Jo̩n 14:2 - O̩TAKADA O̩LA O̩JO̩ 1970

² Ef unyi Ata-mi uña ugugu wewe do̩mo̩; i ma dʼabe̩le̩ n u ma ka ñwu me̩; todabu kʼu nalo kʼu ñwʼuña che ñwu me̩.

Jo̩n 14:2 ပူးပေါင်းရင်းမြစ်များ

2 Abo Ko̩rint 5:1

Todu a chema kakini, Dagba ma mʼunyi e-ki chʼebu kʼa ge̩ne̩ ef uwñ ane̩ ile̩-i gulo̩, a chenʼunyi ku ma ko̩ kwugbo O̩jo̩, owñ chʼunyi e-ku ma ma nʼo̩wo̩ ko̩ n, e-ogbegbele̩ i che, i dʼefojale.

Jo̩n 13:36

Saimo̩n Pita ka ñw u kakini, Ondu, ugbo uwe̩ anyi? Jisus dohi kakini, Ugbo kʼu nanyi e̩ neke tʼumi ubi fa-i ta n; e̩ muda atʼumi ubi e̩gba tʼe̩gba.

Abo Hibru 13:14

Todu a nʼewo ki akpo̩kpe̩ emi n, chai e-ki ache ki wa oñ a feju.

O̩la E̩bite 21:2

Tak u li ewo kiafo̩ le̩, owñ che Je̩rusale̩m etito̩, ki agwo̩ru kwʼefojale kwugbo O̩jo̩ wa, o̩la-wñ chʼe̩ñwo̩che te̩ dabu o̩ya etito̩ ki chʼijaga ñw o̩ko̩-wñ.

O̩la E̩bite 3:12

E̩ne̩ kʼi du, nadʼu chʼoli ugbogaga ef unyi O̩jo̩-mi ejefu. I la nʼugbo du kʼi adufu nyʼo̩do̩da ge̩ n. Oñ nakʼodu O̩jo̩-mi kpʼodu ewo O̩jo̩-mi Je̩rusale̩m Etito̩ kʼi agwo̩ru kwʼefojale ugbo O̩jo̩-mi awa, nyʼo̩la-wñ, kpʼodu-mi etito̩ ge̩.

Abo Hibru 11:10

todu i aneju ewo ki nʼe̩rane̩ le̩, e-kʼacho̩na-wñ kpʼe̩nuko̩lo̩-wñ chʼO̩jo̩.

Jo̩n 13:33

Amo̩ma-mi, nadʼugbo-me̩ pe̩ ta. Me̩ afeju mi, oñ alu kʼu ka ñw amaJu kakini, Ugbo kʼomi anyi, ame̩ neke wa n, fa-i naño̩ ka ñwu me̩ ge̩.

Jo̩n 16:4

U muda fʼo̩la e̩wñ kide̩ ka ñwu me̩ me̩, todu kʼe̩gba du kʼauwa le̩ lewa kʼame̩ ki dibekadʼo ka kʼomi ka ñwu me̩ me̩. U la ka e̩wñ kide̩ ñwu me̩ kwʼabakwane̩ n, todabu kʼu dʼugbo me̩.

Jo̩n 17:24

Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

Abo Hibru 6:20

ugbo ku Jisus e̩ne̩ kʼi dʼo̩gba mugudu tʼo̩ todu wa le̩, abu kʼi mud agboji amatama teju uche̩ Me̩lke̩side̩k tʼogbegbele̩.

O̩la E̩bite 3:21

E̩ne̩ ki du nadu ñw u kʼi guguane̩ kpʼomi oj ede-mi, alu kʼomi onugo du tak u guguane̩ kpʼAta-mi oj e̩de-wñ.

O̩la E̩bite 1:5

kpai kwʼugbo Jisusi Kraist E̩nibenu kʼi achubi one̩, kʼi chʼO̩mo̩gba e-abo ki ku, kʼi ño̩ chʼAgboji amonu ane̩ ile̩-i. Ojima kpʼugbiñmi tʼogbegbele̩ nyile̩wa ki tʼugbo e̩ne̩ kʼi afe̩do̩ wa kʼi ño̩ mʼuwa tutane̩ kwef adure-wa ef e̩bie̩-wñ,

Abo Hibru 9:8

Abe̩le̩ oñ Afu Kiafo̩ adudufu ka kʼo̩na tef uña kiafo̩ tejugede abu kʼebu ejodudu le̩ dago o̩mo̩ ta n;

Taito̩s 1:2

noj ukibeno e-iñmi ogbegbele̩, e-kʼO̩jo̩, ki ma neke remi n, kʼo̩la-wñ tane̩ o̩gba taku ma chane̩ ekaluka o̩kpanachi o̩kpanachi;

1 Te̩s 5:9

Todu O̩jo̩ ko wa jo̩ ñw uwe̩do̩ n, chai todu kʼa ki che kʼujadu ki mud e-wa ogbolo lef Ondu-wa Jisus Kraisti,

E̩wñ kʼAme̩nukpuche̩ Che 9:16

todu nakʼaluka e̩wñ du kʼi ali uwa-wñ tod odu-mi chuu ñʼo̩.

Jo̩n 14:28

Ame̩ gbo̩ ka kʼomi ka ñwu me̩ kakini, Nalo, u ñʼawʼugbo me̩ ge̩. Me̩ ma fe̩do̩ mi, me̩ ma yo̩ todabu kʼu nanyʼugbo Ata, todabu kʼAta tʼumi le.

Luku 14:22

Tak adu le̩ kakini, E̩wñ kʼe̩ ñwa ñwu mi le̩, u che me̩, uña muda bo̩ ta.