Jo̩n 20:26 - O̩TAKADA O̩LA O̩JO̩ 1970

²⁶ Abu kʼo̩jo̩ me̩jo̩ lale amako̩che̩-wñ ño̩ dabi jʼejefu. Tomas la dʼugbo ma. Abu kʼo̩na chʼe̩re Jisus lewa oñ i dago alumeji, tak i kakini, Ure̩do̩ ki chʼe-me̩.

Jo̩n 20:26 ပူးပေါင်းရင်းမြစ်များ

Jo̩n 20:19

Todule̩ e̩gba kʼane̩ lo̩ o̩jo̩ le̩, owñ chʼo̩jo̩ ejodudu ef o̩jo̩ mebie abu kʼo̩na ugbo kʼamako̩che̩ jo̩ la chʼe̩re tod ailo amaJu ki aba ma, Jisus lewa dago alumeji, oñ i ka ñwu ma kakini, Ure̩do̩ ki chʼe-me̩.

Jo̩n 20:21

Todule̩ Jisus ño̩ dabi ka ñwu ma kakini, Ure̩do̩ ki chʼe-me̩; alu kʼAta kpe̩ mi, abe̩le̩ oñ omi akpe̩ me̩ ge̩.

Jo̩n 14:27

Ure̩do̩ oñ nato̩no̩ ñwu me̩-i, ure̩do̩ e-mi nadu ñwu me̩; i chʼalu kʼile̩ adu ñw one̩ oñ omi adʼu ñwu me̩ n. Ame̩ ki chʼe̩do̩ wuulu n, me̩ ki la chokpo n.

Luku 9:28

Oñ i leatu dabe̩ne̩ kʼo̩jo̩ me̩jo̩ kʼi kʼo̩la kide̩ i mu Pita kpai Jo̩n kpai Jeme̩s ko oñ i mute̩gu tʼoj uwo le̩ kʼi chadua.

Matiu 17:1

Tak ubi o̩jo̩ me̩fa, Jisus mʼiPita kpai Jeme̩s kpʼo̩maye-wñ Jo̩n ko-te̩gu nyʼibe̩ uwo kʼi gbo̩gba ku ma jo̩ kpʼo̩la-ma ojoji.

Aizaya 54:10

Todu dagba uwo uwo ki kwo kʼotete otete chʼo̩la-ma ofe, ufe̩de̩nyo̩-mi la akwo bʼe̩ te̩ n, alo ure̩do̩-mi la achʼofe n, Jihofa ki ali we̩ ejumomi ka-i.

Aizaya 26:12

Jihofa, uwe̩ adʼure̩do̩ te̩ ñw a, todu uwe̩ ño̩ fʼuko̩lo̩-wa chaka che ñw a me̩.

Aizaya 27:5

Cho̩kpo̩ni owñ ki nado̩wo̩ dʼukpahiu-mi, ki fʼo̩la-wñ ño̩ru ugbo mi, eño̩ru i ki ñʼo̩la-wñ ru ugbo mi.

Mark 16:14

Ubi le̩ i tejugede ñw amame̩gwaka onugo, abu ku ma chekukane̩ ajʼuje̩wñ; oñ i du eke̩do̩no ku ma ko̩ eke̩do̩no kpai ugbiti e̩do̩-ma kicha ñwu ma, todabu ku ma ma ke̩do̩nʼo̩la abo ku ma fʼowñ li abu kʼi mudajikwane̩ n.

Luku 24:36

Oñ abu ku ma jʼako̩la e̩wñ-i, owñ onugo kwodago alumeji ma, oñ i ka ñwu ma kakini, Ure̩do̩ ki dʼugbo me̩.

Jo̩n 11:16

Todule̩ To̩mas, e-ku ma do̩ ko̩ Ukpejima, ka ñw abo kʼowñ kpai ama chʼamako̩che̩ kakini, Awa ki ño̩ le, todu kʼa ki ku kpai owñ.

Jo̩n 21:1

Ubi e̩wñ kide̩ Jisus dabi dʼo̩la-wñ tejugede ñw amako̩che̩-wñ o̩l ohimini Taiberias: abu kʼi dʼu tejugede la de̩:

Jo̩n 21:14

E-le̩ mud onu e̩ke̩ta ku Jisus kwotejugede ñw amako̩che̩-wñ abu kʼi dajikwane̩ kwef abo ki ku.

E̩wñ kʼAme̩nukpuche̩ Che 1:3

Abu kʼi fʼuwa le̩ li kpa i ño̩ dʼudeju o̩la-wñ te̩ ñwu ma go ef e̩wñ ijali wewe ki ma nʼiñwa n. Ma liʼu gbogbo o̩jo̩ o̩gbo̩ meji, i la nʼe̩wñ ojane̩ O̩jo̩ aka.