Jo̩n 1:27 - O̩TAKADA O̩LA O̩JO̩ 1970

²⁷ owñ chʼe̩ne̩ kʼi dʼubi mi awa, e-kʼomi ma nyo̩ bo̩jo̩ kʼu natʼiku e̩da-wñ n.

Jo̩n 1:27 ပူးပေါင်းရင်းမြစ်များ

Abakwane̩ 14:23

ka kʼomi agba owuʼka abe̩k iku e̩daʼka abe̩k e̩wñ okate ki chʼe-we̩ n, tode̩gba kʼuwe̩ akakini, Omi chʼe̩wñ kʼEbram chʼanana.

Matiu 3:11

Omi ache me̩ baptism ef omiofo tef ibe erida, mana. Iñmi E̩ne̩ ki muda dʼubi-mi awa chetʼe-mi le, u bebʼe̩da e̩re̩-wñ jo̩ kʼu nane̩ n. Owñ le̩ ache me̩ baptism ef Afu Kiafo̩ kpʼuna.

Mark 1:7

I takoya kakini, E̩ne̩ ki gbiti tʼumi le i tʼubi-mi awa, omi bo̩jo̩ kʼu nate̩kpe̩ atu iku e̩da-wñ n.

Luku 3:16

Jo̩n dohi ka ñwu ma chaka kakini, Omi nʼomiofo ache me̩ baptism mana; ama e̩ne̩ ki nʼiñmi tʼumi le awa, e-kʼomi ma nyo̩ bʼetu iku e̩da-wñ jo̩ n; owñ le̩ ache me̩ baptism ef Afu Kiafo̩ kpai una;

Jo̩n 1:15

Jo̩n do̩mo̩ agbʼo̩ ibenu, ila kwukwa kakini, E̩ne̩-i chʼe̩ne̩ kʼu kakini, E̩ne̩ kʼi dʼubi-mi awa mud e̩ne̩ ki tʼo̩gba ñwu mi, todu i do̩mo̩ ejodudu tak omi do̩mo̩.

Jo̩n 1:30

E̩ne̩-i chʼe̩ne̩ kʼu kʼo̩la-wñ kakini, E̩ne̩ke̩le̩ʼka dʼubi mi awa e-kʼi mud e̩ne̩ ki tʼo̩gba ñwu mi, todu i do̩mo̩ ejodudu tak omi do̩mo̩.

Jo̩n 10:41

Tak amone̩ wewe wʼugbo-wñ; oñ ma kakini, Jo̩n chʼujiwe du n, ama o̩la e̩ne̩-i du ku Jo̩n ka chʼochochi.

E̩wñ kʼAme̩nukpuche̩ Che 13:25

Oñ abu ki Jo̩n nʼukpe̩-wñ ache, i kakini, E̩ne̩ me̩ neju ka kʼomi che ta? I chʼomi no. Me̩ muda go ta, e̩ne̩ʼka awa ubi-mi, e-kʼomi ma nyo̩ bʼiku e̩da-wñ etu jo̩ n.

E̩wñ kʼAme̩nukpuche̩ Che 19:4

Oñ Po̩l kakini, Jo̩n ne̩ baptism e-uribeda achʼone̩, i naka ñw amone̩ le̩ todu ku ma ki ke̩do̩no e̩ne̩ ki awa ubi owñ, owñ che Jisus.