Jo̩n 16:19 - O̩TAKADA O̩LA O̩JO̩ 1970

¹⁹ Jisus chema ka ki dʼuma e̩do̩ ku ma tʼowñ ene, tak i ka ñwu ma kakini, O̩la kide̩ oñ me̩ tʼo̩la-me̩ ene oji-wñ? Owñ chʼe-kʼu kakini, I de̩ pe̩ me̩ ñʼali mi n; tak i año̩ dabi de̩ pe̩ oñ eju-me̩ ado mi?

Jo̩n 16:19 ပူးပေါင်းရင်းမြစ်များ

Jo̩n 16:30

Fa-i a ma kʼuwe̩ chema e̩wñ du, e̩ la nʼeku ki aku uwe̩ kʼone̩ atʼuwe̩ ene n: ef e-kide̩ oñ a ke̩do̩no ka kʼugbo O̩jo̩ e̩ kwodufu wa.

Jo̩n 16:16

I de̩ pe̩ me̩ ñʼali mi n; tak i ñʼada-bi de̩ pe̩ oñ eju-me̩ ado mi; todabu kʼomi anyʼugbo Ata.

Jo̩n 14:19

I bo̩ pe̩ tak ile̩ ma ñʼali mi ge̩ n, ame̩ muda ali mi; todabu kʼomi deju, ame̩ ñʼadeju ge̩.

Jo̩n 13:33

Amo̩ma-mi, nadʼugbo-me̩ pe̩ ta. Me̩ afeju mi, oñ alu kʼu ka ñw amaJu kakini, Ugbo kʼomi anyi, ame̩ neke wa n, fa-i naño̩ ka ñwu me̩ ge̩.

Jo̩n 7:33

Todule̩ Jisus kakini, Nadʼugbo me̩ pe̩ ta, tak u nalo tʼugbo e̩ne̩ ki kpe̩ mi wa.

O̩la E̩bite 2:23

Oñ nanʼuku kpa amo̩ma-wñ; tak ujeju ujeju abudo̩ Ondu du ama ka kʼomi chʼe̩ne̩ kʼi atejane̩ ef ekpili kpʼef e̩do̩: u la adu ñw e̩ne̩ne̩ne̩ne̩-me̩ teju alii kʼuko̩lo̩-wñ de̩.

Abo Hibru 4:13

Oñ e̩wñ kʼi nyi ki ma tejugede eju-wñ n de̩ n, e̩wñ du la tago ofo, e̩wñ du ño̩ che̩chite̩ eju e̩ne̩ e-kʼa acholi e̩wñ jo̩ ñw u.

Jo̩n 21:17

I ka ñw u onu e̩ke̩ta kakini, Saimo̩n, o̩ma Jo̩n, e̩ che̩do̩ mi? Pita chʼe̩do̩dudu todabu kʼi ka ñw u onu e̩ke̩ta le̩ kakini, E̩ che̩do̩ mi? Oñ i ka ñw u kakini, Ondu, uwe̩ chema e̩wñ du; uwe̩ chema ka kʼu nache̩do̩ we̩. Jisus ka ñw u kakini, Kʼuje̩wñ ñw amala-mi.

Matiu 9:4

Tak abu ki Jisus chema ibe ku ma kpe̩ le̩, i kakini, E̩wñ chi ku me̩ kpʼibe bibi efe̩do̩-me̩?

Matiu 6:8

Todule̩, ame̩ ki dab ama n; todu Ata-me̩ chema eku e̩wñ kʼi aku me̩ o̩gba taku me̩ biʼu.

Mark 9:32

Ma la mʼoji o̩la le̩ n, oñ ma railo etʼowñ ene.

Jo̩n 6:61

Ama abu ku Jisus chema ef uwñ ka kʼamako̩che̩-wñ dʼe-kide̩ tʼakeñmini, i ka ñwu ma kakini, E-i ada me̩ hi-i?

Jo̩n 16:18

Todule̩ ma kakini, E-i chʼe̩wñ? e-kʼi ka kʼi de̩ pe̩ le̩? A ma o̩la e̩wñ kʼi aka-i n.

Jo̩n 16:23

Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi.

Jo̩n 16:26

O̩jo̩ le̩ me̩ abi ef odu-mi; naka ñwu me̩ ka kʼomi arodubʼAta todu me̩ n.