Jo̩n 15:12 - O̩TAKADA O̩LA O̩JO̩ 1970

¹² O̩la-uko̩ e-mi le̩ de̩ kakini, Todu kʼame̩ ki fe̩do̩ omune̩ alu kʼu fe̩do̩ me̩.

Jo̩n 15:12 ပူးပေါင်းရင်းမြစ်များ

1 Jo̩n 4:21

Uko̩ kʼa ne̩ kwʼugbo-wñ la de̩, todu kʼe̩ne̩ ki afe̩do̩ O̩jo̩ kʼi nafe̩do̩ o̩maye-wñ.

Jo̩n 13:34

O̩la uko̩ tito̩ nadu ñwu me̩-i, todu ku me̩ ki fe̩do̩ omune̩; alu kʼu fe̩do̩ me̩ todu kʼame̩ ki ño̩ fe̩do̩ omune̩ abe̩le̩ ge̩.

1 Pita 4:8

E̩wñ ki atʼo̩gba e̩wñ du chefejude̩kparu ufe̩do̩ ku me̩ fe̩do̩ omune̩, todabu kʼufe̩do̩ abʼugwe̩ko̩ adure ma.

1 Jo̩n 3:23

E̩wñ ki la chʼuko̩-wñ le̩ de̩, kakini, Todu kʼa ki ke̩do̩nʼodu O̩ma-wñ Jisus Kraist kʼa la afe̩do̩ omune̩, alu kʼi tʼuko̩ ñw a le̩.

Abo Rom 12:10

I chʼeche̩do̩ amo̩maye, me̩ ki che̩do̩ omune̩ dabe̩ne̩ ku me̩ chʼefu; i chʼebumʼone̩, me̩ ki dʼomune̩ tʼo̩gba.

Abo E̩fe̩sus 5:2

me̩ ki tale ef ufe̩do̩, alu ku Kraist ño̩ fe̩do̩ me̩, kʼi la mʼo̩la-wñ du tinyo̩ todu wa, kʼi mud e̩wñ ku ma duwa kpai e̩wñ iche̩bo̩ ñw O̩jo̩ todu ki kpo e̩rinyo̩.

1 Pita 3:8

Ukpoji-wñ la de̩ kakini, Ibe-me̩ ki chʼoka, me̩ nakwo̩lawo̩ omune̩, me̩ che̩do̩ omune̩ dab amo̩maye, me̩ chʼiwo̩ omune̩, ibe-me̩ ki che̩hiwane̩;

1 Pita 1:22

Abu ku me̩ fʼonugo-me̩ gworinyo̩ ef ochochi ku me̩ mugbagbo̩ kʼeche̩do̩ amo̩maye-me̩ ki we enʼakoru, me̩ ki fe̩do̩ omune̩ kpʼe̩do̩-me̩ gbali,

1 Te̩s 4:9

I la chʼeche̩do̩ o̩maye, eku-wñ aku me̩ kʼu nakʼo̩takada-wñ ru me̩ n, todu O̩jo̩ kʼame̩ onugo ku me̩ fe̩do̩ omune̩.

1 Te̩s 3:12

Ondu ki la che kʼufe̩do̩-me̩ ki chʼololo ki kpo̩rʼane̩ ñw omune̩ kpai e̩ne̩ du, alu kʼa ño̩ che kpʼame̩ ge̩,

2 Abo Te̩se̩lonaika 1:3

I dʼuwa o̩la kʼa gwʼO̩jo̩ e̩gba du todu me̩, amo̩maye, alu ki chʼeju-wñ todabu kʼe̩do̩ ekono-me̩ aya tabale, kʼufe̩do̩ kʼe̩ne̩ne̩ne̩ne̩-me̩ okoke du ne̩ fe̩do̩ omune̩ nanyo̩gba alo waa.

Malakai 1:2

Omi te̩tafe̩do̩ me̩, Jihofa ka-i. Ame̩ muda kakini, Ugbo, oñ uwe̩ te̩tafe̩do̩ wa ke? Iso̩ chʼo̩maye Jeko̩bi n? Jihofa ka-i; u la fe̩do̩ Jeko̩b;

Jo̩n 15:17

Uko̩ e̩wñ kide̩ nate̩ ñwu me̩ todu ku me̩ ki fe̩do̩ omune̩.

2 Jo̩n 1:5

Oñ fai o̩ko̩ nagba bʼuwe̩, Odu-mi onobule̩, i dabe̩ne̩ kʼuko̩ etito̩ ku ma te̩ oñ nako̩ rʼuwe̩-i n, chai e-kʼa ne̩ kwʼabakwane̩ le̩, todu kʼa ki fe̩do̩ omune̩.