Jo̩n 5:19 - O̩TAKADA O̩LA O̩JO̩ 1970

¹⁹ Todule̩ Jisus dohi ñwu ma kakini, Ami, ami naka ñwu me̩ kakini, O̩ma neke chʼe̩wñ du kpai ojika o̩la-wñ n, chai e̩wñ kʼi li kʼAta ache; todu e̩wñ du kʼe̩ne̩ le̩ ache, e̩wñ le̩ oñ O̩ma ñʼache abe̩le̩ ge̩.

Jo̩n 5:19 ပူးပေါင်းရင်းမြစ်များ

Jo̩n 12:49

Todabu ki ma chʼomi gʼe̩do̩la-mi ko̩la n; ama e̩ne̩ ki kpe̩ mi wa le̩, owñ chʼAta, owñ le̩ fʼuko̩ e̩wñ kʼu naka kpʼo̩la kʼu naka te̩ ñwu mi.

Jo̩n 8:28

Todule̩ Jisus kakini, E̩gba du ku me̩ dʼO̩ma One̩ dago, e̩gbale̩ me̩ ama ka kʼomi de̩; u la gʼe̩dʼo̩la-mi ache e̩wñ du n, chai alu kʼAta ko̩ mi, oñ nako̩la e̩wñ-i.

Jo̩n 14:10

E̩ ke̩do̩no ka kʼomi dʼef Ata, kʼAta la dʼef umi n? O̩la alu-mi e-kʼomi aka ñwu me̩-i, i chʼibe efu-mi oñ naka-i n; Ata kʼi muda gugu efu mi achʼuko̩lo̩ e-wñ le̩.

Jo̩n 10:18

E̩ne̩ du la abʼumi gba n, chai omi age̩do̩la-mi adʼu tane̩. U chenʼo̩da kʼu nadʼu tane̩, u laño̩ chenʼo̩da kʼu nadabi dʼu ge̩. O̩la uko̩ kide̩ u gba ugbo Ata-mi.

Abo Rom 8:11

I la che̩wñ kʼAfu e̩ne̩ ki du Jisus dajikwane̩ kwef abo ki ku dodo ef ume̩ mak e̩ne̩ ki du Kraisti Jisus dajikwane̩ kwef abo ki ku le̩ ñʼadʼiñmi ñw año̩la-me̩ e-uku-i ge̩ lef Afu-wñ kʼi dodo ef ume̩.

Jo̩n 9:4

I dukpe̩ kʼawa ki che uko̩lo̩ e-e̩ne̩ ki kpe̩ mi wa abu ki chʼo̩ro̩ka ta; o̩jo̩ adu fai e̩gbale̩ e̩ne̩ du aneke chʼuko̩lo̩ n.

Luku 21:15

Todu omi adʼalu ñwu me̩ kpʼibe, e-kʼame̩no̩la-me̩ du ma neke rʼo̩na nyʼu n, abe̩k echagwunyu n.

Jo̩n 5:21

Todu alu kʼAta akʼabo ki ku dajikwane̩, kʼi año̩ du iñmi ñwu ma, abe̩le̩ O̩ma adʼiñmi ñw e̩ne̩ ki dʼowñ e̩do̩ ge̩.

2 Abo Ko̩rint 5:10

Todu ma akʼo̩chaka-wa jo̩ ejugede o̩gba e̩de̩ e-Kraisti chuu; todu kʼe̩ne̩ne̩ne̩ne̩ ki gba e̩wñ kʼi che iko kʼi dʼef año̩la, teju alu kʼi che, dagba i nyo̩, dagba i bie̩ne̩.

Je̩re̩maya 17:10

Omi, Jihofa, atejane̩ ef e̩do̩ one̩, u la añwʼibʼefu go, kʼu nadu ñw e̩ne̩ne̩ne̩ne̩ alu kʼo̩na ki le de̩, teju alu kʼe̩ro e̩wñ kʼi ache de̩.

Abakwane̩ 1:26

Tak O̩jo̩ kakini, Awa ki che one̩ rʼojibo-wa, ku ma bi awa onugo: ama ki la nʼo̩da ame̩ja ki jʼef ohimini abadi, kpai ame̩we̩ ojale, kpai ame̩la abe̩re̩me̩le̩, kpai ane̩-ile̩ du, kpai e̩wñ du ki afa, e-ki afa ane̩-ile̩-i.

Jo̩n 3:3

Jisus dohi ñw u kakini, Ami, ami, naka ñw e̩ kakini, Iche̩wñ ku ma ma bi one̩ etito̩ n i neke li ojane̩ O̩jo̩ n.

Ita, Ita 2:6

Todu Jihofa adʼibe ñw one̩; ef alu-wñ oñ e̩wñ ema kpai oji e̩wñ ema akwo

Eli Eko̩ DʼO̩jo̩ 138:3

O̩jo̩ kʼu dudo̩, e̩ mʼohi du ñw mi, e̩ nʼukpahiu dʼugbe̩do̩ ñw onugo-mi.

Eli Eko̩ DʼO̩jo̩ 50:6

Efojale efojale adʼo̩kpakpa-wñ kpogo, todu O̩jo̩ onugo akpʼoji ajo̩! Sila.

Abakwane̩ 1:1

E̩gba abakwane̩ ejodudu O̩jo̩ nyi efojale kpai ane̩-ile̩.

O̩la E̩bite 2:23

Oñ nanʼuku kpa amo̩ma-wñ; tak ujeju ujeju abudo̩ Ondu du ama ka kʼomi chʼe̩ne̩ kʼi atejane̩ ef ekpili kpʼef e̩do̩: u la adu ñw e̩ne̩ne̩ne̩ne̩-me̩ teju alii kʼuko̩lo̩-wñ de̩.

1 Pita 3:18

Todabu ku Kraisti ño̩ fʼuwa li tod adure onu ʼkate. E̩no̩kpakpa le̩ li tod ame̩nuji, todu kʼi mʼuwa ko wʼugbo O̩jo̩; ma fʼowñ kpaku ef o̩re̩la, ma muda dʼiñmi ñw u ef Afu;

Abo Ko̩lo̩se 1:16

todu ef uwñ ma nyi e̩wñ du, tʼe-efojale kpai e-ane̩-ile̩-i, tʼe̩wñ kʼeju li, tʼe̩wñ kʼeju ma li n, dagba i chʼede, dagba i chʼodu-eche, dagba i chʼagboji-eche, dagba i chʼo̩da-ene̩; ma nyi e̩wñ du lef uwñ kpʼutod uwñ.

Abo Filipai 4:13

Iñmi-mi chewo e̩wñ du ef e̩ne̩ kʼi adʼukpahiu ñwu mi le̩.

Abo Filipai 3:21

kʼi arʼaño̩la-wa e-e̩hiwane̩-i da etito̩ kʼi dʼalu kʼaño̩la e-ojima-wñ de̩, alu kʼukpahiu-wñ achʼuko̩lo̩ kʼi fʼe̩wñ du kamuhi te̩ ñw o̩la-wñ.

Abo E̩fe̩sus 3:16

todu kʼi du ñwu me̩, teju alu kʼunana ojima-wñ de̩, kʼukpahiu-me̩ ki nyo̩gba ku me̩ gbiti ef one̩ e-ejefu lef Afu-wñ;

Abo E̩fe̩sus 2:5

abu kʼa leku jʼef uñwanane̩-wa, i che kʼawa bo̩ Kraisti nʼiñmi. Lugbo ufe̩do̩-e̩nyo̩ oñ me̩ jʼef ujadu.

2 Abo Ko̩rint 4:14

abu kʼa chema kakini, E̩ne̩ ki dʼOndu Jisus kwane̩ le̩ ñʼako wa kwane̩ manyu Jisus kʼi la ako wa dago jo̩ manyu me̩.

1 Abo Ko̩rint 15:12

Oñ iche̩wñ ku ma fʼakoya Kraisti ta kaku ma mʼu du kwane̩ kwef abo ki ku, abile kʼiche̩ka ef ume̩ kakini, Udajikwane̩ e-abo ki ku do̩mo̩ n?

Abo Rom 6:4

Oñ ma fʼawa kpai owñ ji lefu baptism tef uku, todu kʼalu ku ma mu Kraisti du dajikwane̩ kwef abo ki ku lef ojima Ata le̩, abe̩le̩ kʼawa ki ño̩ tale ef e-etito̩ e-iñmi.

E̩wñ kʼAme̩nukpuche̩ Che 2:24

O̩jo̩ mʼu du kwane̩, abu kʼi mʼiwo̩ e-uku tu, todabu ki ma nʼugbo du kʼe̩wñ le̩ ma neke gwo̩nyʼowñ n.

Jo̩n 2:19

Jisus dohi ñwu ma kakini, Me̩ gu unyi O̩jo̩ ejefu-i lo̩, gbogbo nyʼo̩jo̩ me̩ta nadʼu kwane̩.

Aizaya 44:24

Abu ki Jihofa, Agbʼe̩ tane̩ te̩, kpai E̩ne̩ ki fʼuwe̩ bo̩ kwef iye-we̩, ka de̩ kakini: Omi che Jihofa ki che e̩wñ du, kʼowñ o̩to̩to̩la-wñ fʼefojale nadala te̩, kʼi fʼane̩ ile̩ fa te̩, —e̩ne̩ dʼugbo mi?—

Akwodufu 4:11

Taku Jihofa ka ñw u kakini, E̩ne̩ che alu one̩? abe̩k e̩ne̩ je̩ ñw one̩ ki chʼajialu, abe̩k ajeti, abe̩k agane̩, abe̩k akpejufo̩? I chʼomi, Jihofa-i n?

1 Te̩s 4:14

Todu iche̩wñ kʼa ke̩do̩no ka ku Jisus leku, kʼi laño̩ kwane̩, abe̩le̩ ge̩ O̩jo̩ ñʼakʼabo ku ma mʼolu du lefu Jisus wa manyʼowñ.

Aizaya 45:24

Ma anʼo̩la-mi aka kakini, Chai efu Jihofa oñ o̩kpakpa kpai ukpahiu de̩; oñ amone̩ ku ma te̩tawe̩do̩ rʼu awʼugbo-wñ oñ anyo̩ amu ma.

Abo Ko̩lo̩se 1:11

I ki dʼukpahiu ñwu me̩ ef ukpahiu du, teju ugbiti e-ojima-wñ ku me̩ ki fe̩do̩ lichi alu du, ku me̩ laño̩ fe̩do̩ je̩ kpai uyo̩.

Eli Eko̩ DʼO̩jo̩ 27:14

Nede Jihofa; fejugbiti, kʼe̩ la fʼe̩do̩ ne̩; i-i, uwe̩ ki nede̩ Jihofa!

Matiu 26:39

Tak abu kʼi le tʼo̩gba pe̩e̩ i la fʼeju bʼane̩ ma, oñ i nachaduwa kakini, Ata-mi, iche̩wñ kʼi jʼache, mak ago kide̩ ki lale bʼumi te̩; i ki muda de̩ alu ki dʼumi e̩do̩ n, chaialu ki dʼuwe̩ e̩do̩.

Jo̩n 6:38

Todu u gwo̩ru kwʼefojale wa todu kʼu chʼe̩wñ ki dʼumi onugo e̩do̩ n, chai e̩wñ ki dʼe̩ne̩ ki kpe̩ mi wa e̩do̩.

Jo̩n 12:50

U la chema ka kʼuko̩-wñ kʼi te̩ ñwu mi le̩ chʼiñmi ogbegbele̩; todule̩ o̩la e̩wñ kʼomi aka le̩, e̩wñ kʼAta ka ñwu mi, abe̩le̩ naka.