Jo̩n 4:6 - O̩TAKADA O̩LA O̩JO̩ 1970

⁶ Omi e-Jeko̩b ki abi kwef ane̩ dufu la dʼugbo le̩. Todule̩ abu ule̩ kʼi le fu Jisus hia, i kwogugu abe̩le̩ ugbo kʼomi abi dufu le̩. E̩gbale̩ dab auwa e̩ke̩fa.

Jo̩n 4:6 ပူးပေါင်းရင်းမြစ်များ

Abo Hibru 4:15

todu a chene̩ agboji amatama, i chʼe-kʼi ma neke kwaliwo ñw a ef e̩gbo-wa n in; chai e-ku ma fʼu jama iʼo̩na du dab awa, adure dʼo̩ n.

Abo Hibru 2:17

Kwef e-le̩ oñ i nʼo̩me̩ kʼi adab amo̩maye le̩ ef e̩wñ du, todu kʼi mud agboji amatama kʼi ali ejumomi kpʼe-kʼi achubi one̩ ef e̩wñ e-O̩jo̩, todu kʼi fʼe̩wñ unye̩do̩ che tod adure amone̩.

Matiu 8:24

Me̩ la go, afu ibi chane̩ eju ej ohimini, todabe̩le̩ akpoli naro̩ bʼo̩ko̩ le̩ ma, owñ muda alolu.

Matiu 27:45

Oñ akwo agogo me̩gweji gbogbo wa agogo me̩ta e̩chubi lewa bʼugbo du ane̩ le̩ ma.

Matiu 4:2

Tak abu kʼi jialu o̩jo̩ o̩gbo̩ meji, kpʼodu o̩gbo̩ meji, ubi le̩ ebi kwokpʼo̩.

2 Abo Ko̩rint 8:9

Todu ame̩ chema ufe̩de̩nyo̩ e-Ondu-wa Jisus Kraist, kakini, Abu kʼi chaka chʼanana, todu me̩ i mud e̩nale, todu kʼame̩ ki mud anana lef ale-wñ le̩.

Jo̩n 11:9

Jisus dohi kakini, I chʼauwa me̩gweji chʼo̩jo̩ oka n? Iche̩wñ kʼone̩ alule̩ o̩ro̩ka, i ake̩re̩ n, todabu kʼi ali ugane̩ ile̩ kide̩.

Luku 9:58

Taku Jisus ka ñw u kakini, Amajo nʼura e-ma, ame̩we̩ ojale la nʼunyi, O̩ma One̩ muda nʼugbo du kʼi adʼoji-wñ lo n.

Luku 2:7

Oñ i fʼo̩mo̩gba-wñ bi e̩ne̩ke̩le̩; i la kʼukpo wenyʼu o̩la, oñ i mʼu du dachi ef akpati uje̩wñ ame̩wño̩re̩, todabu kʼuña ma de̩ ef unyi uru ñwu ma n.

Jo̩n 4:5

Abe̩le̩ i lewa ewo Samariaʼka ku ma dʼodu-wñ ko̩ Saikar; i me̩ru ane̩ ku Jeko̩b bu ñw o̩ma-wñ Jose̩f le̩.

Jo̩n 4:7

Oñ i onobule̩ʼka kwo Samaria wa kʼi kpa omiofo. Jisus ka ñw u kakini, Dʼomi ñwu mi ñmo̩.

Jo̩n 4:12

Uwe̩ tʼata-wa Jeko̩b le? e-ki mʼobuga-i du ñwu wa, kʼowñ onugo la ñmo̩ omi-wñ, kpai amo̩ma-wñ kpai ame̩wño̩re̩-wñ?