Jo̩n 18:33 - O̩TAKADA O̩LA O̩JO̩ 1970

³³ Todule̩ Pailati ño̩ dabi gudu tef unyi Praito̩rio̩n, oñ i fu Jisus do̩, i la ka ñw u kakini, Uwe̩ chʼOnu amaJu?

Jo̩n 18:33 ပူးပေါင်းရင်းမြစ်များ

Jo̩n 19:12

Kwef e-kide̩ oñ Pailati feju kʼi tʼowñ no̩ tane̩; amaJu muda kpogu kakini, Iche̩wñ kʼuwe̩ tʼe̩ne̩ kide̩ no̩ tane̩ mak e̩ chʼonuku Sisa n; e̩ne̩ du kʼi adʼo̩la-wñ chʼonu achʼakpabie̩ Sisa.

Jo̩n 19:3

ma la wʼugbo wñ oñ ma kakini, Agba-o, Onu amaJu! Taku ma fʼawo kʼo̩.

Jo̩n 18:37

Todule̩ Pailati ka ñw u kakini, Mak onu we̩ che ke? Jisus dohi kakini, Uwe̩ ka kʼu chʼonu. Todu e-kide̩ ma bi mi, tod e-kide̩ oñ u lewʼef ile̩, todu kʼu gbʼochochi ibenu. E̩ne̩ du kʼe̩te̩-wñ chʼochochi agbʼomu-mi.

Jo̩n 12:13

ma mʼima oli ki dab e̩kpe̩ ko, ma la kwodufu nyʼaledʼo, taku ma kpogu kakini, Hosana! Ekele ma kele e̩ne̩ ki alʼef odu Ondu wa, owñ la chʼOnu Israe̩l.

Mark 15:2

Pailat tʼowñ ene kakini, Uwe̩ chʼOnu amaJu? I dohi ñw u kakini, Uwe̩ aka-i.

Matiu 27:11

Abe̩le̩ Jisus dago o̩gba igo̩bina le̩; oñ igo̩bina tʼowñ ene kakini, Uwe̩ chʼOnu amaJu? Oñ Jisus ka ñwu kakini, Uwe̩ ka-i.

Ze̩karaya 9:9

E̩ nagwoguyo̩ nana, uwe̩ o̩monobule̩ e-Zayo̩n! Fʼo̩ga chi, uwe̩ o̩monobule̩ e-Je̩rusale̩m! Go, onu-we̩ awʼugbo-we̩ me̩; e̩no̩kpakpa i che, owñ la nʼujadu, e̩no̩bata i che; i tanʼo̩ke̩ke̩te̩ awa, owñ chʼo̩ma kʼo̩ke̩ke̩te̩ bi.

1 Timoti 6:13

Nadʼugbe̩do̩ ñw e̩ eju O̩jo̩ kʼi adʼiñmi ñw e̩wñ du kpʼeju Kraist Jisus kʼi gbalu o̩me̩me̩le̩ e̩gba kʼi fʼibenu-wñ gba o̩gba Po̩ntius Pailat le̩,

Jo̩n 19:9

Tak i dabi gudu tefu Praito̩rio̩n ge̩, oñ i ka ñwu Jisus kakini, Ugbo we̩ kwo? Jisus muda dohi ñw u n.

Jo̩n 12:15

E̩ ki railo n, uwe̩ o̩ma onobule̩ Zayo̩n; go onu-we̩ awa me̩, i gugu oj o̩ma o̩ke̩ke̩te̩.

Jo̩n 1:49

Natanie̩l dohi ñw u kakini, Rabai, Uwe̩ che O̩ma O̩jo̩; uwe̩ chʼOnu Israe̩l.

Ze̩fanaya 3:15

Jihofa mʼoji ajo̩ kʼi kpa ugbo we̩ ko bʼe̩ te̩ me̩, i dʼe̩nebi-we̩ tinyo̩ me̩. Onu Israe̩l, owñ che Jihofa, dʼalumeji-we̩; e̩ ñʼarailo e̩wñ e̩bie̩ne̩ ge̩ n.

Je̩re̩maya 23:5

Go, o̩jo̩-wñ awa, Jihofa aka-i, e̩gba kʼomi adʼE̩pa o̩kpakpa kwane̩ ñwu Defid, tak owñ le̩ ajʼonu, i la ache e̩wñ ibeibe, i la ache e̩wñ tʼeju alu kʼoj ajo̩ ku ma dute̩ ka, kpai e̩wñ o̩kpakpa oj ane̩-i.

Matiu 27:27

E̩gba le̩ amisoja igo̩bina mu Jisus du nyʼef unyi Praito̩rium, oñ mafʼo̩gbo̩ abo oje̩go̩-ma do̩ wa adonyʼuwñ.

Luku 23:2

Oñ ma chane̩ egwajo̩ nʼowñ kakini, A li abu kʼe̩ne̩-i do̩mo̩ arʼabo uche̩ichi-wa da, i la akpo̩nanyʼe̩wñ-are̩ edu ñwu Sisa, i laño̩ ka kʼowñ onugo che Kraist onuʼka.

Jo̩n 18:34

Jisus dohi kakini, Uwe̩ gʼe̩do̩la-we̩ ko̩la kide̩? abe̩k abomune̩ kʼo̩la-mi ñw e̩?

Jo̩n 18:38

Pailati ka ñw u kakini, E̩wñ chʼochochi? Abu kʼi fʼe-kide̩ ka, i dabi dufu nyʼugbo amaJu, oñ i ka ñwu ma kakini, Omi li o̩la du kʼi fe̩ n.

Jo̩n 19:4

Taku Pailati dabi dufu wʼo̩do̩da, oñ i ka ñwu ma kakini, Me̩ go, nadʼu tʼo̩do̩da ñwu me̩ todu ku ma ki ma ka kʼu li o̩la du kʼi fe̩ n.