Jo̩n 12:50 - O̩TAKADA O̩LA O̩JO̩ 1970

⁵⁰ U la chema ka kʼuko̩-wñ kʼi te̩ ñwu mi le̩ chʼiñmi ogbegbele̩; todule̩ o̩la e̩wñ kʼomi aka le̩, e̩wñ kʼAta ka ñwu mi, abe̩le̩ naka.

Jo̩n 12:50 ပူးပေါင်းရင်းမြစ်များ

Jo̩n 17:3

E̩wñ ki la chʼiñmi ogbegbele̩ le̩ de̩, todu kʼama ki mʼuwe̩ kʼuwe̩ kate chʼO̩jo̩ ogbolo, kpʼe̩ne̩ kʼe̩ kpe̩ wa le̩—owñ che Jisus Kraist.

Jo̩n 6:68

Saimo̩n Pita dohi ñw u kakini, Ondu, ugbo e̩ne̩ owñ a anyi ke? kʼuko̩la e-iñmi ogbegbele̩ uwe̩ ne̩-i.

Jo̩n 6:63

Afu chʼe-ki adʼiñmi ñw e̩wñ, o̩re̩la nʼile du n; o̩la kʼomi ka ñwu me̩ le̩, afu i che, iñmi i laño̩ che ge̩.

1 Jo̩n 5:20

A la chema ka kʼO̩ma O̩jo̩ lewa me̩, i laño̩ dʼibe e̩wñ ema ñw a, todu kʼa ki ma E̩nogbolo le̩; a la jʼef E̩nogbolo le̩, ef O̩ma-wñ Jisusi Kraist. Owñ le̩ chʼO̩jo̩ ogbolo kpʼiñmi ogbegbele̩.

1 Jo̩n 2:25

E̩wñ kʼi katane̩ ñw a de̩, owñ chʼiñmi ogbegbele̩.

1 Timoti 1:16

ama lef e-kide̩ oñ ma li mi ejumomi, todu kʼefu mi kʼu chʼe̩nejodudu le̩ Jisus Kraisti ki dʼe̩do̩ eje̩ e-wñ chaka ñe̩ña ki mud e̩wñ uwo̩li e-abo ku ma che ku ma ke̩do̩nʼowñ tef iñmi ogbegbele̩.

Jo̩n 20:31

ma muda fʼe-i ko̩ todu ku me̩ ki ke̩do̩no kakini, Jisus che Kraist O̩ma O̩jo̩, todu kʼabu ku me̩ la ke̩do̩no ku me̩ ki nʼiñmi ef odu-wñ.

O̩lo̩da Eduwa Onukeji 18:18

Nadʼakache̩ kʼi dab uwe̩ kwane̩ kwef amo̩maye-ma ñwu ma; tak u nadʼo̩la e-mi tef alu-wñ oñ i akʼe̩wñ du kʼu nañwa ñw u ñwu ma.

Jo̩n 5:19

Todule̩ Jisus dohi ñwu ma kakini, Ami, ami naka ñwu me̩ kakini, O̩ma neke chʼe̩wñ du kpai ojika o̩la-wñ n, chai e̩wñ kʼi li kʼAta ache; todu e̩wñ du kʼe̩ne̩ le̩ ache, e̩wñ le̩ oñ O̩ma ñʼache abe̩le̩ ge̩.

Jo̩n 8:28

Todule̩ Jisus kakini, E̩gba du ku me̩ dʼO̩ma One̩ dago, e̩gbale̩ me̩ ama ka kʼomi de̩; u la gʼe̩dʼo̩la-mi ache e̩wñ du n, chai alu kʼAta ko̩ mi, oñ nako̩la e̩wñ-i.