Jo̩n 20:1 - O̩TAKADA O̩LA O̩JO̩ 1970

¹ Oñ o̩jo̩ ejodudu ef o̩jo̩ mebie Me̩ri Magdalini, awa alu oji inajo̩ e̩gba kʼane̩ che̩chubi ta, oñ i li abu ku ma mʼokuta du bʼalu oji te̩.

Jo̩n 20:1 ပူးပေါင်းရင်းမြစ်များ

Mark 16:9

E̩gba kʼi kwane̩ odudu odudu o̩jo̩ ejodudu ef o̩jo̩ mebie, i tejugede ñwu Me̩ri Magdalini ejodudu, owñ chʼe̩ne̩ kʼi fʼamebili mebie ne kwef uwñ dufu le̩.

Matiu 27:60

tak i mʼu du dachi ef oji e-wñ etito̩, owñ chʼe-kʼi da ef apata. Tak abu kʼi fʼokuta lile li wa alu oji le̩, i le owñ.

Mark 15:46

Tak i fʼukpo line̩n la, oñ i mʼowñ du wane̩, i la fʼukpo line̩n le̩ wenyʼu, tak i mʼu du dachi ef oji ku ma da ef apata; tak i fʼokuta li bʼalu oji le̩ ma.

Jo̩n 20:26

Abu kʼo̩jo̩ me̩jo̩ lale amako̩che̩-wñ ño̩ dabi jʼejefu. Tomas la dʼugbo ma. Abu kʼo̩na chʼe̩re Jisus lewa oñ i dago alumeji, tak i kakini, Ure̩do̩ ki chʼe-me̩.

Jo̩n 19:25

Abo ku ma la dago o̩la oli uku Jisus chʼiye-wñ kpʼo̩maye iye-wñ onobule̩ kpai Me̩ri e-Klopas kpai Me̩ri Magdalini.

O̩la E̩bite 1:10

U lewate̩ ef Afu, o̩jo̩ ki chʼojima Ondu. Tak u gbʼomuko̩la lile ubi-mi dabe̩ne̩ kʼo̩kakachi,

Matiu 27:64

Todule̩ e̩ nañwa ñwu ma ku ma fʼoji le̩ ñwo̩che kpaka gbogbo tʼo̩jo̩ e̩ke̩ta, tode̩gba kʼamako̩che̩-wñ lewa ku ma mʼoku-wñ ji lo, ku ma la aka ñw amone̩ ka kʼi kwane̩ kwef abo ki ku me̩. Tak uko̩bi e-ubiane̩-i atʼe-ejodudu le.

1 Abo Ko̩rint 16:2

O̩jo̩ ejodudu ef o̩jo̩ mebie du e̩ne̩ne̩ne̩ne̩-me̩ ki nadʼe̩wñ ne ugbo-wñ teju alu ki ra ñw u, todu ki we enʼo̩ko̩ ete̩ e̩gba du kʼu lewa.

E̩wñ kʼAme̩nukpuche̩ Che 20:7

Oñ o̩jo̩ ejodudu ef o̩jo̩ mebie, abu kʼawa jeju kʼa bʼakala je̩ Po̩l kʼo̩la rʼuma eju, abu kʼa che kʼa lo o̩jo̩ñwa-wñ; oñ i dʼef o̩la le̩ eka gbogbo wʼalumeji odu.

Matiu 27:56

Me̩ri Magdalini la dʼef uma kpai Me̩ri iye Jeme̩s kpai Jose̩f, kpai iye amo̩ma Ze̩be̩di le̩.

Matiu 27:66

Oñ ma le manyʼabide le̩ nañwʼoji le̩ che kpaka, ma fʼokuta-wñ hiuko̩.

Matiu 28:1

Abu kʼo̩jo̩ uñmi le̩ le, kʼo̩jo̩ ejodudu o̩jo̩ mebie omune̩ me̩ru eñwa, Me̩ri Magdalini kpai Me̩ri ekeji lewa ku ma go oji le̩.

Matiu 28:2

E̩ la go, ane̩ chane̩ emiejo nana; todu onuche̩ Ondu gwo̩ru kwʼefojale wa, oñ i lewa fʼokuta le̩ li wʼubi, tak i kwogugu oji-wñ.

Jo̩n 11:38

Todule̩ abu kʼe̩do̩-wñ ño̩ kpa ef uwñ, Jisus lewʼugbo oji le̩; owo i la che, okuta la nʼalu-wñ.

Jo̩n 11:41

Todule̩ ma mʼokuta le̩ du. Oñ Jisus mʼeju-wñ korʼate̩, i kakini, Ata-mi, nagwʼe̩ todabu kʼe̩ netirʼo̩la-mi.