Jo̩n 18:1 - O̩TAKADA O̩LA O̩JO̩ 1970

¹ Abu ku Jisus fʼe-kide̩ ka owñ kpai amako̩che̩-wñ dufu tʼudaba ukpolo Ke̩dro̩n, ugbo kʼuche̩ de̩, owñ kpai amako̩che̩-wñ mugudu tef uwñ.

Jo̩n 18:1 ပူးပေါင်းရင်းမြစ်များ

Mark 14:32

Taku ma lewa ugbo ku ma dʼodu-wñ ko̩ Ge̩tse̩mani; oñ i ka ñw amako̩che̩-wñ kakini, Me̩ guguane̩ emi gbogbo tak u nachadua.

Matiu 26:36

E̩gba le̩ Jisus kpʼama lewa e̩bu ane̩ ku ma do̩ ko̩ Ge̩tse̩mani, oñ i ka ñw amako̩che̩-wñ kakini, Me̩ jʼemi gbogbo kʼu nanyʼano̩mo̩ kʼu chaduwa.

2 Samiue̩l 15:23

Tak abʼane̩ o̩mo̩ chaka nʼomu lile araku, amone̩ le̩ chaka la daba. Onu onugo ño̩ mudaba aji Kidro̩n, tak amone̩ le̩ chaka mudaba ale rʼo̩wo̩ o̩na aje̩tachi.

Jo̩n 18:26

E̩ne̩ʼka ef amadu agboji amatama, kʼi chʼefu e̩ne̩ ku Pita mʼeti-wñ la le̩, kakini, Omi li we̩ ef uche̩ le̩ kpai owñ n?

Jo̩n 14:31

ama todu kʼile̩ ki ma ka kʼomi afe̩do̩ Ata, alu kʼAta tuko̩ ñwu mi, abe̩le̩ nache. Me̩ kwane̩ kʼa kwʼemi alo.

Je̩re̩maya 31:40

Tak o̩gbo̩ o̩go̩ ugbo kʼoku one̩ kpai elulu-wñ jo̩ le̩ kpai oko oko du gbogbo wʼaji Kidro̩n, wʼagbade alaku Anya kʼi dʼo̩wo̩ olodudu le̩ afo̩ todu Jihofa; ma ñʼachi rinyo̩ n, ma lañʼagulo̩ ogbegbele̩ ge̩ n.

2 Iko Iko E̩wn 30:14

Taku ma kwane̩, oñ ma mʼubo iche̩ho ki jo̩ Jerusale̩m kpʼubo̩ iche̩bo̩ otulale du ko, oñ ma mʼu ko rinyo̩ ef aji Kidro̩n.

2 Iko Iko E̩wn 15:16

I ño̩ du Maaka, iye Esa onu le̩, tane̩ bʼugugu iye onu te̩, todabu kʼi fʼojibo ihie̩ne̩ che todu Ashe̩ra; Esa la fʼojibo-wñ le̩ lo̩ wane̩, i fʼu kwu ebutu, tak i fʼu gujo ef o̩go̩ Kidro̩n.

2 Amonu 23:12

Oñ onu fʼubo̩ iche̩bo̩ ki jʼojokunyi Ehaz o̩wo̩ ate̩ le̩, owñ chʼe-kʼamonu Juda che te̩, kpai ubo̩ iche̩bo̩ ki Manasa che ef ologbo kpʼanuku unyi Jihofa kpo̩fo̩ rinyo̩ i la mʼebutu-wñ ko ra kwʼo̩mo̩, oñ i fʼu kwu nyʼef aji Kidro̩n.

2 Amonu 23:6

Tak i mʼAshe̩ra du kwʼef unyi Jihofa dufu nyʼej ubi Je̩rusale̩m tʼo̩la aji Kidro̩n, oñ i fʼu gujo rinyo̩ o̩la aji Kidro̩n le̩, tak i fʼu gwu ebutu, oñ i fʼebutu-wñ kwu abʼojinoji ojinoji ame̩no̩talaka ma.

1 Amonu 15:13

Tak i ño̩ bʼiye-wñ Maaka gbʼo̩da iye onu, todabu kʼi fʼojibo ihie̩ne̩ʼka che ñw Ashe̩ra. Esa la fʼe̩wñ ihie̩ne̩-wñ lo̩ wane̩, oñ i fu gujo eti aji Kidro̩n.

Abakwane̩ 3:23

todule̩ Jihofa O̩jo̩ mʼowñ du kwef uche̩ Ide̩n dufu, kʼi naluche̩ ane̩ e-ku ma dʼowñ kwefu-wñ le̩.

Mark 14:26

Tak e̩gba ku ma fʼeli ko̩ ma dufu nyʼugbo uwo O̩lif.

Matiu 26:30

Tak abu ku ma fʼeli ko̩ ma le dufu nyʼibe̩ uwo O̩lif.

Abakwane̩ 2:15

Oñ Jihofa O̩jo̩ mʼone̩ du, oñ i mʼu du tef uche̩ Ide̩n kʼi lʼo, kʼi la nade.

1 Amonu 2:37

Todu o̩jo̩ kʼe̩ kwʼo̩mo̩ dufu, kʼe̩ la mʼukpolo Kidro̩n daba, uwe̩ ki ma ka kʼeku uwe̩ aku chuu, e̩bie̩-we̩ la adʼoji e-we̩ onugo.

2 Amonu 23:4

Tak onu ñwa ñwu Hilkaya agboji amatama, kpai amatama uche̩ ekeji kpai abo ku ma de alo̩na, kʼama ki mʼe̩wñ eku du ku ma che todu Beal kpai e-ku ma che todu Ashe̩ra kpai e-ku ma che todu uwewe e̩wñ ojale le̩ ko kwef unyi Jihofa dufu; tak i mʼu ko gujo ejubi Je̩rusale̩m oko Kidro̩n, oñ i mʼelulu-wñ ko nyi Be̩te̩l.

2 Iko Iko E̩wn 29:16

Tak amatama nyʼejefu ejefu unyi Jihofa ku ma che ki fe̩, oñ ma mʼe̩wñ iwa du ku ma li ejefu unyi Jihofa le̩ ko dufu wʼologbo unyi Jihofa. Tak abo Lifai mʼu ko le tʼo̩do̩da wʼaji Kidro̩n.

Nihe̩maya 2:15

Tak u mu-te̩gu lʼo̩cha o̩cha aji le̩ odu, oñ u fʼaku le̩ go; tak u mudabi tʼubi oñ u mugudu tʼAlaku O̩go̩ le̩, abe̩le̩ u mudabi.

E̩wñ kʼAme̩nukpuche̩ Che 21:11

Tak i lewa ugbo wa, oñ i mʼe̩wñ ujiñmi Po̩l du oñ i fʼo̩la-wñ o̩wo̩ kpʼe̩re̩ ji, i kakini, E-kʼAfu Kiafo̩ ka de̩ kakini, Abe̩le̩ oñ amaJu ku ma jo̩ Je̩rusale̩m aji e̩ne̩ke̩le̩ kʼi nʼe̩wñ ujiñmi kide̩ ku ma la adʼu tef o̩wo̩ abo uche̩ichi.

Abo Lifai 2:6

Uwe̩ ki fʼu kpe̩ ukpe̩ ukpe̩ jo̩ tak e̩ dʼekpo danyʼu; e̩wñ ele i che.

Mark 14:42

Me̩ kwane̩ kʼa lo; me̩ go, e̩ne̩ ki dʼumi ñw amone̩ mu me̩rʼemi me̩.