Jo̩n 13:31 - O̩TAKADA O̩LA O̩JO̩ 1970

³¹ Todule̩ e̩gba kʼi ledufu Jisus kakini, Fa-i O̩ma One̩ fojima ne̩ me̩, O̩jo̩ laño̩ fʼojima ne̩ ef uwñ.

Jo̩n 13:31 ပူးပေါင်းရင်းမြစ်များ

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

Jo̩n 14:13

E̩wñ du ku me̩ la abi ef odu-mi, e-le̩ nache, todu kʼAta ki nʼojima ef O̩ma.

Jo̩n 7:39

Ama e-kʼi ka-i chʼo̩la Afu, ki bo̩ pe̩ kʼabo ku ma ke̩do̩nʼowñ agba: todu Afu do̩mo̩ ta n, todabu ku ma ma dʼojima ñwu Jisus e̩gbale̩ ta n.

1 Pita 1:21

ku me̩ ke̩do̩nʼO̩jo̩ lefuwñ. Owñ chʼO̩jo̩ kʼi dʼowñ kwane̩ kwef abo ki ku, kʼi laño̩ mʼojima du ñw u, todu kʼuke̩do̩no-me̩ kpʼukibeno-me̩ ki chʼO̩jo̩.

Abo E̩fe̩sus 3:10

todu ku ma ki je̩ ñw amagboji kpai abo̩da ef uña efojale ma unibe O̩jo̩ ki chʼo̩la ojoji ojoji wewe fai lef ujeju abudo̩ Ondu.

E̩wñ kʼAme̩nukpuche̩ Che 3:13

O̩jo̩ Ebraham kpai Aise̩k kpai Jeko̩b, O̩jo̩ e-amata-wa le̩, mʼojima du ñw imo̩to̩-wñ Jisus kʼame̩ mʼu du ñw ma mu, kʼame̩ laño̩ fʼaire̩-wñ re̩ o̩gba Pailat abu kʼi fuñwa ka kʼi atʼowñ no̩ tane̩.

E̩wñ kʼAme̩nukpuche̩ Che 2:36

Todule̩ abo unyi Israe̩l du ki ma o̩kpaka-wñ kakini, O̩jo̩ mu Jisus kʼame̩ du kamoli le̩ du che Ondu kpai Kraist, ejeji-wñ.

Jo̩n 16:14

Omi oñ e̩ne̩ le̩ adʼojima ñw u, todabu kʼi agba kwef e-mi, kʼi aduka ñwu me̩.

Jo̩n 12:23

Oñ Jisus dohi ñwu ma kakini, Adiko auwa le̩ lewa me̩, todu kʼO̩ma One̩ ki je̩ ojima.

Jo̩n 11:4

Ama abu ku Jisus gbʼo̩ i kakini, E̩gbo o̩la kide̩ i chʼe-uku n, ama tod ojima O̩jo̩, todu kʼO̩ma O̩jo̩ ki nʼojima lef uwñ.

Abo Filipai 2:11

kʼukpalu du ki la agbalu kakini Jisus Kraist che Ondu tod ojima O̩jo̩ Ata.

Abo E̩fe̩sus 2:7

todu kʼi dʼunana ufe̩de̩nyo̩ ki tabale ef emo̩la kʼi mo̩la ñw a efu Kraist Jisus le̩ ñe̩ña ef o̩kpanachi du ki awa.

Abo E̩fe̩sus 1:12

todu kʼawa ki chʼe̩wñ ku ma ñwulo̩ ojima-wñ, awa kʼa kibeno Kraist akwoubi.

2 Abo Ko̩rint 3:18

Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

Jo̩n 12:28

Ata-mi, dʼojima ñw odu-we̩. Todule̩ omuko̩la kwʼefojale wa kakini, U mʼojima du ñw u me̩, naño̩ dabi dʼojima ñw u ge̩.

Luku 12:50

U chene̩ baptism oka ku ma ache mi, go alu kʼu chʼe̩kpama te̩ gbogbo tʼe̩gba ki fʼoji ne̩.

Matiu 8:20

Oñ Jisus ka ñw u kakini, Amajo chenʼura e-ma, ame̩we̩ ojale la nʼunyi, O̩ma One̩ muda nʼugbo kʼi adʼoji-wñ te̩ n.

1 Pita 2:12

Me̩ jo̩ ache e̩wñ o̩me̩me̩le̩ ef abo uche̩ichi, todu dagba ma chaka jʼakʼalu nyʼume̩ dabe̩ne̩ kʼame̩ chʼamache̩bie̩ne̩, kʼama ki nʼugbo ku ma adʼojima ñw O̩jo̩, o̩jo̩ kʼi awa go ma, tod uko̩lo̩-me̩ o̩me̩me̩le̩ kʼama jʼali-i.