩ tak i mʼu ko ñw amako̩che̩, oñ amako̩che̩ mʼu ko ñw o̩wo̩ amone̩ le̩.

Luku 24:30

Oñ i leatu, abu kʼi chekukane̩ kʼi jʼe̩wñ kpʼama, i mʼakala du oñ i fʼugwa-wñ gwa; tak i fu bu, oñ i mʼu du ñwu ma.

1 Abo Ko̩rint 10:31

Todule̩ dagba me̩ je̩, dagba me̩ ñmo̩, dagba me̩ che e̩wñ, me̩ ki chʼe̩wñ du tef ojima O̩jo̩.

E̩wñ kʼAme̩nukpuche̩ Che 27:35

Oñ abu kʼi fʼe-kide̩ ka kʼi laño̩ mʼakala gba, i fʼO̩jo̩ gwa eju-ma chaka, oñ abu kʼi mʼu bu i chane̩ eje̩.

1 Samiue̩l 9:13

Ababa ku me̩ mugudu wʼef ewo, ame̩ aliʼu o̩gba tak i nyʼoj otete le̩ kʼi je̩ e̩wñ; todu amone̩ jʼaje̩ e̩wñ tak i wa n, todu owñ akadua bʼe̩wñ iche̩bo̩ le̩ ma; ubi le̩ tak abo ku ma do̩ ma wa aje̩. Todule̩ me̩ nate̩gu nyʼo̩mo̩ fai; todu iko-i oñ me̩ aliʼu.

Jo̩n 6:9

Imo̩to̩ e̩ne̩ke̩le̩ʼka dʼemi kʼinʼikpakpa o̩ka barli me̩lu kpai e̩ja meji; ama abʼe-le̩ muda ache ef amone̩ wewe abe̩i?

Jo̩n 21:9

Todule̩ abu ku ma mudachi tʼane̩, ma li una ige̩ ane̩ o̩mo̩ kʼe̩ja jʼoji-wñ kpai akala.

Jo̩n 21:10

Jisus ka ñwu ma kakini, Me̩ kʼe̩ja egini kwef e̩ja ku me̩ mu fa-i le̩ wa.

Jo̩n 21:13

Jisus lewa oñ i mʼakala le̩ gba, i mʼu du ñwu ma, kpai e̩ja egini, abe̩le̩ ge̩.