Jo̩n 11:40 - O̩TAKADA O̩LA O̩JO̩ 1970

⁴⁰ Jisus ka ñw u kakini, U ka ñw e̩ kakini, Iche̩wñ kʼe̩ ke̩do̩no uwe̩ ali ojima O̩jo̩ n?

Jo̩n 11:40 ပူးပေါင်းရင်းမြစ်များ

Jo̩n 11:4

Ama abu ku Jisus gbʼo̩ i kakini, E̩gbo o̩la kide̩ i chʼe-uku n, ama tod ojima O̩jo̩, todu kʼO̩ma O̩jo̩ ki nʼojima lef uwñ.

Eli Eko̩ DʼO̩jo̩ 63:2

Abe̩le̩ omi kejurʼuwe̩ ef uña kiafo̩ le̩, kʼu li ukpahiu-we̩ kpai ojima-we̩.

Jo̩n 1:14

O̩la kʼa ka-i la mud ore̩la oñ i ge̩ne̩ ef uwa, (a la fʼojima-wñ li, ojima-wñ dab e-omokpono ugbo Ata-wñ), i che̩ko̩ ñw ufe̩de̩nyo̩ kpʼochochi.

2 Iko Iko E̩wn 20:20

Taku ma takpa kwane̩ odudu, oñ ma le dufu nyʼaje̩tachi Te̩koa: oñ abu ku ma dufu alo, Jiho̩shafat kwane̩ dago, i kakini, Me̩ gbʼomu-mi, O Juda, kpʼame̩ ku me̩ dodo Je̩rusale̩m: me̩ ki dʼo̩la Jihofa O̩jo̩-me̩ rʼochochi, tak ame̩ adago kpaka; me̩ ki dʼo̩la amakache̩-wñ rʼochochi tak i ara ñwu me̩.

2 Abo Ko̩rint 3:18

Ma la bi e̩wñ le̩ rʼuwa eju chaka kʼa jʼago ojima Ondu dabe̩ne̩ kʼef ogigo, oñ i amʼuwa da tef ojibo e-le̩ gbage̩de̩ kwugbo ojima tef ojima, dabe̩ne̩ ki kwugbo Ondu ki chʼAfu le̩.

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

Eli Eko̩ DʼO̩jo̩ 90:16

uko̩lo̩-we̩ ki kwotejugede ñw ama du-we̩ ke, ojima-we̩ ki la bʼamo̩ma-ma oji ma.

Jo̩n 9:3

Jisus dohi kakini, Tʼe̩ne̩-i, tʼabo ku ma biʼi dure n, chai todu kʼuko̩lo̩ O̩jo̩ ki kwotejugede ef uwñ.

Jo̩n 12:41

Aizaya ko̩la kide̩ todabu kʼi fʼoji-ma-wñ li, o̩la-wñ i la ka le̩.

Akwodufu 16:7

odudu-wñ me̩ la ali ojima Jihofa, todabu kʼi gbo̩ eñmini ku me̩ ka nyu Jihofa o̩la. Todu e̩ne̩ awa che taa, ku me̩ kʼeñmini nyʼuwa o̩la?

Matiu 17:20

Oñ i ka ñwu ma kakini, Lef e̩do̩ ekono-me̩ kʼi de̩ re-i. Todu, ami, naka ñwu me̩, iche̩wñ ku me̩ nʼe̩do̩ ekono dab e̩yo̩ mustadi, ame̩ aka ñw uwo-i kakini, Chi kwʼemi kʼe̩ nyʼano̩mo̩, i la achi alo, oñ e̩wñ du kʼome̩ ma neke che n ade̩ n. [

Mark 9:23

Oñ Jisus ka ñw u, kakini, E neke kʼe̩ ka-i fa? E̩wñ du jʼache ñw e̩ne̩ ki ake̩do̩no.

Abo Rom 6:4

Oñ ma fʼawa kpai owñ ji lefu baptism tef uku, todu kʼalu ku ma mu Kraisti du dajikwane̩ kwef abo ki ku lef ojima Ata le̩, abe̩le̩ kʼawa ki ño̩ tale ef e-etito̩ e-iñmi.