Jo̩n 15:5 - O̩TAKADA O̩LA O̩JO̩ 1970

⁵ Omi chʼoli achiwebe̩te̩ma le̩, ame̩ chʼe̩to̩-wñ; e̩ne̩ ki gugu efu mi kʼomi la gugu efu wñ, e̩ne̩ le̩ arʼe̩ro nana; todabu ku me̩ ma neke che e̩wñ du ubi mi ojoji n.

Jo̩n 15:5 ပူးပေါင်းရင်းမြစ်များ

Abo Filipai 4:13

Iñmi-mi chewo e̩wñ du ef e̩ne̩ kʼi adʼukpahiu ñwu mi le̩.

Abo Ko̩lo̩se 1:10

kʼame̩ ki tale nyo̩nyo̩ bʼOndu jo̩ ku me̩ rʼowñ eju chaka, ku me̩ nʼe̩ro aro ef uko̩lo̩ ki nyo̩ du, ku me̩ la ya nyʼo̩gba ef O̩jo̩ ema o̩gbolo.

Jo̩n 15:16

I chʼame̩ chi mi n, chai omi chi me̩, u la ko me̩ jo̩ todu ku me̩ lo ku me̩ rʼe̩ro, kʼe̩ro-me̩ le̩ ki kpo̩kpe̩; todu kʼe̩wñ du ku me̩ bi Ata ef odu-mi, kʼi nadu ñwu me̩.

Abo Galatia 5:22

E̩ro e-Afu muda chʼufe̩do̩ kpʼuyo̩ kpʼure̩do̩ kpʼe̩do̩-eje̩ kpʼumo̩la kpʼe̩nyo̩ kpʼechubi one̩

Ita, Ita 11:30

E̩ro e̩no̩kpakpa chʼoli e-iñmi, e̩ne̩ ki la nʼibe afʼonugo one̩ mʼo̩ o̩la.

2 Abo Ko̩rint 13:8

Todu a neke che e̩wñ du agwunyʼochochi le̩ n, chai tod ochochi le̩.

Jo̩n 5:19

Todule̩ Jisus dohi ñwu ma kakini, Ami, ami naka ñwu me̩ kakini, O̩ma neke chʼe̩wñ du kpai ojika o̩la-wñ n, chai e̩wñ kʼi li kʼAta ache; todu e̩wñ du kʼe̩ne̩ le̩ ache, e̩wñ le̩ oñ O̩ma ñʼache abe̩le̩ ge̩.

Jeme̩s 1:17

Ele eche nyo̩nyo̩ kpʼele ki mufu du kwo ate̩ wa. I nagwo̩ru awa kwʼugbo Ala ugane̩ e-kʼuña erida alu kʼojiji olu arida le̩ ma dʼugbo-wñ n.

2 Pita 3:18

Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

Jo̩n 12:24

Ami, ami, naka ñwu me̩, iche̩wñ kʼe̩yo̩ e̩wñ ma lewa tef ane̩ kʼi ku n, mak owñ kate atʼo̩mo̩; i muda che̩wñ kʼi leku i anʼe̩ro nana.

Abo Rom 7:4

Todabe̩le̩, amo̩maye-mi, ma la je̩ ñwu me̩ ku ñw o̩lo̩da lef año̩la Kraisti, kʼame̩ ki mud e-e̩ne̩ omune̩, owñ chʼe̩ne̩ ku ma mudu dajikwane̩ kwef abo ki ku le̩, todu kʼawa ki re̩ro ñw O̩jo̩.

Abo Filipai 1:11

E̩ro o̩kpakpa ki kʼume̩ efu lefu Jisus Kraist tod ojima kpai uñwulo̩ O̩jo̩.

Jo̩n 9:33

Iche̩wñ kʼowñ le̩ ma kwʼugbo O̩jo̩ n, i ma neke che e̩wñ du n.

Abo Filipai 4:17

I cheka kʼu natejane̩ e̩wñ-ele le̩ n; u muda atejane̩ e̩ro ki mud o̩be̩le̩ke̩te̩ ku ma ki loru ñwu me̩.

Abo Rom 6:22

Ama fai abu ku me̩ kwotane̩ bʼo̩wo̩ adure te̩ ku me̩ la mud amadu ñw O̩jo̩, me̩ nʼe̩ro-me̩ tef efo̩, ukpoji-wñ la chʼiñmi o̩gbegbele̩.

E̩wñ kʼAme̩nukpuche̩ Che 4:12

I la nʼe̩nomune̩ kʼujadu dʼef uwñ n; todu i nʼodu omune̩ ojoji du o̩gane̩ ojale-i ku ma dʼu te̩ ef amone̩ ki dʼugbo ku ma ajadu wa ef uwñ n.

1 Abo Ko̩rint 12:12

Todu dabalu kʼaño̩la chʼokate kʼi la nʼe̩wñ wewe ki ronyʼu, kʼe̩wñ año̩la wewe le̩ la mud año̩la okate, abe̩le̩ Kraisti laño̩ de̩ ge̩.

1 Pita 2:4

Me̩ ki te̩me̩rʼowñ waa, owñ le̩ kʼi chʼokuta ki deju, e-kʼamone̩ fʼu ñwa ki nyo̩ n, kʼO̩jo̩ muda chi, kʼi la chʼakoko eju-wñ.

1 Abo Ko̩rint 12:27

Ame̩ la chʼaño̩la Kraist, e̩wñ ki aronyʼaño̩la-wñ okoke a che.

Abo E̩fe̩sus 5:9

(todu e̩ro ugane̩ dʼef e̩wñ ki nyo̩ du kpai o̩kpakpa kpai ochochi),

2 Abo Ko̩rint 9:10

Oñ e̩ne̩ ki adʼe̩yo̩ ñw e̩ne̩ ki agbe̩, kʼi año̩ dʼakala wa tod uje̩wñ la adu ñw me̩ ku me̩ gbe̩, i la aje̩ ñw u nawo ñw me̩, i año̩ je̩ ñw e̩ro e̩wñ o̩kpakpa e-me̩ ki nyo̩gba.

Abo Ko̩lo̩se 1:6

kʼi wʼugbo me̩ alu kʼi ño̩ dʼugbo du ile̩ kʼi la nʼe̩ro aro. I naya nyo̩gba, alu kʼi te̩tache ef ume̩ akwʼo̩jo̩ ku me̩ fʼu gbo̩ ku me̩ laño̩ fʼufe̩de̩nyo̩ e-O̩jo̩ ef ochochi ma ogbolo,

Abo Rom 12:5

abe̩le̩ awa kʼa chʼo̩wo̩ amone̩ chʼaño̩laʼka efu Kraisti, okoke-wa la chʼe̩wñ año̩la omune̩.

1 Abo Ko̩rint 10:16

Ago uje̩nyu kʼa je̩nyʼuwñ le̩, i chʼuta e̩bie̩ Kraist eta de̩ n? Akala kʼa abu le̩, i chʼuta e-año̩la Kraist eta de̩ n?

Hosiya 4:8

Ama nʼadure abo-mi chʼuje̩wñ-ma; ma la dʼe̩do̩-ma tʼudu-ma efe̩.

Matiu 13:21

I la nʼili o̩to̩to̩la-wñ n, i muda chʼo̩fe̩fe̩le̩; oñ e̩gba kʼo̩bata lewʼo̩la-wñ, abe̩ku amone̩ chane̩ edoli-wñ tod o̩la le̩, ababale̩ i fʼowñ dahi.