Jo̩n 14:13 - O̩TAKADA O̩LA O̩JO̩ 1970

¹³ E̩wñ du ku me̩ la abi ef odu-mi, e-le̩ nache, todu kʼAta ki nʼojima ef O̩ma.

Jo̩n 14:13 ပူးပေါင်းရင်းမြစ်များ

Jo̩n 15:7

Iche̩wñ ku me̩ gugu efu mi, kʼo̩la alu-mi la gugu efu me̩, e̩wñ du ki dʼume̩ e̩do̩ me̩ nabi, oñ i amud e-me̩.

Mark 11:24

Todule̩ naka ñwu me̩, kakini, E̩wñ du ku me̩ chadua ku me̩ bi, me̩ ke̩do̩no ka kʼame̩ mʼu gba me̩, tak e̩wñ le̩ ado̩mo̩ ñwu me̩.

Matiu 21:22

Oñ e̩wñ du ki che ku me̩ abi ef adua, ku me̩ la ke̩do̩no, me̩ agba.

Matiu 7:7

Me̩ bi, ma la adu ñwu me̩; me̩ feju, me̩ ali; me̩ dʼo̩wo̩ kʼo̩na, ma la abi ñwu me̩.

1 Jo̩n 5:14

E-ki chʼeju e̩gbo̩ kʼa ne̩ ugbo-wñ la de̩ kakini, Iche̩wñ kʼa abi e̩wñʼka likpa alu ki dʼowñ e̩do̩ mak i agbo̩ ebi-wa.

Jo̩n 16:23

Tak ef o̩jo̩ kʼu naka-i me̩ ñʼatʼumi ene e̩wñ du n. Ami, ami, naka ñwu me̩, Me̩ bi Ata e̩wñʼka i adu ñwu me̩ ef odu-mi.

1 Jo̩n 3:22

oñ e̩wñ du kʼa abiʼu a agba ugbo-wñ, todabu kʼa ade uko̩-wñ, kʼa la ache e̩wñ ki rʼowñ eju.

Jo̩n 15:16

I chʼame̩ chi mi n, chai omi chi me̩, u la ko me̩ jo̩ todu ku me̩ lo ku me̩ rʼe̩ro, kʼe̩ro-me̩ le̩ ki kpo̩kpe̩; todu kʼe̩wñ du ku me̩ bi Ata ef odu-mi, kʼi nadu ñwu me̩.

Jo̩n 14:14

Iche̩wñ ku me̩ bi e̩wñ ef odu-mi, omi ache.

Jeme̩s 5:16

Todule̩ me̩ nagbalu adure-me̩ ñw omune̩, ku me̩ nachadua tod omune̩, ku ma ki fʼo̩ga-me̩ che. Uko̩lo̩ kʼo̩ko̩ kʼe̩no̩kpakpa agba bʼO̩jo̩ ache chʼegbiti.

Abo Filipai 4:13

Iñmi-mi chewo e̩wñ du ef e̩ne̩ kʼi adʼukpahiu ñwu mi le̩.

Jeme̩s 1:5

I la che̩wñ kʼibe nyarʼe̩ne̩ʼka ef ume̩, i ki bi ugbo O̩jo̩ kʼi nʼe̩do̩ foo kʼi akʼe̩wñ ñw e̩ne̩ du, kʼi ma la akicha ñw e̩ne̩ du n, taku ma adʼu ñw u.

Abo E̩fe̩sus 3:12

Ef owñ a nʼeju e̩gbo kpai o̩na kʼa guduwa ef e̩do̩-edachi lef e̩do̩ ekono e-owñ.

Jo̩n 16:26

O̩jo̩ le̩ me̩ abi ef odu-mi; naka ñwu me̩ ka kʼomi arodubʼAta todu me̩ n.

Jo̩n 10:30

Omi kpai Ata chʼoka.

Abo E̩fe̩sus 2:18

todu lef uwñ awa mejeji chenʼo̩na kʼa gudu nyʼugbo Ata ef Afu okate.

Abo Ko̩lo̩se 3:17

Oñ e̩wñ du ku me̩ che, ef o̩la eka abe̩k ef uko̩lo̩ eche, e̩wñ du ki chʼef odu Ondu Jisusi, me̩ ki nagwʼO̩jo̩ Ata ugwa lef uwñ.

Jo̩n 7:37

E̩gba o̩jo̩ otitala e-ki chʼo̩jo̩ lile e-ujeju ucholo le̩, Jisus kwodago, i domudago kakini, Iche̩wñ kʼolugbe̩ akpʼe̩ne̩ du kʼi nawʼugbo mi añmʼomi.

Abo Hibru 7:25

Kwʼugbo e-le̩ i neke jadu abo ku ma gudu wʼugbo O̩jo̩ lef uwñ tʼukpoji, abu kʼi deju e̩gba du kʼi chologu todu ma.

Jo̩n 14:6

Jisus ka ñw u kakini, Omi chʼo̩na kpʼochochi kpʼiñmi: i ma lʼef umi n, e̩ne̩ du awʼugbo Ata n.

Jo̩n 12:44

Jisus la domudago kakini, E̩ne̩ ki ake̩do̩nʼomi, i chʼomi i ake̩do̩no n, chai e̩ne̩ ki kpe̩ mi wa le̩.

Luku 11:9

Abe̩le̩ omi aka ñwu me̩-i kakini, Me̩ nabi taku ma adʼu ñwu me̩; me̩ feju taku me̩ ali; me̩ do̩wo̩ko̩na taku ma abi o̩na ñwu me̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Jo̩n 5:19

Todule̩ Jisus dohi ñwu ma kakini, Ami, ami naka ñwu me̩ kakini, O̩ma neke chʼe̩wñ du kpai ojika o̩la-wñ n, chai e̩wñ kʼi li kʼAta ache; todu e̩wñ du kʼe̩ne̩ le̩ ache, e̩wñ le̩ oñ O̩ma ñʼache abe̩le̩ ge̩.

Abo Hibru 13:15

Todule̩ a ki dʼuñwulo̩ wa ñw O̩jo̩ e̩gba du kʼi chʼe̩wñ iche̩bo̩-wñ, e-le̩ chʼe̩ro uko ki agbalu ñw odu-wñ.

Abo Hibru 4:15

todu a chene̩ agboji amatama, i chʼe-kʼi ma neke kwaliwo ñw a ef e̩gbo-wa n in; chai e-ku ma fʼu jama iʼo̩na du dab awa, adure dʼo̩ n.

Abo E̩fe̩sus 3:14

E̩wñ ki chi de̩ kʼu natʼokuku-mi kpe̩ ñw Ata,

Jo̩n 4:14

e̩ne̩ du kʼi muda ñmo̩ omi e-kʼomi adu ñw u, alugbe̩ ñʼakpʼo̩ gbegbele̩ ge̩ n, omi kʼu nadu ñw u la amud omi ki abi efu-wñ e-ki aroko tef iñmi ogbegbele̩.

Jo̩n 4:10

Jisus dohi ñw u kakini, Iche̩wñ kʼuwe̩ ma ma ele O̩jo̩, kpai e̩ne̩ kʼi aka ñw e̩-i kakini, Dʼomi ñwu mi ñmo̩, uwe̩ ma bi owñ, tak owñ ma dʼomi ki adeju ñw e̩.

Jo̩n 16:7

Ama, ochochi oñ omi aka ñwu me̩-i, i chenʼile ñwu me̩ todu kʼomi kʼu kwʼemi alo; todu iche̩wñ kʼu ma kwʼemi alo n, i nʼugbo du kʼE̩nugbe̩do̩ le̩ awʼugbo me̩ n; i la che̩wñ kʼu le nakpʼowñ wʼugbo me̩.

Jo̩n 13:31

Todule̩ e̩gba kʼi ledufu Jisus kakini, Fa-i O̩ma One̩ fojima ne̩ me̩, O̩jo̩ laño̩ fʼojima ne̩ ef uwñ.

1 Abo Ko̩rint 14:13

Todule̩ e̩ne̩ ki ako̩la ichi kʼi na-chadua todu kʼi meju omudechi-wñ eje̩.