Jo̩n 12:46 - O̩TAKADA O̩LA O̩JO̩ 1970

⁴⁶ Omi kʼu chʼugane̩, u lewa ef ile̩ me̩, todu kʼe̩ne̩ du ki ake̩do̩nʼomi ki we egugu ef e̩chubi.

Jo̩n 12:46 ပူးပေါင်းရင်းမြစ်များ

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Eli Eko̩ DʼO̩jo̩ 36:9

Todu ugbo-we̩ oñ e̩bi omi iñmi de̩; ef ugane̩-we̩ tak a anʼugane̩.

Jo̩n 9:5

E̩gba kʼu dʼef ile̩ u chʼugane̩ ile̩.

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Aizaya 42:7

kʼe̩ chi eju amafeju, kʼe̩ kʼame̩namu kwef ura dufu, kpai abo ku ma gugu ef e̩chubi kwef ugbo ku ma da ma hi te̩.

Jo̩n 3:19

Ajo̩ le̩ de̩ kakini, Ugane̩ le̩ lewʼef ile̩ me̩, amone̩ la fe̩do̩ e̩chubi tʼugane̩ le̩ le; todu e̩wñ ku ma agwo̩nyu ache chʼuko̩lo̩ bibi.

Jo̩n 1:9

Ugane̩ e-ogbolo chʼe-ki agane̩ ñw e̩ne̩ du abu kʼi awʼile̩.

Matiu 4:16

amone̩ du ku ma te̩te̩ gugu ef e̩chubi le̩ fʼugane̩ lile li me̩; ugane̩ la mutadufu ñw abo ku ma te̩te̩gugu oj ane̩ uku kpʼef e̩bo-wñ.

Abo E̩fe̩sus 5:14

Lef e-le̩ i kakini, Kwane̩, uwe̩ kʼuwe̩ alolu le̩, kʼe̩ kwane̩ kwef abo ki ku, taku Kraist ata dufu bʼe̩ ma.

Luku 2:32

owñ chʼugane̩ ki abi e̩wñ te̩ ñw abo uche̩ichi, owñ ño̩ chʼojima abo Israe̩l amone̩-we̩.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Aizaya 42:15

Nakpʼuwo kpʼotete fo̩ rinyo̩, naje̩ ñw e̩wñ emimi-wñ kwe̩ kwe̩ kwe̩ du ki gbe̩; tak u nache ohimini ohimini ki mud ala ala jo̩, oñ naje̩ ñw oduda omi-wñ du ki gbe̩ ge̩.

Jo̩n 9:39

Taku Jisus kakini, Tod ajo̩ oñ omi wʼef ile̩ kide̩, todu kʼabo ku ma ma gane̩ n ki gane̩; i ño̩ chʼutodu kʼabo ku ma gane̩ ki mud afeju.

Aizaya 40:1

Me̩ ki nyʼuma e̩do̩, me̩ ki nyʼabo-mi e̩do̩, O̩jo̩-me̩ ka-i.