Jo̩n 14:3 - O̩TAKADA O̩LA O̩JO̩ 1970

³ I la che̩wñ kʼu le kʼu ñwʼuña che tane̩ ñwu me̩, nadabi wa ge̩, oñ namʼume̩ gba wʼugbo mi onugo; todu kʼugbo kʼomi de̩ kʼame̩ ki ño̩ jo̩ kpo̩fo̩.

Jo̩n 14:3 ပူးပေါင်းရင်းမြစ်များ

Jo̩n 12:26

Iche̩wñ kʼe̩ne̩ du ache e̩wñ ñw omi, i ki natʼumi ubi; tak ugbo kʼomi de̩, o̩mo̩ e̩ne̩ ki ache e̩wñ ñwu mi ñʼade̩ ge̩; iche̩wñ kʼe̩ne̩ du ache e̩wñ ñwu mi, Ata-mi abumʼo̩.

2 Timoti 2:12

Iche̩wñ kʼa fe̩do̩ lichij, mak a ñʼabʼo̩ jʼonu ge̩. Iche̩wñ kʼa arʼaire̩, owñ le̩ ñʼarʼaire̩-wa ge̩.

E̩wñ kʼAme̩nukpuche̩ Che 1:11

oñ abo le̩ kakini, Aboke̩le̩ Galili, e̩wñ chi ku me̩ dago ago ojale-i? Jisus ku ma mugba bʼume̩ eju te̩ tef ojale-i, alu ku me̩ liʼu abu kʼi alo tef ojale, abe̩le̩ i awa ge̩.

Abo Hibru 9:28

abe̩le̩ ge̩ alu ku ma du Kraisti te̩ onuʼka kʼi nʼadure amone̩ wewe, i atejugede onuʼkeji ubi adure ojoji ñw abo ku ma jʼaneju owñ tod ujadu.

Abo Rom 8:17

i la che̩wñ kʼa chʼamo̩ma, mak a ño̩ chʼabo ku ma ajʼe̩wñ ogu-wñ ge̩; a chʼabo ku ma ajʼe̩wñ-o̩gu O̩jo̩, a la abo Kraisti je̩ e̩wñ ogu-wñ; abu kʼawa abʼo̩ chʼo̩bata todu kʼawa ki ño̩ bʼo̩ jʼojima.

Jo̩n 14:28

Ame̩ gbo̩ ka kʼomi ka ñwu me̩ kakini, Nalo, u ñʼawʼugbo me̩ ge̩. Me̩ ma fe̩do̩ mi, me̩ ma yo̩ todabu kʼu nanyʼugbo Ata, todabu kʼAta tʼumi le.

Jo̩n 17:24

Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

2 Abo Te̩se̩lonaika 1:12

todu kʼama ki bʼojima mʼodu Ondu-wa Jisus ef ume̩, kpʼame̩ ef owñ ge̩, teju ufe̩de̩nyo̩ O̩jo̩-wa kpʼOndu Jisus Kraisti.

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

Abo Filipai 1:23

E̩wñ meji le̩ la mʼumi ne̩ gaga, e̩ño̩-wñ ache mi kʼu mutu kwʼemi alo kʼu dʼugbo Kraist; todu e-le̩ nyo̩ tule nana ololo.

Jo̩n 14:4

Ugbo kʼomi anyi me̩ chema o̩na-wñ.