Jo̩n 17:24 - O̩TAKADA O̩LA O̩JO̩ 1970

²⁴ Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

Jo̩n 17:24 ပူးပေါင်းရင်းမြစ်များ

Jo̩n 17:5

Ata-mi, fa-i tak e̩ dʼojima ñwu mi manyʼO̩la-we̩, ojima e-kʼu ne̩ ugbo we̩ o̩gba tak ile̩ de̩.

Jo̩n 12:26

Iche̩wñ kʼe̩ne̩ du ache e̩wñ ñw omi, i ki natʼumi ubi; tak ugbo kʼomi de̩, o̩mo̩ e̩ne̩ ki ache e̩wñ ñwu mi ñʼade̩ ge̩; iche̩wñ kʼe̩ne̩ du ache e̩wñ ñwu mi, Ata-mi abumʼo̩.

Jo̩n 14:3

I la che̩wñ kʼu le kʼu ñwʼuña che tane̩ ñwu me̩, nadabi wa ge̩, oñ namʼume̩ gba wʼugbo mi onugo; todu kʼugbo kʼomi de̩ kʼame̩ ki ño̩ jo̩ kpo̩fo̩.

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

1 Jo̩n 3:2

Ame̩nufe̩do̩, fai a chʼamo̩ma O̩jo̩ me̩; alu kʼa la ade̩ ejo̩gba tejugede ta n, a chema ka kʼowñ kwotejugede a adab owñ, ukpe̩ kʼa ali owñ alu kʼi de̩.

Abakwane̩ 45:13

Me̩ ki dʼojima-mi ane̩ Ijipti du ka ñw ata-mi, kpai e̩wñ du ku me̩ liʼi. Me̩ nahiane̩ ku me̩ dʼata-mi gwo̩ru wʼemi.

2 Abo Ko̩rint 3:18

Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

Matiu 25:21

Odu-wñ ka ñw u kakini, I nyo̩! uwe̩, adu ki nyo̩ ki achubi one̩. E̩ chubi-mi ef e̩wñ re me̩, nadʼuwe̩ dago kʼe̩ nʼo̩da e̩wñ wewe; mugudu wʼef uyo̩ odu-we̩ ke.

1 Te̩s 4:17

ubi le̩ tak ama akʼawa kʼa deju kʼa bo̩ dinya ef akpa manyu ma kʼa de kpʼOndu ef afu-i; abe̩le̩ a la ajo̩ kpʼOndu e̩gba du.

Luku 12:37

Amadu kʼodu-ma lewa ali abu ku ma jʼagwe̩ke̩ adide gbede; ami naka ñwu me̩, ka kʼowñ adʼe̩wñ lʼago o̩la-wñ de, oñ i aje̩ ñwu ma chekukane̩ ku ma jʼe̩wñ, i la awʼugbo ma i ache e̩wñ ñwu ma.

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

1 Abo Ko̩rint 13:12

Todu abajo̩-i a gane̩ lef ogigo ef ita ta, ama e̩gbale̩ eju meji ade: abajo̩-i u chema e̩wñ kado̩na; ama e̩gbale̩ nama ogbolo, dabalu ku ma ma mi ogbolo.

Matiu 26:29

Oñ naka ñwu me̩-i kakini, Akwe̩gba-i i nʼugbo du kʼu nañmo̩ e̩ro achiwebe̩te̩ma-i ge̩ n, gbogbo wʼiko e̩gba kʼu nañmo̩ etito̩-wñ kpai ame̩ ojane̩ Ata-mi.

Matiu 25:34

E̩gba le̩ Onu aka ñw abo ku ma jo̩ o̩wo̩ awo̩to̩-wñ kakini, Me̩ lewa, ame̩ kʼAta-mi de̩nyo̩ ñwu me̩ le̩. Me̩ ki fʼojane̩ ku ma ñwo̩che tane̩ ñwu me̩ akwe̩gba ku ma kpʼe̩re̩ ile̩-i je̩ ogu:

Abo Filipai 1:23

E̩wñ meji le̩ la mʼumi ne̩ gaga, e̩ño̩-wñ ache mi kʼu mutu kwʼemi alo kʼu dʼugbo Kraist; todu e-le̩ nyo̩ tule nana ololo.

2 Abo Ko̩rint 5:8

a la ne̩do̩, i la che̩rʼuwa e̩do̩ tule kʼa kwo bʼunyi año̩la te̩, kʼa ki jʼunyi ugbo Ondu.

Luku 23:43

Oñ i ka ñw u kakini, Ami naka ñw e̩, eñini-i uwe̩ adʼugbo mi efu Paradais.

Jo̩n 1:14

O̩la kʼa ka-i la mud ore̩la oñ i ge̩ne̩ ef uwa, (a la fʼojima-wñ li, ojima-wñ dab e-omokpono ugbo Ata-wñ), i che̩ko̩ ñw ufe̩de̩nyo̩ kpʼochochi.

O̩la E̩bite 21:22

U ño̩ li unyi O̩jo̩ ejefu ef uwñ n: todu Ondu O̩jo̩ Odobao̩gagu kpʼO̩mala le̩ chʼunyi-O̩jo̩-ejefu-wñ.

Matiu 25:23

Odu-wñ ka ñw u kakini, I nyo̩! uwe̩, adu ki nyo̩ kʼi achubi one̩. E̩ chubi-mi ef e̩wñ re me̩, nadʼuwe̩ dago kʼe̩ nʼo̩da e̩wñ wewe; mugudu wʼef uyo̩ odu-we̩ ke.

Jo̩n 6:37

E̩wñ du kʼAta adu ñwu mi atʼugbo mi, oñ e̩ne̩ ki awʼugbo mi, i nugbo du kʼu nadu rikpolo tʼo̩do̩da n.

Jo̩n 6:39

E̩wñ ki la dʼe̩ne̩ ki kpe̩ mi wa e̩do̩ le̩ de̩, todu kʼu we edʼe̩wñ okate tinyo̩ kwef e̩wñ du kʼi ko ñwu mi, chai kʼu nadʼu kwane̩ o̩jo̩ otitala.

Jo̩n 8:58

Jisus ka ñwu ma kakini, Ami, ami, naka ñwu me̩, omi do̩mo̩ taku ma bi Ebraham.

Jo̩n 15:9

Alu kʼAta fe̩do̩ mi, abe̩le̩ omi ño̩ fe̩do̩ me̩; me̩ nagugu ef ufe̩do̩ e-mi waa.

Jo̩n 17:2

dabalu kʼe̩ mʼo̩da o̩re̩la du du ñw u, todu kʼi dʼiñmi ogbegbele̩ ñw abo du kʼe̩ ko ñw u.

Jo̩n 17:22

Omi la mʼojima e-kʼe̩ du ñwu mi du ñwu ma me̩, todu kʼama ki chʼoka alu kʼAwa chʼoka.

1 Pita 1:21

ku me̩ ke̩do̩nʼO̩jo̩ lefuwñ. Owñ chʼO̩jo̩ kʼi dʼowñ kwane̩ kwef abo ki ku, kʼi laño̩ mʼojima du ñw u, todu kʼuke̩do̩no-me̩ kpʼukibeno-me̩ ki chʼO̩jo̩.