17 Owñ chʼAfu e-ochochi e-kʼile̩-i ma neke gba n; todabu kʼi ma ali n, kʼi ma la amʼo̩ n; ame̩ chemʼo̩; todabu kʼi gugu ugbo me̩, kʼi la adʼef ume̩ ge̩.
Ama e̩gba du kʼe̩ne̩ kʼu ka le̩ lewa, owñ chʼAfu e-ochochi, i adʼume̩ mʼo̩na ochochi chaka; todu i agʼe̩do̩la-wñ ako̩la n, chai e̩wñ du kʼi agbo̩ oñ i aka; e̩wñ ki awa i ñʼadu ka ñwu me̩ ge̩.
i la chʼame̩, ekpo ku ma ba tʼoji, kʼame̩ mugba kwugbo-wñ le̩, dʼef ume̩ waa, eku e̩ne̩ ki ako̩ me̩ la kʼume̩ n; ama alu kʼekpo ebatoji e-wñ le̩ ako̩ me̩ e̩wñ du, kʼi la chʼochochi, kʼi ma la chʼolemi n, alu kʼi la ko̩ me̩ le̩ me̩ gugu ef uwñ waa.
Oñ i dʼO̩jo̩ e̩do̩ kʼi je̩ ñw abo le̩ ma e̩wñ ki chʼunana ojima afili-i ef abo uche̩ichi, kʼafili kʼa ka-i che Kraisti ef ume̩, kʼowñ chʼukibeno ojima le̩.
E̩ne̩ ki nʼeli ki nagbʼe̩wñ kʼAfu aka ñw ujeju ujeju abudo̩ Ondu-i. E̩ne̩ kʼi du, nadu mana ki maja le̩ ñw u, tak u nadʼokuta efufu ñw u, odu etito̩ kʼe̩ne̩ du ma ma n, chai e̩ne̩ kʼi gba le̩ la che̩ko̩ tʼo̩la okuta le̩.
I la chʼe-mi, alo kʼu nakpe̩ kpʼama de̩, Jihofa ka-i: Afu-mi kʼi bʼuwe̩ ma le̩ kpai o̩la-mi kʼu du tʼuwe̩ alu anʼuda alu-we̩ n, kpai alu ugbe̩-we̩ n, kpai alu ugbe̩ ugbe̩-we̩ n, akwʼe̩gba-i tʼogbegbele̩, Jihofa ka-i.
E̩wñ la chʼalu unyi O̩jo̩ ejefu ki ade kpʼunyi ode? Todu awa chʼunyi ejefu e-O̩jo̩ ki deju, alu kʼO̩jo̩ ka, kakini, Nadodo ef uma, naño̩ tale ef uma; nachʼO̩jo̩ e-ma, oñ ama achʼamone̩ e-mi.
Todu e̩wñ ki dʼAta-mi e̩do̩ le̩ de̩ kakini, todu kʼe̩ne̩ du ki ali O̩ma, kʼi laño̩ ke̩do̩nʼowñ, ki nʼinmi ogbegbele̩, tak omi adʼowñ kwane̩ o̩jo̩ otitala.