Jo̩n 4:1 - O̩TAKADA O̩LA O̩JO̩ 1970

¹ Todule̩ e̩gba kʼOndu ma kʼamaFarisi gbo̩ kaku Jisus ache amako̩che̩ wewe, kʼi la ache ma baptism ku ma wewe tu e-Jo̩n le

Jo̩n 4:1 ပူးပေါင်းရင်းမြစ်များ

Jo̩n 3:26

Taku ma le wʼugbo Jo̩n, oñ ma ka ñw u kakini, Rabai, e̩ne̩ ki dʼugbo we̩ ejudaba Jo̩rdan, e̩ne̩ kʼuwe̩ gbʼo̩ ibenu le̩, go, owñ le̩ achʼone̩ baptism amone̩ du la wʼugbo-wñ.

Jo̩n 3:22

Anubi e̩wñ le̩ Jisus kpai amako̩che̩-wñ wʼoj ane̩ Judia, i la kpo̩kpe̩ o̩mo̩ kpai ama, oñ i nʼone̩ ache baptism.

2 Abo Ko̩rint 4:5

Todu i chʼo̩la-wa oñ a takoya-wñ n, chai Kraisti Jisus Ondu, kʼawa onugo la chʼadu-me̩ lefu Jisus.

1 Abo Ko̩rint 15:47

One̩ e-ejodudu le̩ kwef ane̩ ile̩-i, ebutu i che: one̩ e-ekeji kwʼefojale.

1 Abo Ko̩rint 2:8

E-kʼe̩ne̩ du ef amagboji o̩kpanachi kide̩ ma ma n: todu ama ma ma, ma ma dʼOndu ojima kaba mʼoli uku le̩ n:

E̩wñ kʼAme̩nukpuche̩ Che 10:36

O̩la kʼi du kpuche̩ nyʼugbo amo̩ma Israe̩l, kʼi fʼUche̩nyo̩ ure̩do̩ je̩ rʼuma lefu Jisusi Kraist (owñ le̩ chʼOndu e̩wñ du);

O̩la E̩bite 19:16

Oñ i chenʼodu ki che̩ko̩ o̩lʼotogbo-wñ kpʼoj uta-wñ kakini, Onu amonu, kpai Ondu amodu.

Jeme̩s 2:1

Amo̩maye-mi, me̩ ki we enʼe̩do̩ ekono Ondu-wa Jisus Kraisti e-ojima le̩ ef e̩nejuma.

Luku 2:11

todu ma fʼE̩najadu bi ñwu me̩ ewo Defid eñini-i, owñ che Kraist Ondu.

Luku 19:34

Oñ ma kakini, Ondu chenʼeku-wñ.

Luku 19:31

I la che̩wñ kʼe̩ne̩ du tʼume̩ ene kakini, E̩wñ chi ku me̩ atu-i? Abe̩le̩ me̩ aka ñw u kakini, Ondu chenʼeku-wñ.

Luku 1:76

Oñ uwe̩ ge̩, o̩ma-i, ma adʼuwe̩ ko̩ akache̩ e-O̩jo̩ Chamachala, todu uwe̩ adʼo̩gba eju Ondu alo, kʼe̩ ñwʼo̩na-wñ che;

Luku 7:13

Tak abu kʼOndu li u, ejumomi-wñ je̩ ñw u n, oñ i ka ñw u kakini, E̩ raku n.

Luku 7:19

Taku Jo̩n fʼamako̩che̩-wñ meji do̩ wʼugbo-wñ, oñ i kpe̩ ma nyʼugbo Ondu kakini, Uwe̩ chʼe̩ne̩ ki awa le̩, abe̩k a aneju e̩ne̩ omune̩?

1 Abo Ko̩rint 1:17

Todu Kraisti kpʼumi uche̩ baptism echʼone̩ n, chai Uche̩nyo̩ eje̩ rʼone̩: i chʼef o̩la ofili eka n, tode̩gba kʼoli uku Kraist amud ofofo.