Jo̩n 1:31 - O̩TAKADA O̩LA O̩JO̩ 1970

³¹ U la mʼo̩ n; ama todu kʼi atejugede ñw abo Israe̩l, todule̩ oñ omi lewa achʼone̩ baptism ef omiofo.

Jo̩n 1:31 ပူးပေါင်းရင်းမြစ်များ

Malakai 3:1

Go, nakpʼonuche̩-mi wa, kʼi ñwʼo̩na che o̩gba-mi; tak Ondu kʼame̩ atene owñ le̩ awʼunyi-wñ achigili. Onuche̩ e-alo kʼame̩ ayo̩ ñw u le̩, me̩ go, owñ awa, Jihofa ki nʼe̩wñ du ka-i.

Matiu 3:13

E̩gbale̩ Jisus kwo Galili lewa eti Jo̩rdan ugbo Jo̩n kʼi chʼo baptism.

Matiu 3:6

Oñ i nache ma baptism ef ohimini Jo̩rdan abu ku ma jʼagbalu adure-ma.

Luku 1:17

E̩ne̩-i adʼo̩gba eju-wñ alo ef afu kpai ukpahiu E̩laija, kʼi aje̩ ñw e̩do̩ amata rida tʼugbo amo̩ma, kʼi laño̩ je̩ ñw abo ku ma ko̩ eje̩ ñwu ma tʼuma eju gu ku ma kwotʼef ibe abo̩kpakpa; kʼi fʼabo ku ma mo̩la tane̩ ñwo̩che ñw Ondu.

Jo̩n 1:30

E̩ne̩-i chʼe̩ne̩ kʼu kʼo̩la-wñ kakini, E̩ne̩ke̩le̩ʼka dʼubi mi awa e-kʼi mud e̩ne̩ ki tʼo̩gba ñwu mi, todu i do̩mo̩ ejodudu tak omi do̩mo̩.

Jo̩n 1:32

Oñ Jo̩n gbʼibenu kakini, Omi li abu kʼAfu agwo̩ru kwʼefojale awa, oñ i gugu oji-wñ.

Jo̩n 1:33

U la mʼo̩ n; e̩ne̩ ki muda kpe̩ mi wa ache baptism ef omiofo, owñ le̩ ka ñwu mi kakini, E̩ne̩ kʼuwe̩ ali abu kʼAfu agwo̩ru awa kʼi la kwogugu oji-wñ, e̩ne̩ le̩ chʼe̩ne̩ ki achʼone̩ baptism ef Afu Kiafo̩.

Jo̩n 1:7

E̩ne̩-i lewa todu kʼi gbʼugane̩ le̩ ibenu, todu kʼe̩ne̩ du ki ke̩do̩no lef uwñ.

E̩wñ kʼAme̩nukpuche̩ Che 19:4

Oñ Po̩l kakini, Jo̩n ne̩ baptism e-uribeda achʼone̩, i naka ñw amone̩ le̩ todu ku ma ki ke̩do̩no e̩ne̩ ki awa ubi owñ, owñ che Jisus.