Jo̩n 12:26 - O̩TAKADA O̩LA O̩JO̩ 1970

²⁶ Iche̩wñ kʼe̩ne̩ du ache e̩wñ ñw omi, i ki natʼumi ubi; tak ugbo kʼomi de̩, o̩mo̩ e̩ne̩ ki ache e̩wñ ñwu mi ñʼade̩ ge̩; iche̩wñ kʼe̩ne̩ du ache e̩wñ ñwu mi, Ata-mi abumʼo̩.

Jo̩n 12:26 ပူးပေါင်းရင်းမြစ်များ

Abo Galatia 1:10

Todu one̩ nache kʼu gbʼo̩ ibe-i? abe̩kʼO̩jo̩? abe̩k one̩ nafeju kʼu nyo̩ eju? I ma chʼone̩ u che kʼu nyʼo̩ eju ta, u ma chʼadu Kraisti n.

1 Samiue̩l 2:30

Todule̩ Jihofa, O̩jo̩ e-Israe̩l, kakini, Omi ka kʼabo unyi-we̩ kpai abo unyi ata-we̩ alule̩ o̩gba-mi ogbegbele̩ ochochi; ama e̩wñ ki Jihofa muda aka de̩, kakini, E-le̩ ki jiji rʼumi; todu abo ku ma dojima ñwu mi oñ omi adojima ñwu ma, abo ku ma la che e̩de̩te̩-mi awʼe̩ne̩ du eju n.

Abo Ko̩lo̩se 3:24

abu ku me̩ chema kakini, Ugbo Ondu oñ ame̩ agba e̩wñ-ogu le̩ chʼakoji-wñ; Ondu Kraist ame̩ chʼadu ñwu.

Abo Rom 1:1

Po̩l, adu Jisus Kraisti, e̩nukpuche̩ lugbo edo̩ ku ma do̩, ku ma fʼu date̩ ñw Uche̩nyo̩ O̩jo̩,

Jo̩n 17:24

Ata-mi, i dʼumi e̩do̩ todu kʼabo kʼe̩ ko ñwu mi ki jʼugbo mi ugbo kʼomi de̩, todu kʼama ki gʼojima e-mi kʼe̩ mudu ñwu mi, todabu kʼuwe̩ fe̩do̩ mi o̩gba taku ma kpʼe̩re̩ ile̩-i.

Jo̩n 10:27

Amala e-mi agbʼomuko̩la-mi; omi la chema ma, ma la atʼumi ubi;

2 Abo Ko̩rint 5:8

a la ne̩do̩, i la che̩rʼuwa e̩do̩ tule kʼa kwo bʼunyi año̩la te̩, kʼa ki jʼunyi ugbo Ondu.

O̩takada ki kwʼo̩wo̩ Jud 1:1

Jud, adu Jisus Kraisti kpʼo̩maye Jeme̩s, tʼugbo abo udo̩, ku ma la te̩tafe̩do̩ ma ef O̩jo̩ Ata, ku ma la te̩tadejute̩ ma ñwu Jisus Kraisti:

1 Jo̩n 5:3

Todu e̩wñ ki chʼufe̩do̩ O̩jo̩ de̩, kʼa ki de uko̩-wñ. Uko̩-wñ la woji n.

2 Pita 1:1

Saimo̩n Pita, adu kpʼe̩nukpuche̩ Jisusi Kraisti, tʼugbo abo ku ma fʼe̩do̩ ekono kʼakoko-wñ chʼokujo̩ kpʼe-wa je̩ ef o̩kpakpa O̩jo̩ kpai E̩najadu-wa Jisusi Kraisti:

2 Abo Ko̩rint 4:5

Todu i chʼo̩la-wa oñ a takoya-wñ n, chai Kraisti Jisus Ondu, kʼawa onugo la chʼadu-me̩ lefu Jisus.

Abo Rom 14:18

Todu e̩ne̩ ki dʼef e̩wñ-i achuko̩lo̩ adu ñwu Kraisti nyo̩ O̩jo̩ eju, amone̩ la fʼu ñwa kʼi nyo̩.

Jo̩n 15:20

Me̩ nadibekadʼo̩la kʼomi ka ñwu me̩ kakini, Adu tʼodu-wñ le n. Iche̩wñ ku ma doli mi, maku ma ñʼadoli me̩ ge̩; iche̩wñ ku ma dejutʼo̩la-mi, maku ma ñʼadejutʼe-me̩ ge̩.

Luku 6:46

E̩wñ chi ku me̩ do̩ mi ko̩ Ondu, Ondu, ku me̩ ma la che e̩wñ kʼu ka n?

Ita, Ita 27:18

E̩ne̩ ki adejutʼoli o̩gbaikolo aje̩ e̩ro-wñ, oñ e̩ne̩ ki adejute̩ odu-wñ anʼubumo̩.

Eli Eko̩ DʼO̩jo̩ 91:15

I akwado̩ mi, omi la adohi ñw u; i dʼef o̩pe̩cha omi adʼugbo-wñ, nafʼu yo̩ dufu tak u nabʼojima mʼo̩.

Abo Filipai 1:23

E̩wñ meji le̩ la mʼumi ne̩ gaga, e̩ño̩-wñ ache mi kʼu mutu kwʼemi alo kʼu dʼugbo Kraist; todu e-le̩ nyo̩ tule nana ololo.

Jo̩n 14:3

I la che̩wñ kʼu le kʼu ñwʼuña che tane̩ ñwu me̩, nadabi wa ge̩, oñ namʼume̩ gba wʼugbo mi onugo; todu kʼugbo kʼomi de̩ kʼame̩ ki ño̩ jo̩ kpo̩fo̩.

Jo̩n 13:16

Ami, ami, naka ñwu me̩ kakini, Adu atʼodu-wñ le n, e̩nukpuche̩ la tʼe̩ne̩ ki kpʼo̩ le n.

Luku 9:23

Tak i ka ñw o̩chaka amone̩ kakini, Iche̩wñ ki dʼone̩ e̩do̩ kʼi kadʼumi ubi awa, i ki fʼaire̩ o̩la-wñ re̩ kʼi namʼoli uku-wñ du o̩jo̩ñwa o̩jo̩ñwa, kʼi lewa tʼumi ubi.

Matiu 25:21

Odu-wñ ka ñw u kakini, I nyo̩! uwe̩, adu ki nyo̩ ki achubi one̩. E̩ chubi-mi ef e̩wñ re me̩, nadʼuwe̩ dago kʼe̩ nʼo̩da e̩wñ wewe; mugudu wʼef uyo̩ odu-we̩ ke.

Eli Eko̩ DʼO̩jo̩ 17:15

I chʼe-mi, nali eju-we̩ ef o̩kpakpa; e̩gba kʼu mʼolu ji, alu kʼe̩ de̩ abʼumi jo̩.

Ekaluka 14:24

Chai adu-mi, Kele̩b, todabu kʼowñ nʼafu omune̩ ojoji efu-wñ, kʼi la tʼumi ubi ogbolo, owñ le̩ nadu wa oj ane̩ ugbo kʼi nyi le̩; ugbe̩-wñ la anʼane̩ le̩.

O̩la E̩bite 14:4

Abo-i chʼabo ku ma ma kpʼo̩la-ma bie̩ ugbo abobule̩ n, todu ma chʼabo ku ma ma mʼonobule̩ n. Abo-i chʼabo ku ma atʼO̩mala ubi ugbo du kʼi anyi. Ma fʼabo-i la kwʼugbo amone̩, ma chʼejo̩ga e̩wñ ñw O̩jo̩, kpʼO̩mala le̩.

Abo Ko̩lo̩se 4:12

Ipafras, kʼi chʼe̩ne̩-me̩ kʼi chʼadu Kraist Jisus kʼi afejugbiti todu me̩ e̩gba du ef adua-wñ, todu kʼame̩ ki mufu dago kʼe̩wñ du ki dʼO̩jo̩ e̩do̩ ki jo̩ kpa o̩la-me̩, agwa me̩.

Jo̩n 21:22

Jisus ka ñw u kakini, Iche̩wñ ki dʼumi e̩do̩ kʼi gugu gbogbo tak u wa, o̩wo̩-we̩ do̩? Uwe̩ ki tʼumi ubi.

Jo̩n 14:15

Iche̩wñ ku me̩ fe̩do̩ mi, me̩ adejutʼo̩la uko̩-mi.

Mark 8:34

Tak i fʼo̩wo̩ amone̩ le̩ kpai amako̩che̩-wñ do̩ wʼugbo-wñ, i ka ñwu ma, kakini, Iche̩wñ kʼi dʼe̩ne̩ du e̩do̩ kʼi akadʼumi ubi awa, i ki fʼaire̩ o̩la-wñ re̩, kʼi mʼoliuku-wñ du, tak i ki tʼumi ubi.

Matiu 16:24

Taku Jisus ka ñw amako̩che̩-wñ kakini, Iche̩wñ ki dʼe̩ne̩ du e̩do̩ kʼi tʼumi ubi, i ki fʼaire̩ o̩la-wñ re̩, kʼi la mʼoli uku-wñ du, kʼi tʼumi ubi.

Ekaluka 32:11

Ochochi, eju aboke̩le̩ du ku ma kwʼ Ijipti dufu wa-i, kʼo̩do̩-ma chʼogu nyʼate̩to̩gba-wñ ado ane̩ kʼomi go̩ ñw Ebraham kpai Aise̩k kpai Jeko̩b in, todabu ku ma ma tʼumi ubi ogbolo n;

Luku 12:37

Amadu kʼodu-ma lewa ali abu ku ma jʼagwe̩ke̩ adide gbede; ami naka ñwu me̩, ka kʼowñ adʼe̩wñ lʼago o̩la-wñ de, oñ i aje̩ ñwu ma chekukane̩ ku ma jʼe̩wñ, i la awʼugbo ma i ache e̩wñ ñwu ma.