Jo̩n 1:6 - O̩TAKADA O̩LA O̩JO̩ 1970

⁶ E̩ne̩ʼka ku ma kpʼo̩ uche̩ kwugbo O̩jo̩ wate̩, odu-wñ ko̩ Jo̩n.

Jo̩n 1:6 ပူးပေါင်းရင်းမြစ်များ

Malakai 3:1

Go, nakpʼonuche̩-mi wa, kʼi ñwʼo̩na che o̩gba-mi; tak Ondu kʼame̩ atene owñ le̩ awʼunyi-wñ achigili. Onuche̩ e-alo kʼame̩ ayo̩ ñw u le̩, me̩ go, owñ awa, Jihofa ki nʼe̩wñ du ka-i.

Matiu 11:10

Owñ le̩ chʼe̩ne̩ ku ma ko̩ o̩la-wñ tane̩ kakini, Go, omi akpʼonuche̩-mi uche̩ tʼo̩gba-we̩, kʼi añwʼo̩na-we̩ che tʼo̩gba-we̩.

Matiu 21:25

Baptism e-Jo̩n le̩, ugbo i kwo ta? Efojale abe̩k ugbo amone̩ i kwo? Oñ ma kwolo̩la kpʼo̩la-ma kakini, Iche̩wñ kʼa ka kʼi kwʼefojale, i aka ñw a kakini, E̩wñ chi kʼame̩ ma ke̩do̩nʼo n?

Luku 1:13

Ama onuche̩ O̩jo̩ le̩ ka ñw u kakini, E̩ ki railo n, Zekaraya; todabu ku ma fʼo̩ko̩ kʼe̩ gbabʼo̩ le̩ gbo̩ me̩, o̩ya-we̩ E̩lizabe̩t la abi o̩ma e̩ne̩ke̩le̩ ñw e̩, tak uwe̩ adʼodu-wñ ko̩ Jo̩n.

Luku 1:76

Oñ uwe̩ ge̩, o̩ma-i, ma adʼuwe̩ ko̩ akache̩ e-O̩jo̩ Chamachala, todu uwe̩ adʼo̩gba eju Ondu alo, kʼe̩ ñwʼo̩na-wñ che;

Jo̩n 1:33

U la mʼo̩ n; e̩ne̩ ki muda kpe̩ mi wa ache baptism ef omiofo, owñ le̩ ka ñwu mi kakini, E̩ne̩ kʼuwe̩ ali abu kʼAfu agwo̩ru awa kʼi la kwogugu oji-wñ, e̩ne̩ le̩ chʼe̩ne̩ ki achʼone̩ baptism ef Afu Kiafo̩.

Jo̩n 3:28

Ame̩ onugo chʼe̩nibenu-mi kʼu kakini, I chʼomi che Kraisti n, chai kakini, Ekpe̩ ma kpe̩ mi uche̩ tʼo̩gba e̩ne̩ le̩.

E̩wñ kʼAme̩nukpuche̩ Che 13:24

abu ki Jo̩n fʼakoya baptism e-ibe erida ta ñw amo̩ma Israe̩l du eju-wñ abu kʼi aguduwa.